قصـــص جــدتـــــي قبـــل 70 سنـــــــــه .....!!!

وهذي قصه تحكيها لي جدتي بس مادري اذا صدق او خيال بس تشابه من قصة الاخت فكر..تقول واحد راح وغاب عن عيلته فتره يدور رزقه ويوم رجع رجع بالليل قاام وحط شي مدري احجار كبيره فوق بعض او عمدان مادري المهم انه حط شي ولبسه بشت ع اساس اللي يشوفه يظن انه ادمي.. المهم راح لزوجته وقال انا تزوجت وزوجتي برا مستحيه تدخل بالله عليك روحي لها ودخليها..المهم راحت المره وهي محتره وماقربت لها تشوفها من بعيد ع بالها مره..قعدت تدعي عليها وانتي ياللي فيك وفيك وتحذفها بالحصى وهي ترجع لزوجها تبكي ..قال علامك يافلانه عسى ماشر وين الحرمه مادخلتيها.. قالت ااه يابو فلان مااتدري وش سوت جيت بدخلها قامت تدعي علي وعلى عيالي وتسبني.. قال اعوذ بالله والله لاوريك فيها.. امشي معي.. وراحت المره وهي مستانسه يووم كشف عنها الا لامره ولاهم يحزنون هههههههههههه..يعني قمة الفشله.....
اذا ذكرت قصه ثاانيه جيتكم...

هههههههههههههههههه
جلست اتخيــل شكلها وهو يـوريـها زوجتـه الثانيه
ههههههههههههههههههههههههههه
تسلميـن دمـي شمالي ....
ننتـظر المزيييييـد

الله يكفينا شر الحريم :(

يحليلها جدتك :(

قصصكم حلوه بس راح اشاركم بهذي القصه


أمي الله يرحمها ويعفو عنها تحكينا عن جدتي زمان كانت الحرمه تقوم من صلاة الفجر تسوي الفطور وترضع الغنم بعدين تروح بالغنم ترعى لين المغرب بعدين تطوروا وصارو يرعون مناوبتين من الفجر لظهر والمناوبه الثانية قبل صلاة العصر لين المغيب وترجع تسوي العشا وتستمر الحياة على نفس الموال 
المهم كانت جدتي في سنه من السنوات تروح لرعي الغنم وتاخذ معها المولود وتحطه في هندول او زي مايسمونه ميزب مصنوع من جلد الماعز وتروح للمرعى واذا تعبت من حمل الطفل تعلقة بجذع شجره وتروح تجمع غنمها وفي مره من المرات راحت ولما رجعت الا المولود ينبح زي صوت الكلب اكرمكم الله  ورجعت للبيت والطفل على حاله فقالوا لهم الناس يرحون للمداوي بس كان في منطقه بعيد عنهم راح جدي يجيب لعلاج بس جا لقاء خالي متوفي وبعدها بكم سنه رزقهم ربي بولد ثاني وصار معه ماصار الاخوه بس ولله الحمد جابوا العلاج بدري وستمروا عليه وتشافى 
والله يرحمه توفى وهو في مقتبل العمر وكان يجهز الزواجه وصارله  حادث الله يغفرله واموات المسلمين 

احب قصص كبار السن
حياتهم رغم صعوبتها فيها الشهامة والكرم والإيثار والمحبه
حياه جميله وقلوب صافيه الله يغفر لهم ويرحمهم ويجعل موعدنا بهم الفردوس الأعلى من الجنه ويطيل في عمر الأحياء منهم لانهم نبراس البيت
عندي حكايات كثيييير
الاولى قصه أخت جدي لوالدي يرحمهم الله
كانت أخته الوحيدة وهم أبناء شيخ القبيلة
كانت مميزة بجمالها ورجاحة عقلها
تقدم لها ولد شيخ قبيله أخرى ومن منطقة بعيدة عنهم وكان الشاب معروف بشهامته ومكانته فوافقوا
وأخذها معاه لقريته لكن قريباته سحروها وبعد فتره قصيرة مرضت لدرجة اقعدت وكان زوجها يمرضها وقبل وفاتها بفتره بسيطة طلبت ترجع لأهلها فأخذها وجلس معاها عند اهلها أيام واتوفت وفي اخر أيام العزاء توفي زوجها من حزنه عليها وحبه لها
والغريب ان جدي كان يحتفظ بقطعة قماش من فستان لأخته مع أوراق وحجج الأراضي وللآن محفوظة رغم ان جدي توفي من 15 سنه عن عمر يقارب ال 90 الله يرحمهم ويغفر لهم ويجمعنا بهم في الفردوس الأعلى من الجنه
لي عوده باذن الله فقصصهم فيها العبرة
الحياة قصيرة مهما طالت