ملف لذوات البشره الغامقه

السلام عليكم ورحمة الله وبركاته
كيفكم اخواتي
حبيت اسوي ملف لذوات البشره الغامقه والشعر الخشن (اعتذر عن الكلمه) لا اقصد بها الاهانه :)
هذا الملف جد جد بإذن الله ح يساعدكم كثييير ويسهل عليكم
رح نبدأ من الاعلى
الشعر :
أفضل شامبو للشعر الخشن يحسن ملمسه ويسهل تسريحه
1- شامبو دوف (للشعر الخشن والجاف)

2- بلسم دوف (للشعر الخشن والجاف)

اما بالنسبه لبديل الزيت دوف م يصلح لأنه م يخلي في الشعر حيويه ولا يخليه يتحرك وكنك غسلتيه وجففتيه
فا الافصل تستخدمي
3- بديل الزيت من بانتين ومو لازم تحطي كريم بشعرك لان بديل الزيت مره تمام




تم ...


ننتقل للوجه

افضل انواع الكريمات والصنفره لنوع هاذي البشره

أفضل لهم صنفره من صنع يدهم
1- الصنفره (سكر ناعم , زيت اللوز المر , ماء ورد ) بحيث انو يكون فيه لزاجه ما يكون مره مايع ولا يكون مره جاف
2- اعملي قوالب ثلج بماء الورد وادعكي بيه وجهك كل يوم وركزي ع خدودك ح تحمر وباقي اليوم تظل مورده طبعا اذا كانت بشرتك فاتحه يعني برونزي اما غامقه مادري والله بس رح تساعدك انو تصفي وجهك من الحبوب وتخليه مشدود
3- عبي علبة قطره بعد م تنظفيها بماي الورد او ماي الكادي وقطري بيها عيونك كل يوم الي عيونها حساسه لا تجرب ع عيونها
انا احطها تخلي عيونك كنك لابسه عدسات عيونك تظل تلمع يعني وعن تجربتي والله كنت يوميا احط ولما اجي اخرج كثير كانو يسالوني حاطه عدسات شفاف اقلهم لاء يقولو كدابه لما يقربو يبان ويركزو يتاكدو
4- افضل كريم لنوع هادي البشره كريم فازلين بزبدة الكاكاو ما اقدر اوصف لكم قد ايش رهيب رهيب رهيب قليله عليه
عمرها جات بنت جلست جنبك بشرتها غامقه ويدها باااين خشنه من فوق طيب هالكريم


5- افضل مرطب للي شفايفها تتقشر وجافه صدقوني مرح تستغنو عنو ابدددا
من مكياجي دايم اذا كانت شفايفي جافه ومتقشره او مجروحه احط منه
مره اخويه الصغير جانا البيت والله شفايفه كلها سوده من تحت انا انصدمت قلت ايش دا قال عشان هوا لما تنشف وتتقشر يقطعه بأسنانو انا انصدمت قلت طيب ماتصير زي كدا سوده ع فكره مو سواد لون لا سواد جروح وقشور قال الا قلت مدري غريبه وربي كان شكلها جدا غريب طنشت الموضوع بالليل قبل لا انام تذكرت المرطب قلت له تعال والله حطيت له من المرطب قلت له لا تلحسه ولا تمسحه خليه ع فكره يجلس بالشفايف هو لزج وتقيل وريحته نعناع مرا حلوه وتبان ريحته بالغرفه كلها يعني يصلح للمتزوجات المهم خلاه لليوم التاني جاني المطبخ قالي فلانه شكرا قلتلو ع ايش قلي شفايفي طالعت في شفايفه اقسم بالله راحت القشور كلها والله انصدمت وفرحت وجلست اضحك قلتلو ما اتوقعت يشيل كل دا وربي شاله له بنسبة تقريبا 97% بس باقي خفييييف جدا في جوانب شفايفه رجعت زي اول ماشالله
يعني جد ما امدحه عشان اسوق لهم مو ابويه صاحب الشركه انا اختي اشترته لي عشان اكبر بيه شفايفي بس للاسف ما كبرها بالعكس احسو يصغرها ويحرقها عشان نكهة النعناع وفيه منو الوان


ننتقل للجسم

لازم من عمل صنفره للجسم عشان الجلد الميت وبعد ذلك ترطيبه
افضل صنفره لتلك البشره بسبب جفاف البشره الغامقه والمتوسطه تقريبا صنفره من ذي بودي شوب ما اقدر اقول غير انها روعه نعومه وريحه حلوه ما اعرف اسمها هادي صورتها





وبعد م تعملي الصنفره خليها تلات مرات بالاسبوع او مرتين بس خليها ع المغسله كل م غسلتي يدك اعملي صنفره لو بسرعه وادهنيها كريم زبدة الكاكاو من فازلين
وجسمك برضو بعد الاستحمام ادهنيه كامله بالكريم
ع فكره باقي انواع فازلين الكريم م ينفع للبشره الغامقه الجافه
لانه كله خفيف اما الي بزبدة الكاكاو جدا ينعم ومفيد للبشره
اذا حابين تستفسرو عن شي معين تاني اسالو رح افيدكم ان شالله بس دعواتكم
ايييوا ع فكره الاكواع والركب والله رح يبان في اسبوعين
حطي بيكربونات الصوديوم مع الليمون وادعكي ركبك واكواعك لا اشوف وحده تجي تسوي فاهمه زي بدر صالح راح سأل دكاتره يقولو اسال مجرب ولا تسال طبيب عن نفسي افرش اسناني ب بيكربونات الصوديوم والليمون وادعك بيها ركبي والله فتحت بشكل ملحوظ زي م قلت انا مجربته مو طبيب !!
وع فكره مره رحت اكشف ع اسناني جلس الدكتور يذكر الله ومصدوم من اسناني والله ما الومو حتى انا مستغربه بس ما اقول الا الحمد لله وانتو اذكرو الله ماشالله تبارك الرحمن خخخ :laugh2:
مافيها ولا سوسه ولا عندي اي سن او ضرس طايح شويه سألني ايش تستخدمي من معجون اسنان وقلت له معجونين استخدمهم والي حابه تفرش ببيكربونات الصوديوم وليمون تحط معه معجون كمان عشان تجي رغوه
والي لثتها حساس لا تسوي والي حابه اصور لها سنوني قد ايش بيضا منو م عندي اي مشكله
وتاني الي حابه تستفسر عن شي انا تحت امركم بس دعواتكم



:icon28:

16 تعليق 5,017 مشاهدة

شاركي في النقاش

سجلي الدخول لإضافة تعليق.

التعليقات

16
  1. @ryof_mhmd

    وعليكم السلام ورحمة الله وبركاته

    يعطيك العافيه أم زايد عنايه بسيطه وحلوه
    حبيت اسأل عن الشامبو عن تجربه منك ومتى لاحظتي النتيجه ؟!
    وممكن صوره لمقشر الشفايف
  2. @am_zayd_alshryf

    صاحبة الموضوع
    ريوف محمد
    وعليكم السلام ورحمة الله وبركاته يعطيك العافيه أم زايد عنايه بسيطه وحلوه حبيت اسأل عن الشامبو عن تجربه منك ومتى لاحظتي النتيجه ؟! وممكن صوره لمقشر الشفايف
    اهلين اختي ريوف
    الله يعافيكي يا اختي
    ايوا الشامبو انا مجربته كل شي ذاكرته فوق انا مجربته مانقلت شي كل خاص بتجربتي الشخصيه
    الشامبو م استخدمه لحاله استخدميه هو والبلسم كلو بعشره الصغير خديه من السوبر ماركت كل العلبتين بعشرين مره كويس اخواتي لما يجو عندي دايم اغسل لهم بيه قبل لا استشور لهم مرااا يريحهم هم عشان شعورهم خشنه مرا فا بعد البلسم خلاص امشطو لهم عادي بس يعورهم تمشيطي شوي بس اخف من قبل الحمد لله
    وطبعا تلاحظي النتيجه من اول استخدام بعد البلسم مو تعتمدي ع الشامبو بس
    ومقشر الشفايف هو المرطب الي فوق حاطه صورته تاخديه من مكياجي هو صراحه غالي بس انا عن نفسي اقول م يغلى عليه جد ممتاز روحي مكياجي وقولي لها ابغى مرطب تكبير الشفايف بالنعناع نفس صورة المرطب الي فوق واختاري اللون الي يناسبك
  3. @mazda_1

    الله يسعدك بحاول اجرب نصائحك شكله سهله
    انا بشرتي برونزيه بس مع الحمل تبهذلت وصار شكلي مرة يفشل
    ادري اني مهمله لكن بإذن الله راح اكمل

تابعي تجارب أخرى من هذا القسم.