شاركي في النقاش

سجلي الدخول لإضافة تعليق.

التعليقات

151
  1. المشاركة المقتبسة غير متاحة.

    غلطانه ياختي
    ليه تتنازلين عن حق عيالك بالنفقة
    روحي وطالبي فيها لو تحطينها بحساب لهم وماتصرفين منها
    الواحد مايدري عن المستقبل
    بكره اخوانك يتزوجون وتكبر مسؤولياتهم وبتزيد احتياجات عيالك
    بتقعدين تتطلبين منهم وابو عيالك موجود ؟
    روحي يا اختي واطلبي سكن ومصروف لعيالك
    اتعبي علشانهم الحين وبترتاحين بعدين
    بكرة الثانيه تجيب العيال ويعيشون بخير ابوهم وعيالك يموتون حسرة
    لو انها 500 لا تتنازلين عنها واذا منتي محتاجتها الحين اجمعيها لهم
    اما اصرف من الضمان واتسلف من اخواني واهلي يساعدوني
    لا والف لا حتى لو عندي خير
    ابوهم وملزوم فيهم

    الله يفرج همكم ويسخر لكم ويعوضكم يارب بازواج صالحين ويقر عيونكم بصلاح عيالكم وبرهم وهدايتهم
  2. حتى لو ياقلبي
    هذا حق عيالك طالبي فيه
    كذا وحدهم اعرفها انفصلت وصارت الحضانة للام طالما ماتزوجت
    ومن بعد ماخذوا الحضانة طلبوا نفقة وصار يقتطع من راتبه وينحط بالحساب غصب
    حاسه فيك وعارفه ان طريق المحاكم صعب ومتعب
    بس فكري بمستقبل عيالك وكلمي محامي واستشيري وشوفي وش يقول لك
  3. @shrkaoyh_flh

    صاحبة الموضوع

    المشاركة المقتبسة غير متاحة.

    ياربي والله حاله

    ربي ينصرك ياعمري ويرجع لك عيالك

    انتي مثلي تتساهلين بسهوله ... بس انا مابي اتساهل مثل اول

    ابي اخذ حقي منه

    يكفي محرض اصحابه في المحكمه علي كل مادخلت المحكمه يوقفلي عسكري انت زوجة فلان ياخي وش دخلك . شوي الا هو نازلي فلان ..

    وبعدين من ناحية انو ياخذ البنت مني اصلا هو مايبيها ... مايبيها ولا يبي يشوفها

    هو عنده بنت من حرمه قبلي في ثانويه مايسؤل عنها الا بالمناسبات فقط وانا للحين باقي اتواصل معها

    يانها تكره ابوها كره مو طبيعي ولا تبي منه شيء ..... بس مافهمت ليه

    بالعربي هو مايبي يتحمل اي مسؤولياااااات .........

    وربي يرجع لك بنتك على خير يارب..


    وحسبي الله ونعم الوكيل

    ونفقه فعلا تستقطع من راتبه وتحول لحسابك . بس ياختي الكرامه

    وانا بقولك انا تراى مابي نفقه .. انا رحت لمحامي قالي انتي زوجته لازم تحلين الموضوع الا اذا انتهت العده نفس شي لاكن مازلتي زوجته

    حتى الشيخ الي كلمته قال نفس شي ..... واثبات نسب بنتي بس مو كل شوي يقولي مو بنتي مو بنتي
  4. @nouf_ahmad

    حبوبه



    بعرفت لك سبب عدم الحكم لك بالنفقه

    زوجك منكر الطفل و لازم أثبات نسب

    مالك نفقه لين يثبت النسب

    يبدو أن زوجك الظالم متهمك بأن الطفل مو منه

    توكلي على الله و أستشيري طبيبك متى تسوي

    التحليل و جيبي ورقه من المحكمه

    طلب تحليل لأثبات النسب

    و إذا رفضتي التحليل

    مالك نفقة حمل ولا رضاعه و لا نفقه لطفلك

    و لا حتى راح يحمل أسم أبوه

    لذلك سوي التحليل حتى ما تواجهي مشاكل في المستقبل

    زوجك بيده ورقه تثبت أنه طلقك بالتاريخ الفلاني

    و صك الطلاق موجود بالمحكمه و أنك حملتي بالعده

    و طبعاً أكيد أنكر أنه راجعك و أنكر الطفل

    و لأن مافي بين يديك إي بينه تثبت صحة

    كلامك بأنه أخفى طلاقه لك فلازم تسوي التحليل

    لأن حجة زوجك أقوى منك و بالتحليل أنتي تحطي حد

    لكن شيء

    منها يفسخ النكاح منه بدون طلاق ولا مهر

    لأنه طلقك و أتهمك و هذا ضرر كافي لفسخ النكاح

    ومنها ولدك يحمل أسمه بكل الأوراق و الأثباتات

    اللي راح تحتاجيها مستقبلاً لولدك

    و منها نفقة حملك و رضاعتك تأخذيها ريال ينطح ريال غصب عنه

    و منها نفقه تستقطع شهرياً من مرتبه لولدك

    و منها فصل لزوجك من وظيفته بس لازم تشتكين عليه

    ومنها قد يؤدب بالجلد أو السجن لقذفه لك

    لذلك

    بدل البهذله و الروحه و الجيه للمحكمه من غير فايده

    أدخلي على رئيس المحكمه مباشره

    و قولي السالفه كيت وكيت وكيت

    و أبغى أثبت النسب و بإذن الله راح تتيسر كل أمورك

    و الله ينصرك عليه و يأخذ حقك منه و يعوضك خير منه

    و لا تسكتين عنه أفضحيه و بوقتها كل من عاونه راح ينفضح

    حراام أمثال هذا الرجل يعمل في محكمه يقام فيها العدل

    و الحكم بشرع الله وهو بعيد كل البعد عن العدل و مخافة الله

تابعي تجارب أخرى من هذا القسم.