كنت مبسوطه ..بس ماما زعلتني

حبيبتي عادي كل الامهات كذا تعصب لانها تشيل هم ولا تتعب معك

هذا الكلام الي راح اكتبه موجه للجميع وانا معهم ومو لك بالتحديد

انا عندي عقده من البنات الي تحمل وتتشكى طول الحمل وبعدين من الولاده وبعدين من الاطفال .. اذا تبون الحمل والاطفال خلاص لا تتشكون .. ولا تبلشون اهلكم باطفالكم اذا صار عندها حفله والا بتطلع مشوار مع زوجها تقوم تحط عيالها عند اهلها.. اذا انتي وزوجك تبون اطفال خلاص انتوا تتحملون المسوؤليه كامله اذا عندك حفله هو يجلس معهم ..
هذا غير نفاس ٤٠ يوم ازعاج وزيارات واذا كنتي مو بكر يعني ازعاج اطفالك الثانين .. وحطوا ببالكم انك مو بس انتي الي تحملين وتولدين عندك اخوات وهم بعد يحملون ويولدون ونفس الروتين.. وبعض البنات اذا صارت نفاس خلاص زوجها يتبرا من المسوؤليه اهلها يتكفلون باغراض الزوار والبيبي وهو ولا همه ابو بالاسم فقط ..

انا اشوف صاحبتي طول الوقت تتشكى وتترك بيتها وتروح لاهلها.. اخر مره كلمتني تصيح تقول قلت لامي اني حامل وقامت تهاوشني .. بصراحه ما تنلام الام ماصدقت يكبر طفلها الاول عشان الام ترتاح تجي تحمل مره ثانيه ..

اذا انتوا مو قد المسؤوليه كامله خلاص على الاقل بين كل طفل وطفل اقل شي ٤ سنوات يكون الكبير اعتمد على نفسه ..

اسفه على الكلام بس هذي حقيقه في مجتمعنا تقهرني.. انا اشوف الاجانب ماشاالله يجيبون عيالهم ورا بعض لكن امها مالها دخل فيها ولا تدري عنها لا بنفاس ولا بعد الولاده.. وهم ماعندهم شغالات لكن مرتبين حياتهم بين حضانات وزوج يتحمل المسؤوليه مو بس يجيب عيال

وسلامتكم

مبرووووك ربي يتمم لك على خير

امك خاااااايفه عليك امك تحبك
الله يخليها لك ويخليك لها

الله يسعدكم حبيباتي
عارفه كﻻمكم وانو ماماتي تحبني
بس الله يهديني واهون على نفسي شويه
غير كذا انا بنفاسي حتى وانا بكر جلست ببيتي
ولما اخرج ما احط عيالي عندها يعني متحمله مسؤلية عيالي كامله