ياهلا وغلا باخت المحبه
أنا اعتبرك بصراحة معلمتي..
كثير استفدت من تجربتك..
وبفضلك بعد الله حببتني في المراجعة
ربي يرزقك على كل وقفاتك معي كل ما يتمناه خاطرك
من امر الدنيا والاخرة
بالنسبة لمراجعة سورة كاملة خلال اليوم
أحيانا النفسية تساعدك
مثلا في رمضان أقدر اراجع اكثر من جزئين في اليوم
بس في خير رمضان أجده صعب علي ما ادري ليش
يمكن أجواء رمضان وروحانية الشهر
وكل اللي حولينك يقرأ
والكل يسالك ها فين وصلتِ فيختمتك
كلها تعطي دفعه..
كمان لما اكون صايمة اخلص جزئية احسن من دايم
من الطرق المساعدة:
تجزئة السورة على مدار اليوم وقتها ماراح تحسين بطولها
او راجعيها وأنت تشتغلين تطبخين في السيارة تفري السوق
كمان ما راح تحسن بطولها
بالنسبة للمتشابهات
معك حق طريقتك جدا مفيدة
بان اراجع سورتين بينهم متشابها في نفس الوقت
مثلا وجهين كل يوم من الأعراف وهود..
كثير فادتني ربي يجزاك الجنة
و الخطا و التكرار
مثلا الحين انا أول ما تعلمت الكورشيه كنت اشتغل و أوصل مكان بعيد وبعدين اكتشف عندي غلطة
عاد الكورشيه إذا غلطت لازم تفكي شغلك لمكان الغلط وتعيدي
ومرة بعد مرة تعلمت من الغلط و الغعادة
وصرت كويسة :)
نفس الشي بالنسبة للحفظ
كل ما غلطتِ عيدي
إلى تثبت معك
بالنسبة لمشكلة انتقاض الوضوء..
أثرتِ شجوني
أنا مثلك يا حبوبه
نفس المشكلة عندي
من زماان لما كنت صغيرة
من عمري 12 سنة
ومثلك كنت ومازلت أعيد الوضوء كثير
كل ما ابدأ في الصلاة ينتقض وضوئي وأعيد
إلى احيان اتعب ويجيني البكاء
اشتهي ادعي في سجودي ما اقدر
اخاف إذا طولت يطلع مني شي..
وما احب اطلع كثير في فترة فيها صلوات
خصوصا إذا كان معي احد
لانهم صاروا يعتبروني موسوسة في الطهارة
وأنا متأكدة إني مو موسوسة لأني مو شاكة أحس
مشكلتي عندي على الأغلب قولون أو سوء امتصاص
لأني وان صغيرة شربت كاز تخيلوا
وكلهم مالهم علاج الا حمية
مع ان وحده من خالاتي تقول لي كثرة الغازات عين والله اعلم
امهم لقيت فتوى في النت
إن اذا هذه الغازات مستمرة وتطلع على طول حكمك حمك اللي فيهم سلس البول
ولكل فرض تتوضين وبعدين أي شيء يطلع منك طنشيه
و لما يجي الفرض الثاني توضي وصلي وكذا..
هذا كان رأي اغلب المذاهب
الحين أحيانا اعملها
واحيانا ما اقدر اخاف..
مثلا يحجيني الريح بداية الصلاة
بعدين باقي كل الركعات مافي شي
فاخاف واعيد.. بس تظل ريحتني كثير عن أول
الله يشفيني ويشفيك يارب
بالنسبة للحفظ
زوجة خالي أهدت أمي كتاب تفسير مرره حلوة
رسمته نفس رسمة مصحف الملك فهد
وأمي ما تقرا فيه فأخذته اقرأ فيه وارتحت عليه عشان ما يحتاج لو وضوء
وتشجعت أحفظ.. ماشاء الله يحفظ زوجة خالي بالأجر
هي ما تدري إني أحفظ .. أتخيلها يوم القيامة تتفاجأ
كثير اتمنى أهدي احد مصحف ويحفظ منه مثلها
ربي يشفيها يارب ويعافيها ويمتعها بالصحة
الدرر لنا عنوان في همم تسمو للقمم(4)...حياكم
متابعة النقاش، صفحة 125