شاركي في النقاش

سجلي الدخول لإضافة تعليق.

التعليقات

2,233
  1. @mymo_akht_roro

    انت دنيتي سوسو
    وجهت نظرك احترمها جدا بس ياقلبي الدنيا هذي صارت مصالح وبس حتي زوجك او زوجي مااضمنه بعد كم سنه ايش يسوي الله اعلم واحنا مانعرف ايش راح يصير بكرا اوبعد ماتدري لو تزوج عليكي بعد كل التضحيات عشان يجرب وصارت مع كذا وحده بعد ماوصلت لاربعين تزوج …
    اي والله صادقه
    انا زوجي يلقون عنده حيامن بالمسح المجهري قليله جداً وضعيفه لكن سويت كم عمليه وكلها تفشل الحمدلله على كل حال انتي زوجك تطلع بالسائل ؟ ولا لازم عمليه
  2. @mymo_akht_roro

    سجينه احلامها
    مرحبا بنات ايش اخباركم ان شاء الله تمام ايش الكلام الكبير ذا:eek: ياحبيباتي وكلوا اموركم لفاطر السماوات والارض والله لن يضيعكم بس خليكم متفائلين ولاتتذمروا كم من الاجر سوف تنالون ان شاء الله بسبب صبرك وحرمانك حبيباتي احتسبوا ماتمرون به من…
    سجينه الدكتور قال انو اللي كان عنده حيامن بعدين اختفت وضعه سهل مو زينا ابد
    وعلاجه سهل
  3. @hlm_alamomh_2_1

    خواتي الحبيبات والله ان مانمر فيه هم يهد جبال انا تقريبا بيني وبين الجنون شعره من كثر التفكير والتعب النفسي اللي امر فيه لكن في النهايه افكر من قدر لي هالزوج؟ من منزل هالابتلاء علينا؟شمعنى انا؟شلون صديقتي واختي وبنت خالتي وغيرهم تزوجوا بعدي وصاروا امهات وانا اموت في اليوم مليون مره لان ودي اسمع كلمة ماما في يوم كل هالاسئله جوابهم واحد قدر الله يقول هالشي احنا نعترض على من وعلى ايش زوجي انسان مصلي وخايف ربه في كل الامور ليش اعاقبه على شي مو من صنع نفسه اما اذا الزوج سليط لسان وطويل يد والله مافي شي يجبرني اضحي واقعد معاه يوم هنا الفرق وهنا العقل..

    قال اشرف الخلق محمد اللهم صلي وسلم عليه ما أنزل الله من داء إلا أنزل له شفاء وهذا يخلي عندي امل الشفاء لان رسولنا الكريم مايقول شي عبث خواتي والله ان في كثير ويعذروني ان بضرب المثل فيهم الله يرزقهم ويسعدهم اختنا سجينه الحمدالله طلع مع زوجها حيوانات منويه في السائل واختنا ياعيني على الشرقيه عندها 3 آو 4 اطفال الله يخليهم لها ويصلحهم مع ان زوجها عنده خصيه وحده تعمل والله ان متى مااراد ربي راح يكتب الرزق الاطفال رزق من ربي واحنا في اختبار صعب الله يفرجها علينا وتزول هالشده في القريب العاجل ويرزقنا من حيث لانحتسب كلام في خاطري وكتبته
  4. حبيباتي قلبي معكم

    لاتياسوا وتوكلوا على الله

    ليش كميه الاحباط والقنوط الحمدلله مادام فيني نفس وحياة فالامل موجود وراح احاول واحاول واحاول الى اخر نفس

    الله يرزقكم ولايحرمكم
  5. @mgd133

    صاحبة الموضوع
    بنات الله يسعدكم مانبغي نشوف كلمة الطلاق في التجمع وربي يأثر علي نفسيتنا 

تابعي تجارب أخرى من هذا القسم.