بنات جامعة الامارات.. ممكن تساعدوني؟؟؟

السلام عليكم ورحمة الله وبركاته .. شخباركم بنات

كل ما في الموضوع إني بنتقل لمرحلة يديدة وهي المرحلة الجامعية:)
بغيت أسألكم عن بعض الأشياء اللي تخص الجامعة والسكن

مثلاً..أنا ما عندي موبايل وأبي أشتري واحد يديد وحلو بس أبا أتأكد هل
تلفون بوكيمرا ممنوع؟؟
والسكن كيف شكله؟ وكم بنت تكون في الغرفة الواحدة؟

واسمحوا لي ترى عندي أسئلة وايدة
بس أنتو ساعدوني وادعوا لي

سلامي
أختكم اللي تستحي من اسمها:hahaha:

25 تعليق 1,785 مشاهدة

شاركي في النقاش

سجلي الدخول لإضافة تعليق.

التعليقات

25
  1. والله اللي اعرفه ان تيلفون بو كيمرا ممنوع
    وبالنسبه للسكن................يعتمد على حسب السكن........... في مقام 1 الغرف فيها انثين او ثلاث........يعني لازم تكونين حاطه حد في بالج من ربعج............
    والسكن عامة يكون مجموعة من المباني.....مرقمه مثلا أ او ب أو ج أو 1و2و3و4 وكل مبنى فيه طوابق والطوابق مقسمه اجنحه وكل جناح في ست غرف......................قوليلي اي تخصص بتتخصصين وانا بقولج اي سكن...........
    واذا عندج اي سؤال انا حاظرة..................
  2. صاحبة الموضوع
    عزيزتيalnwaira
    مشكورة على المعلومات
    أما عن التخصص فأنا اخترت طب
    وخبروني ان سكن بنات الطب يكون منفصل عن سكن باقي التخصصات
    بس ما أدري إذا بشوف ربيعاتي في الكفتيريا أو يمكن نتلاقى في أول سنة في قاعات الجامعة ما أدري؟؟
  3. @aashb_bnt_aabyd

    مرحبا ختيه فديتج
    اول شي الف مبرووووووووك على التخرج والتخصص اليديد والله يوفقج بحياتج
    انا ختيه بالجامعه وتنشدتها قبل شوي
    تقول لج لا تحاتين..ترى اول سنة جامعه بتكونن كلكن تأسيسي انتي وربعج لين تتخصصن وعقب تنتقلن حق مبنى يديد اللي هو مبنى مستشفى توام للدراسة

    اما بالنسبة للسكن فمثل ماقلتي هو سكن منفصل وبعد متطوررررررررر لأنه بس طالبتين في الحجرة الوحدة والمساحة وسيعة وترى المباني قريبة من بعض فما بتحسين بالفرق ان شاء الله اذا ربيعتاج مب نفس تخصصج

    بالنسبة لتلفون بوكميرا ..ايااااااااااااااااااني واياااج تفكرين تييبينه ولو مرة صدقيني على طووووووول طرررد نهائي لأن فيه بنات نذلات الله يهديهن بالجامعه يشوان ويخبرن على بعض ان شاء الله لو ميودتنه تحت سابع ارض بيطلعنه "المشرفات" وبيطردنج من الجامعه..
    خذيلج تلفون اسمه مخصص لبنات الجامعه اسود وفيه كل شي وسايط وبلوتوث وان شاء الله ماتحتايين حق بو كيمرا

    وشو بعد؟؟

    هيه اي شي فخاطرج آمري ولا يهمج وبالتوفيق ومبروك مرة ثانية
  4. الاخت عشبه كفت ووفت..............
    اذا طب بتكونين في مقام 5 وهذا مقام يديد ومتطور وفي قنوات عدله في تلفزيون الجناح وكل هنتين في غرفه................بس بالنسبه لمساقات الاساسي تختلف عن باقي التخصصات.............وربعج اللي تخصصاتهم غير مابتكون عندج فرصه تشوفينهم وايد.............يعني اول سنه ممكن حسب المساقات,..............واذا عندج شي اسألي

تابعي تجارب أخرى من هذا القسم.