تكفووون ساعدوني اكتشفت هالشي بعد سنه

الله يكفكم شر المخدرات,اول تاكدي انها مخدرات وبعد كذا لازم تعلمين احد من اهله حكيم ومايطلع الخبر ان شاء الله يقدر يساعدكم ولايعرف زوجك انك انتي الي علمتيه.

إذا تأكدتي منه بأنه يتعاطى المخدرات خلي اخوانك يقولون له تعال معنا نتمشى في السيارة وإذا راحوا يودونه المستشفى يتعالج بسرية تامة بدون ماتفضحونه

فيه مستشفيات متخصصه لمعالجة المدمننيين

اكبر خطا انك نزلتي مشكلتك بمنتدى ولناس مو اخصائين ولا استشاريين 

كل وحده تعطيك حل من عندها لو اقتنعتي بواحد من هالحلول واستخدمتيه ممكن تندمين طول عمرك 

مثل اللي تقولك صوريها وروحي لصيدليه واطلبيه!! 

طيب واذا الصيدلي مسكها وبلغ عنها، 

واللي تقلك كلمي اخوانك وياخذونه يودونه مستشفى الامل ولايعرف الا وهمه مودينه!! 

هذي اللي جت بتكحلها وعمتها، يعني بأعتقادك اهله لادرو ان اخوانها ماخذينه المستشفى بيسكتون عنهم؟ وغير كذا مو حل ممكن تكون نتيجته عكسيه .

ابحثي عن اخصائين او مستشارين واسأليهم كيف تتعاملين مع هذا الوضع، واستخيري ربك ، والمشوره مو كلن قادر يعطيها، المشوره لها اصحابها واهلها، واول شرط للي بتستشيرينه يكون عاقل ماتحكمه عواطفه، ومن فين بتعرفين ان كل اللي بالمنتدى عاقلين وراشدين، ومايتكلمون بعواطفهم، 

الله يهديك لسواء السبيل ويرشدك 

لاإله إلا الله محمد رسول الله--استغفرالله العظيم عدد كل شئ
اللهم صل على نبينا محمد
حسبي الله ونعم الوكيل
سبحان الله والحمدلله ولاإله إلا الله والله اكبر

هلا اختي كان الله في عوونك

الموضوع كبير وشي ماينسكت عنه الحبوب هاذي كبتاجوون اذا عليها نفس شكل الاقواس متعاكسه
مررا تكلمو عنها في شات بدااية ووصفوها كذا

اهم شي لا تجبين عيال وتربطين نفسك معه وتعيشين عيالك بجحيم الحين تشوفينه عادي بعد كم سنه
راح يزيد وضعه سوء

ودي انصحك بس والله ما ادري وش اقول

غير الله يصلح حاله ويرده عن هالطريق