أنــــا والزواج

انا أشوف انه عادي واريحيلك أصلا

انا كنت زيك وانخطبت وتزوجت الحين وانا متزوجه أشوف بعض البنات واقرا مواضيع هنا زي الي يدعو عشان الزواج

استغرب بس الصراحه ماقد انكرت عليهم لان أقول في نفسي الناس غير

بس صدقيني كذا اريحلك والله

عادي فيه بنات ماتبدأ تفكر الا بعد عمر معين وفيه بنات ماتفكر فيه ولاهو شاغل بالها ربي يسعدك ويرزقك ابن الحلال اللي *^▁^*

انا الان بالثلاثين وماعندي مشاكل واتشرط بعد النصيب لسى ماجاء

الوضع يختلف من بنت لبنت, وكيف طريقة تفكيرها


انا من البنات اللي مثلك. لما كنت بعمرك واكبر بعد ماكنت افكر نهائيا بالزواج وكنت رافضه الفكره, لان ع ارض الواقع ماشوف الزواج شي حلو, كله مشاكل وخيانات والا زوج بخيل والا عديم مسؤليه والا جاف ومتشدد, وغيره وغيره من الامثله عن الرجال, وهالشي كرهني بالرجال و بالتالي كرهت الزواج , يعني كنت اقول لنفسي آهـ لو عادي نتزوج من برا كان اهون اقلها بعض الدول رجالها لا بغى يتزوج يتزوج عن قناعه بالفكره وبالشخص اللي رح يرتبط في. لكن عندنا لا ذي ولا هذيك.. تتزوج الوحده بس عن كلام الناس وعشان مايقولون لها عانس.

وفعلا هذا اللي وصلت له الحين , ابي اتزوج بس عشان افتك من كلام الناس.. لان وصلت 30 وبدى كلام الناس علي.. ماني مقتنعه بالرجال واني اضيع عمري مع واحد يسوي عريف سري علي او يعاملني بجفاف وقسوة ,ويطلع ويستانس برا البيت وانا انحبس بين 4 جدران بس اربي له عياله واطبخ له وانظف بعده.. الفكره مرره كريهه بالنسبه لي.. هذا غير المواضيع اللي اشوفها بالمنتدى للمتزوجات شي كرهني بالزواج والرجال لدرجه ماتتصورينها

لكن بالآخر ودامي بنت هالمجتمع فمردي اصير مثلهم, وصرت ابي اتزوج بس افتك وارتاح من الناس وكلامهم ونظراتهم وتعاملهم لي بالدونيه كوني ماتزوجت ودعاويهم لي كل مادخلت مجلس كني جايه اطر منهم..



انتي فكري زين قبل ترفضين اي شخص. لان اذا عشان هالفكره, ترى مردك بالاخر رح تقبلين بالزواج نفس وضعي . ووقتها خياراتك رح تكون اقل, فاحسنلك توافقين الحين من توافقين بعدين وقت تكبرين ويصير مايجيك الا مطلق والا معدد والا فيه وفيه..

واهم شي الاستخاره قبل كل شي.

وكل شي ترا نصيب.

انا ماودي اتزوج عشان الحمل والولادة اتحسس من ذا السي احس يوجع يارب حتى اكتب وماسكه بطني ومسكره رجولي يارب سترك سلون تتحملون ياحريم