السلام عليـــكم ورحمــة اللـــه وبــركـاتـــﮧ.
حبيباتي واخواتــي بنات منتداي المفضل
اليـــوم راح احكي لكم قصص جدتي يوم كانت شباب الله يطول بعمرها ولا يحــرمنا منـها
قصصها تحزن وربــي يالله وش كثـر كانوا يتعبون في حياتها شقى في شقـى .....
المهم
قصـتها الاولــى :
تقول جدتي انها بعد ماتزوجـت حملت على طول وجابت بنوته تقول
تعبت في حملها تعب الله عليم فيه ومع تعب الحمــل ترعـى الغنـــم
وتحلبها وتطبخ ياربـي تعينها ومع هـذا كلـه كانوا مايستقـرون في
مكان ياخذون في مكانهم الي ينزلون فيـه اسبوعيـن ويرحلون المهم ت
تقول جدتـي جاء يـــوم الــولاده والحمدلله كانـت في بيــتها وجـدي
راح يرعـى الغنــم تقول كانت ولادتــها متعسررررررره مره تقول
البـنت كبيـــره تقول الطلـوق تجيها من مغـــرب وماولدت الا
الظهـــر اليوم الثــاني تقول بعد ماولدت وطلعت بنتي قصيت الســر
ولفيتها في قطعة قماش مجهزته عنـدي تقول واغمـى علي من التعـب
جلست كذا لين المغـرب بعد ماجاء جدي تقول حاولي يصحيني ويرش علي مـويـه
ليـن صحيـت قريب العشااء وكــان جالس يحـط في فم البنت مويه وسـكر
تقول بعد ماصحيت بشوي عطاها جدي البنت قال رضعيها هي تقول
انـي رفضت
تقول كرهتهــــــا مررره تقول احـس بـأحسـاس غريب تقول اذا ناظرت فيـها
احـس بألـم في جسمي واتذكر الموت الي شفتـه بولادتـها
المهم مارضعتها جدتي الا اليـــوم الي بعده
وماتخليها تطول وهي ترضع
ٲهملتها جــدتي مــره
بعـد ماالبنـت كملــت 3شـــهور جدتـي تعلقت فيــها مرررره تقول ويـن ماروح اشيلها في يدي
حتــى لو نايمه
جاء ذاك اليــوم الصبـح تقول رضعتها لين نامت وجاها جــدي قال قـومـي سوي قهـوه بيجون رجال بيتقهوون عنــدي
وشبي الـنار وجهـزي الفطــور
تقول جـدتي واقوم واجهز كل شغـلي وعيـني على بنتـي تقول اناضر فيها كل شوي عليـها جمااااااااال ماهـو طبيعي
بعـد ماراحو الضيـوف كان وقت الضــحى تقول على طــول رحت لبنتــي تقول وجهها عليه بيييييييييياض وشكلها وهي نايمه يجنن
تقول واشيلها واحاول اصحيها بنتي ماتحـــرك افك المهاد عنها بعد ماتتحرك
عرفت انها ماتت واصرخ ويجي جـدي وصار يبكــي معها كلهم تعلقو فيــــها وحبــوها جدتي قعدت فتـره وهي تقول كأنـي مجنونه
بس ابكي وانادي عليها بصوتـي كلـه
جدتي تقول هذا عقاب من ربـي لأنـي رفضت ارضعـها واعتبرتها هي الي بغت تموتني وهي مـالها ذنـب
لدرجــة اذا جدتي قالت القصـه تجلس تبكي .....
القصــــه الــثانــيـﮧ :
هـذا قـريب جدتــي كـان عنــده 6ٲولاد ٲكبـــر واحـد فيهم عمره 12سـنـــه كل خلفتـه ٲولاد المهم كـان عنـده غنـم
يرعــاها هو وعياله يساعدونـه ... كان مدلع اولاده لدرجة احيانا مايسمعون كلامه اذا ناداهم يشتغلون معـه في الحلال
يعني علــى كيفـهم
جاء مـره كانوا العصـر راح ابوهم يدور الحلال لان الغنـم ماجت كلها
بعضها ضـــاع
هـو طلع فـوق الجبـل وقـال لعياله يــاعيال الغنــم الي جـت حطوها في الشبــك
لاتضيع بعـد وانا رايـح ادور الغنم الي ضاعت المهم هـو راح وعياله جلسـو يلعبون ومـاسوو الـي ابــــوهم قالهم عليـه
جاء ابــوهم قريب المغـرب وهو نازل من الجبل وجايب الغنم معـه
ويشوف ان عياله ماسمعو كلامه ومخلين الغنــــم بـرا
ابــوهم عصــب وجلس يدعـي عليـهم وصـار يقول الله لايخليكم ماشفت منكم فايـده جعلكم بالسيل الي يشيـلكم
المهم جاء الليـل ونـامو يوم قـام الصبــح الا وجـزء مـن العشـه حقتهـم منهـدم وعياله وزوجتـه ماهم موجوديـن
يعني جاهم السيـل وشال الجهه الي عياله وزوجتـه فيـها وهو الجهه الي كان نايـم فيها ماجاها شي
الرجال المسكين صار يبكي ويدور عليهم والسيل كبير جلس لليـوم الثاني بعد مانشف السيل
ويدورهم لقـاء اول شـي زوجته اخذها ودفنها وبعدين لقــى ثنين من عياله واليوم الثاني لقـى الباقي لان السيل جـرفهم لبــعيـد
المسكين ندم على الـي سواه وصار كأنه مجنـون مره يبكي ومره يضحك وبس يمشي في الصحـراء لحاله
ويكلم نفسه .... ورفض يتزوج ليـن مــات الله يرحمه ...
عنـدي قصص كثيييييييره بس احس انـي طولت عليكم
اعـذرونــــي حبايبي .....
يالله شاركونا بقصص جدانكم زمان وكيف كانت حياتهم
شاركي في النقاش
سجلي الدخول لإضافة تعليق.
التعليقات
329- يارب تعظم اجرهم قصصهم تحزن
- يا حلو قصص جدتك و أكيد من فمها أحلى ماشاء الله .
ربي يخلي لك جدتك ولا يحرمك سوالفها . - يا حبي للجدتي (يدو) فديتها انا امي لما تقلي كيف كانو عايشين ينكسر قلبي شقى و تعب بس عسب يوفروا لقمة العيش و فوق هذا كله يكنوا يهتموا بازواجهم وعيالهم .....بقلوكم على قصص يدو بس انا يدتي مو من الامارا ت يدتي لامي من الصومال بس نفس معانات اهل الخليج ايام زمان ما تفرق بس البيئة مختلفة شوي
اول قصة .... يدتي لما اتزوجت راحت مع يدي لدريته و ما ردت لديرتها لين الحين يعني فوق 65 سنه بعيدة عن اهلها وناسها ولو اخواتها ماتزوجوا من ديرة يدي ما كانت شافتهم ابد و الغريب اني لما زرت يدتي انو جت اختها لنفس ديره امي تصوروا 65 سنة ماشفوا بعض يعني يدتي كان عمرا 15 سنة واختها 17 سنة اخر مرة شافوا بعض تعالو شوفوا كيف ضموا بعض وتموا يبكوا ساعة ويقولو لبعض والله وصيرتي عيوز يافلانة ويعرفون احفادهم على بعض انا قلت لنفسي الحين الديرتين بس مسيرة يوم فرق ليش ما كانولا يتزاوروا قالت لي يدو انو ايام زمان البنت من تروح مع ريلها خلاص ما تطلع من بيتو الا للقبر ... وي الله يعنهم يعني غربة اهل و ديرة غريبة و فوق هذا يصبروا و يربوا اجيال
القصة الثانية شوية تضحك ونفس الوقت تبكي تقول يدوا انو وحدة بناتها كانت تولد و ولادتها متعسرة يعني الياهل ما بغى يطلع للدنيا ابد وفوق هذا كانت البنت بروحها مع ولدها اللي عمره سنتين ونص ويتها الولادة في البر محد وياها غير ها الولد و غنمها وفوق هذا الغنم مب في زريبتها يعني ما لمتهم بعدها و تقول تمت الليل كامل بروحها تصارخ والدنيا شتا وتمطر ومعروف عندهم انو كان في اسود وذئاب و ثعالب وممكنوا يشمو ريحه الدم ويكالون البنت وصار عندهم ها الاشياء مرات كثيرة المهم لما ولدت تتصوروا شو سوت فرحت..ارتحت وحمدت ربها انو ماياهم اسد ولا ضبع ....لا راحت تدور على الغنمات وهي لسى يادوبها والده وخلت بنيتها مع ولدها اللي عمره سنتين .....يالله كانت قلوبهم قوية نحن الحين البنت تولد وتنهار على السرير اربعين يوم من خلطات وشوروبات بس ايام زمان كانوا يقدسون الشغل ويا ويلهم لو ضاعت غنمة - يعمري حياة أول صعببببه حتى الحضر صعبه حياتهم وهم مستقرين بس البدو بما إنهم يرحلون من مكان لمكان تزيد الصعوبه والله لايحرمهم الاجر جميعا
- ياجمال قصصها مع انها موجعه
مواضيع مشابهة
تابعي تجارب أخرى من هذا القسم.