تجـمع للحوامل الرابطات (ربط عنق الرحم) الثلاثون

اعذروني ياحلوات اللي مارديت عليهم مو تجاهل بس أحيان يكونوا البنات رادين أو مجربين وأوافقهم

السلام عليكم هلا وغلا بنات اللهم لك الحمد والشكر يوم الاربعاء تاريخ 11 -9 _2003 ولدت وجبت احلى معاذ الحمد لله يارب

طبعا كان مقرر لي فتح الربط الخميس الي بعده 12 _9 سبحان الله ماكملت اسبوع من تاسع طبعا ماجاني الالم ولا فتح رحمي الا بطلق صناعي تقريبا بعد
ساعه 9 بالليل ولدت الحمد لله تعبت بس كل شي بجره ان شالله

مبرووووك ام عمر الله يخلي معاذ

وعقبالنا نشوف اطفالنا بصحة وسلامة

أم عمر :
الف مبروك ياقلبي .. والحمدلله على السلامه وإن شاء الله تشوفينه معرس :)

رابطات :
معاي الم من الظهر في بطني وظهري مثل الم الدوره :(
وهالألم مب خافي علي ( الم طلق ) شاسوي ؟؟ أحس أن قلبي يدق بقوه وفيني رجفه شديده .. أخاف أروح الطوارئ ويطلع ولاده صج .. صحيح أن هذي مب اول ولاده لي لكني خااااااايفه كأنها اول مره :(
أخاف ماروح ويصير شي اندم عليه ..
الألم يخف شوي ويرجع حتى مش قادره أطول إبرة الإنسولين وأكل من الألم .. زوجي يسألني شفيج ( فديته رجع امس :) ) وأنا أقول مافيني شي لكن الألم ذبحني .. والله والله خايفه أروح المستشفى .. أدعو لي انه يطلق طلق كاذب نفس كل مرّه .. انا خذت فولترين وخف شوي ورجع الحين .. بأخذ بندول وأحاول أنام عشان ماحس بالألم ... اذا مادخلت بكره وبعده اعرفوا أني في المستشفى .. وأنا باحاول اقولكم شيصير معاي بالجوال