تسمم وتعب ايش الحل الله يوفقكم

بنات جاني تسمم يوم السبت
في البداية جاني زي الخمول والدوخة بعدين شربت عسل ومويا لانه زي ما تقول ماما مايجلس على وسخ
وفعلا شربته

واستفرغت تقريبا 7 مرات
وإسهال الله يكرمكم

من الصباح وماقدرت أروح المستشفى الا الساعة 11 قال الدكتور عندي تسمم وطبعا كنت ارتجف وبموت من التعب

لانه استفرغت كتير وأنهكت جداً

بعدين أعطاني مغذي وابره عشان الاستفراغ والإسهال ونوموني ساعة ونص تقريبا

وطلعت افضل لكن ماني قادرة أشيل نفسي احس بضعف كدا

وطبعا الحمدلله راح الاستفراغ مع الأدوية والإسهال كمان

بس يابنات طبعا اليوم اثنين وأنا جاني السبت

لين الحين احس خملااااانه ومافيا حيل أبداً

ماابغى اتحرگ احس بوهن كدا وضعف

ما ادري اذا كان شي طبيعي او لا

اذا كان طبيعي متى ممكن يروح

وإذا مش طبيعي ممكن يكون ايش يعني ممكن يكون باقي تسمم ماراح!!

بالله قولولي

اليوم بمشي بيت أهلي بجلس كم يوم احس مافيا حيل والله بس أبغى انسدح

ومايصير كدا طبعا فيه زوجي وأنا طالبه عندي دوام ماني عارفه ايش اعمل والله:06:

3 تعليق 1,312 مشاهدة

شاركي في النقاش

سجلي الدخول لإضافة تعليق.

التعليقات

3
  1. @waaaard

    وقت وترجعي أحسن من اول بأذن الله

    عوضي جسمك بسوائل مثل مويه وعصيرات طبيعيه او حليب .....
    أبعدي عن اي شئ فيه دسم او زيت لانه يضرك ويتعبك زياده


    قدامك العافيه وألف سلامه عليك
    دعواتك

تابعي تجارب أخرى من هذا القسم.