زوجي يحب وحدة غيري واللي يقهر متزوجه واكبر مني بعد

الله يسخره لك

غباء وهمجيه باغلب الرجال ..
يكون عنده وحده ماتتعوض وعينه برا ...
حسبي الله عليهم

الله يصلح الحال

امسحي رقمها من جواله خير ياطير حاط الرقم بجهازه وانتي جالسه؟!!!
ابو الوقاحة اللي كذا معليش احس انك وحده بااارده شايفته حافظ رقمها وشايفه حركاته واهتمامه
لا ويقول اعزميها وتكلمين وتعزمين؟!!
والله ما الومه لو سوا هالشئ انتي حاطه له الحبل على الغارب
معليش ياقلبي ما اقصد اقسى عليك بس من جد ترى تصرفاتك تزيد المشكله تأزّم
روحي وقولي له انك قلتي للحرمه ان رقمها بجواله وقالت بأعلم زوجي
وانك قلتي لها انك مسحتيه
وشغّلي كيد الحريم انقلي له كلامها عن زوجها وانها تعشقه وتموت فيه
وهالكلام بين السوالف طبعاً مو تجيبين طاري البنت بشكل مباشر
ولا عاد تتكلمين عنها ولا تقولين له تحبها لأنك كذا جرأتيه صار رقمها بجواله قدامك وما طق لك خبر
لا ويعزم ويقول كلميها تجي
قمة قلة الحياء صدق اذا لم تستح فاصنع ماشئت
والله ما رحمت غير زوج المسكينه هذي اللي واثق في صديقه ما يدري بخبث باطنه
وينه عن الشاعر في الجاهليه حتى قبل الاسلام هالكلام يوم يقول ( اغض الطرف اذا ما بدت لي جارتي حتى يواري جارتي مأواها ) يعني يغض بصره عنها اذا طلعت متكشفه حتى ترجع تدخل لبيتها
وين المرؤة وين الاخلاص والصدق مع صاحبه
المفروض الصديق يحمي شرف وعرض صديقه من الاغراب صار الخوف الحين من هالصديق ؟!!
الله المستعان بس لكن نصيحتي لا تخلين بيتك ولا تقولين لأهلك شئ ممكن يخرب بيتك وبيت هالمسكينه اللي مالها ذنب ولا تدري عن نزوات زوجك وشياطينه
الله يعينك ويفرج همك
لكن تذكري ان الحل بيدك

شكله والله اعلم ان زوجها يمدحها لزوجك بطيب نيه لانه يمون ع زوجك وكذا عشان كذا حبها .. ذول الرجال عليهم طلعات غريبه ماعندي حل  الله يكون بعوونك وبدعيلك