امي تبي ترميني ع ... مصيري يوم الاربعاء

الحمد لله والشكر,,,,لسى فيه ناس تغصب على الزواج,
قولي ماني موافقه واللي بتسوونه سووه
واتصلي على خالك وقولي له بالأول
خالي طلبتك,,,اذا قال تم,,,,,,قولي انا بوجهك,,,عن ولدك,,امي بتغصبني مستحيه منك,,وانا ماأبيه

ياحبيبتي هذي حياتك لازم انتي تسيرينها وتاكدي من الولد اذا الله هداه توكلي علي الله لكن في حال انه لسه علي خرابه تقدرين بكل بساطه لما يجون يملكون تقولين للشيخ ماابيه وغاصبيني عليه وش بيصير يعني ممكن اهلك يزعلون عليك وممكن حتي تنضربين بس بالنهايه بترتاحين من هم كنتي بتعيشين معاه طول حياتك وخاصه اذا جاك عيال منه وانتي قولي لامك لا تحرجون نفسكم اذا ماابيه بقول للي بيملك مااابيه وخلاص بس اقنعيها بالتفاهم افضل

جزاكم الله خير ع الردود

امي واخواني ماراح يسالون عنه المهم رجال يخطب وبس سكير مو سكير المهم اتزوج وخلاص وولد خالي غني وشبعان فلوس حتى تعليمه ماكلمه يمكن ابتدائي واهلي يبون الفلوس بس واذا تزوجته ياويلي اتطلق امي راح ترميني بالشارع هذا نظام امي واخواني 

وخالي رجال كبير مقعد مريض مااقدر اتفاهم معه حتى رقمه مو عندي ومو بديرتنا 

واذا الشيخ جا ملك  ماياخذ رايي لانه يعرف اهلي فيملك ع طول حتى توقيع مااوقع ولي امري يوقع عني 


يارب وكلتك امري 

لو هي ابوك كان اقول ممكن ترميك

بس امك تقدرين تقولين لا وخلاص

ما يحتاج سوالف

قولي والله لا افشلكم

والله لا اطلع للناس كني في عزا

والله لا افضحكم واقول عيوبه لكل من اشوفه

والله لا اتكلم عنكم بكل سوايكم واولهم انت

ترا الحرمه تخاف من الحكي

وحتى لو انك بداخلك منت مسويه كذا بس تخويف علشان تتراجع

واطلع للناس كني مجنونه والبس اسود عنده واطقه الين يرجعني لكم

مابيه يعني مابيه

لا تفشلون انفسكم لانه لو دخل علي بتبدا الفضايح وانا قدها

لا تاأخذينه إذا كنتي
منتي مقتنعه ..انتبهي