عندي ولد اخوي عمره 9 شهور وفيه حساسيه شديده تقطع القلب كل جسمه يروع ونحيف
حتي راسه فيه ويحك لين يطلع الدم حاله يرثي لها
قالوا حساسيه وقالوا اكزيما وقالو صدفيه
بس المسكين يصيح مره
وقال الدكتور عطوه ( حليب الصويا) نباتي خاص
وعجزنا امس لفينا الرياض كلها والصيدليات والسوبرماركات وماحصلنا شي
ولقينا بالتميمي وصار حق كبار
تكفون الي قد مرت عليها حاله زي كذا تقول وش العلاج او الدكتور وووووين الاقي الحليب فيه
جزيتم خيييييرا
شاركي في النقاش
سجلي الدخول لإضافة تعليق.
التعليقات
3- انا بنتي فيها اكزيما شديده كل جسمها من عمرها شهرين وهي الان سنتين تخف واوقات ترجع مع العلاجات تروح وان تركتها رجعت
انصحك تودينه للدكتور البغدادي مستوصف السلامه بشارع عسير ممتاز للجلديه
والله يشفي بنتي وولد اخوك - هي بالبدايه تصير قويه الاكزيما بعدين تخف صراحه ماودي اخوفك بس بنتي والله متعذبه منها والله يشفييهم
اهم شي يلبس قطن ويبعد عن الغبار وملابس تغسل بصابون مو معطر وتشطف كذا مره بمويه ويرطب جسمه بكريم مرطب
وانتو روحو للبغدادي وان شاء الله يفيدكم - الله يشفيه فيه كذا حليب مخصص للي عندهم حساسيه تلقينه بالصيدليه جربوه يمكن ينفع معه.
مواضيع مشابهة
تابعي تجارب أخرى من هذا القسم.