`·.¸¸.·¯`··._.· التجمع العاشر لأحلى حوامل التوائم `·.¸¸.·¯`··._.·

الله يسهلك يا فستان فوشي ولنا يارب

السلام عليكم ورحمة الله وبركاته
صباح الخير ...ومبروك الاجازه الاسبوع القادم باذن الله ....يالله نبي نطلع من جونا وعطونا اماكن حلوه بالرياض نمكن نﻻوح لها. ..اهم شي نقدر نتسدح وننام يعني ساليهات حلوه لاني عارفه ماراح اتحمل الجلوس ...لكن بما انه طول الاجازه الطويله والباب مسكر علينا نبي نغير جووو ولو شوي

آه بس يارب هون علينا الحمل
ربي اني قد مسني الضر وانت ارحم الراحمين
بجد تعبت يارب صبرني اليوم ذبحني مغص بالامعاء ومعدتي مولعة قمت من نومي
متى اغمض وافتح القاني بالتاسع😭😩

بنات بالنسبه للاشعه الرباعيه أو الثلاثيه >>> للحين موعارفه الفرق بينها

كان موعدي مع الدكتور من كم يوم وطلب مني 3D الثلاثيه عشان يبغى يتطمن على شي محدد

وبصراحه ماكان ليا نفس اسويها والميزانيه مضروبه فـ قلت له اسويها بعد اسبوعين قال لا لازم هالاسبوع ماينفع نأخرها اكثر من كذا

واتصلت الممرضه على دكتور الاشعه واعطاها موعد لليوم الثاني وقلت انا مسافره ماراح اجلس في جده :02:
قام كلم الدكتور بنفسه ووافق وقال خلاص روحي يستناك الحين :huh:

المهم مكتوب في الفاتوره اشعه ثلاثيه / اشعة رباعيه

واتطمنت على الاجنه يارب لك الحمد الله يبلغني فيهم بصحة وعافيه

والصور لوحده من البنات طلعت حلووووة ماشاء الله والثانيه معطيتنى ظهرها وماشفت وجهها كان على جهة ظهري

ومارضيت تغير وضعيتها







انا كمان من الشهر السادس بطني ناااااازله

والحين بالسابع وكل مالها بنزول .. الله يستر ويتمملنا على خير للتاسع

:


مس بطرانه ايش اخبارها ؟!

ياليت تطمنا عليها وعلى بنوتاتها الله يقومها بالسلامه

سلااااام حبيباتي وحشتوني

انا قاعده بالتجمع القديم واكتب وارد لي ساعتين اخرتها طلعتوا منتقلين للجديد ههههههههههههه


انا مثل ماخبرتكم حاليا بالأردن ومن يومين رحت عند دكتور وسوالي سونار وقاللي الحمدلله كل شي سليم , سأله عن الفحص الي يسوونه للتشوهات والداون قاللي ماله داعي تدخلين نفسك بدوامه والاجنه الحمدلله شكلهم طبيعي جدا اللهم لك الحمد وسألته عن الربط قالي انا اسويه لكل مريضاتي الي يحملوا بتوأم , قلتله يعني اذا لاسمح الله جاتني ولاده مبكره الربط ممكن يمنع؟؟ قاللي لأ طبعا الولاده المبكره خلاص مايمنعها ولاشي , المهم قلت بس ارجع البحرين بروح عند دكتوري والي هو يقوله بسويه


وهذا الدكتور قاللي وقفي الحبوب المثبته خلاص مالها داعي مفعولها اول 3 شهور بس تخيلوا؟؟؟؟ بس انا طبعا مابوقف ولابغير شي من الي ماشيه عليه لين ارجع البحرين بأذن الله


وقاللي خلاص اذا رجعتي البحرين لاتسافرين مره ثانيه ولاتمشين وايد ولاتتعبين نفسك او تشيلين اشياء ثقيله لااازم ترتاحي راااحه تااااامه هذيله توأم مولعبه واااايد حذرني يابنات وخوفني قاللي انتي لازم تحافظين عالأجنه داخل الرحم اطول فتره ممكنه عشان اذا انولدوا مايحتاجون حضانه




وقاللي طبعا ولادتك بتكون قيصريه ولااااتحاولين تولدين طبيعي نهائيا لأنه له مضاعقات




واخر شي ترجيييته انه يشوفلي جنسهم وتم واااااايد يحاول البنوته طلعت الجنين الاكبر وعرف من البدايه بس الصغير تم يحاول ويحاول بالأخير قاللي عالأغلب ولد بس لازم ترجعي تتأكدي بعد اسبوعين الحمدلله الحمدلله الحمدلله الحمدلله حمدا كثيرا طيبا


طبعا زوجي ميت خوف انه الولد يطلع بنوته ثانيه هههههه بس انا فرحانه بالبنوته كثيييييييييييير لأنه ماعندي خوات كنت اتمنى بنوته وعشان زوجي كنت ابي الولد


الله كريم يابنات والحمدلله انه يعطينا اكثر مانتمنى واكثر مانتوقع والله اني كنت اتمنى بس ظفر طفل وربي اكرمني وشوفوا كيف رزقني ببنت ولد ماشاء الله تبارك الله لاقوة الا بالله


الله يحفظهم ويتمم لنا على خير وييسر لنا حملهم وولادتهم ورضاعتهم
والله يرزق كل محروم الذريه الصالحه السليمه المعافاه يااااارب