ناس شخصياتهم غريبه تحقد حتى لو ماتشوفك

بنت اخر مره شفتها قبل خمس سنوات ويمكن اكثر

شفتها قبل يومين بالوحده الصحيه قسم النسا

كنت انا شايله الغطا ودخلت اخذالملف وهي جالسه بالانتظار يمكن خلصت او تنتظر ماادري ايش وضعها بالظبط

اثاريها شافتني

ووقفت عند الباب وتطالعني بنظرات حقد

مع ان علاقتنا زماله مو قويه ومابيني وبينها اي خلافات ابداااااااا... ابداااااااا

ولا بيننا صديقات مشتركات انا مالي علاقه بصديقاتها ولا لها علاقه بصديقاتي علشان اقول احد نقل لها كلام صديقاتي حتى مايسلموا عليها نهائي .. اللي بيننا مكالمات جوال بالسنه مره او مرتين احيانا تمر سنه بدون اتصالات حتى بالاعياد والمناسبات ماترسل رسالة تهنيه يعني العلاقه شبة مقطوعه

المهم تطالعني بحقد دفين كأني ذابحه ابوها وكنت امشي بالممر ورفعت راسي وشفتها نظرات اعوذ بالله

وابتسمت لها وقربت منها علشان اسلم وقالت لي كلام بتريقه وانا ماتحملت رديت بنفس اسلوبها

وماقالت لي كيفك ..؟؟ولا اش اخبارك ..؟؟ ولا شيء

وانا بعد كلامها وربي حتى ماطالعت بوجهها لفيت ورحت

بصراحه استغرب هالقلوب عند الحريم الوحده تحقد على وحده من سنين ماشافتها ولا بينهم شي يدعي للحقد

وحتى لو فيه سوء فهم مع السنين الانسان ينسى يسامح هذي كأني جالسه أكل وأشرب من حلالها

وبالاخير انصحكم الوحده تحافظ على الاذكار لانها ماتدري من حاقد عليها من قاعد يدبر مكايد لها من ناوي لهاشر او سحر او او او