ماعلينا ولا كاني قريت شي ...
على العموم ... الحالة اللي فيها اختج ما وصلت لها الا بتعدي مراحل من الدلال الزاااايد والاهمال ....
فيعني احمل اهلج المسؤوليه بالدرجة الاولى ... وينهم عنها قبل ...!!
عيل طلعات شباب وانمسكت بالشرطة اكثر من مرة !!
ولازالت مستمره على استهتارها ا !!!
شو هالعجز اللي انتو فيه !!البنت عرفت تعجنكم وتخبزكم صح ... ولا صارت تضرب لحد حساااب
اللي قاعد يصير من تصرفاتها العبيطة والاستهتار اللي هي فيه
لا هو في صالحها ولا في صالحكم انتو في المستقبل ...
وقفو وقفة جادة وياها وشيلو عنها اللاب والفون لين ما تتادب وتصطلب ..
بعد سواااتها الشينة تتشرط في المعرس !!!
زين ان المرا من بعيد ولا تدري عن سوالفها ...
يا بنت الناااس اقنعي اختج وفهميها اللي قاعدة تسويه بيضيعها ورح تندم علييييه اشد الندم ...
اختج متخذرة بالرمسة المعسووولة من علاقاتها ويا الشباب وغرقانه بالاوهااام ...وعااايشة بطووولة فيلم هندي وقاعدة تكمله عليكم ...انتحااار اونه !!
لا وامج وخالاتج يصيحون !!
لا بالله فيلم يستحق الاوسكاااار ...
اعذريني على صرااحتي بس فعلا امثال اختج شي مستفز واللي يستفز زيااادة لما هالنوع ما يحصل رد لاذع من الاهل من البداية فيتمادى وهني المصيبة ...
المفروض من اول تصرف لها تلاقي العقوبة عشان ما تتمادى ...
على كلن الحينة اباج تعرفين ان اختج مشحووونة وغالبة عليها العواطف حاليا من اخوك وتطري الانتحار من باب انكم تشفقون عليها ولا هي مستحيل تسوي شي ..فانتي حاولي تقعدين وياها قعدة عقلانية اخوية وتفهمينها ان انتو تبون لها الخير واللي قاعدة تسويه رح يخرب حياااتها ويفضحها ... واذا تمت على عنادها ويباسة راسها فانا اشوف لازم تتصرفون وياها تصرف قاسي ...
عالاقل تتعدل بالنهاية هي تمثلكم وتمثل تربية اهلج وصورتها الشينة عند الناااس رح تخرب عليكم كلكم والناااس رح يتفادووونكم ....
اتلاحقووو على البنت قبل لا تفضحكم ....
تحياتي
