تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

متابعة النقاش، صفحة 352

شاركي في النقاش

سجلي الدخول لإضافة تعليق.

التعليقات

2,295
  1. @am_hya_alaaly

    هذه القصه صارت من اربع سنين تقريبا


    سلمكم الله هذه وحده عندها بنت عمرها بين الثلاث والاربع سنين.مهب متذكره بالضبط . ومتعلقه وايد ابخالها..

    وخالها كان توه بيطلع بيركب سيارته .. ورجع ريوس السياره ورا ويسمع صوت شي قوى

    مسكينه البنوته كانت ملاحقه خالها ع اساس تبي تروح واياه ..

    ومن يومها خال بنوته صادته حاله نفسيه .. والام احزنت حزن ع بنتها طبعا

    لاهو ذنب اخوها انه صدم بنت كل هذا قضاء وقدر .. والله يرحمها ..

    ....==========


    هالقصه احصلت لوحده من جماعة الوالد الله يحفظه والله ياخواتي بالفعل قصة هالام قصه وراها والهم

    والحزن وين ماراحت...اول هم بنتها ام خمس سنين رايحه تنطر الباص بتروح الروضه

    سبحان الله توفت بحادث باص المدرسه.. واللي دهسها بالباص بدون لايدري.. (( ابوها راعي الباص ... "

    هالقصه بالثمانينات صارت..

    والهم الثاني كان عندها ولدها الكبير اكبر اعيالها..

    . في يوم طلع مع الشباب للبر.. والام بالها انشغل ع ولدهااا.. له اسبوع طول مادرت عنه

    ويروحون يعلمون الشرطه بفقدان ولدها وربعه ...ودوريات وبحث بكل بر في قطر..

    ولمن بحثوا عن طريق الهليكوبتر..حصلوا خيمه حالتها حاله ع جوانب الخيمه وقريب الشارع جثث..

    كتناثره بكل صوب .. وعن طريق شهود عيان .. اتضح انه الشباب كانوا يتعاطون.. وصاردت هوشه بينهم

    ومن تاثير المخدرات كلن يضرب ويذبح بالثاني ..باي ماده حاده اطلعت واياهم المهم امهم اذبحوا انفسهم بهذه

    الطريقه البشعه,, وظلت الجثث متعفنه مدة اسبوع محدن درى عنهم الالمن تم التبلغ..

    وولدها من بين هالشباب.. ونهايته التعاطي والقتل.. وصارت السالفه بين 85 تقريبااا


    وهمها الثالث...مااتذكر سبب بالضبط لكن اللي عرفته الموضوع فيه عن الفلوس والحلال..

    اخوها ولد امها وابوها صارت بينه مشاده بالتيلفون مع امه وزوجته....وراح لهم البيت وثور بالسلاح

    ع امه زوجته .. وماتوا ...

    وواحد من اعيالها بلبس العسكري يصور نفسه ويترقص وهالشي ممنوع عندنا خاصه بز الرسمي

    وفنشوه وحالته لليوم كله سكر وخمور وخرابيط ... وتزوج وحده اي كلام .. والله لايبلتنا ...

    ولليوم مسكينه هذا حالها .. الله يلطف ابحالها ويرزقها الصبر...


    ===================
  2. @b_aboha_nt_4

    قصة ايام البداوة زمان طريفه شوي
    كان فيه شاب مراهق حول 14 يرعى الغنم وجاء مطر قوي وكان الوقت قريب المغرب وغرقت ملابسه والجو بارد فشب نار
    تدفيه وفي نفس الوقت تجفف ملابسه
    وكان خايف لانه وحدة والليل قرب وفي هذه الاثناء وكان عريان
    مر به رجل بدوي اخر فخاف كل واحد من الاخر
    فقال الرجل الكبير للولد انت من ظاهر الارض ولا من باطنها
    يقصد انسي ولا جني
    والولد مايعرف قال من باطنها
    وانحاش الرجال والولد ماصدق انه لقى احد في هالليل يخاويه
    ولبس ثوبه وحط رجله وراه
    يقول والرجال يصيح ويجري
    والولد وراه
    لحد ماشافو بيوت (طبعا بييوت شعر)خيام
    الرجال الكبير دخل اول بيت واغمى عليه
    والولد راح لبيت ثاني

    الناس اللي جاهم الرجال قوموه وهدوة
    وقالهم انه شاف جني
    وذبحوا ذبيحة وحطوا العشاء
    ونادوا اقاربهم وطبعا معاهم الضيف الثاني الولد
    ويوم شافه وهو يقول هذا هو هذا هو

    وكلهم جلسوا يضحكون لانهم لهم سابق معرفه بالولد
  3. متى أفرح زي العالم
    قصة سمعتها من أحد أقاربي وحصلت قريبا أب توفى رحمة الله عليه وعنده أولاد وبنات ،، وحده من بناته بعد وفاة أبوها بدأت تحلم بأبوها انو يتعذب وصار الحلم يتكرر عليها قالت لأمها وأخوانها قالولها هذا الشيطان بيخوفك وما أعطوا الموضوع أهميه يعني صار…
    القصه فيه نوع من الغرابه


    متن الحديث

    عن ابن عباس رضي الله عنهما أن رسول الله صلى الله عليه وسلم قال : ( إن الله تجاوز عن أمتي الخطأ والنسيان وما استُكرهوا عليه ) حديث حسن رواه ابن ماجة والبيهقي وغيرهما .




    كانت الأمم السابقة تؤاخذ على أخطائها ، وتحاسب على جميع أفعالها ، دون أن تكون مبررات الجهل أو النسيان شفيعةً لهم ، أو سببا في التجاوز عنهم ، في حين أن هذه الأغلال قد رُفعت عن هذه الأمة ، استجابةً لدعائهم ، ورحمةً من الله بهم ، كما بيّن الله تعالى ذلك في قوله تعالى : { ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا ما لا طاقة لنا به } ( البقرة : 286 ) ، وقوله سبحانه : { وليس عليكم جناح فيما أخطأتم به ولكن ما تعمدت قلوبكم وكان الله غفورا رحيما } ( الأحزاب : 5 ) .

تابعي تجارب أخرى من هذا القسم.