❤ألتبآشـ8 ير أطل بلفافته ؛؛ يهدي للدنيا بشارته ؛؛ وتأمل الأمة بطلعته لآحلى كروشات سب

متابعة النقاش، صفحة 125

شاركي في النقاش

سجلي الدخول لإضافة تعليق.

التعليقات

2,006
  1. @mshtaakh_lmkh

    مشتااقه لمكه
    اكشن ولادتي،، كنت متسطحه ع السرير في العصر ومعكم في التجمع ع الجوال فجأه جاني الم في بطني عرفت انه طلق واحس انو في شي بيطلع وبنتي واقفه جنب السرير صرت اصرخ واقول بعدي من طريقي وهي مو مستوعبه ليش كذا رحت الحمام وانتو بكرامه مافي شي طبعا وقف…
    دخلوني غرفه فيها موضفه بدأت تاخذ البيانات وانا لسى ساكته اتألم بيني وبين نفسي وتأخرت وع مهلها تتكلم خلاص انا بدأ الألم يذبحني رميت الغطاء الي ع وجهي وصرت اصرررخ زوجي انفجع والموضفه بسرعه اتصلت ع الدكتوره قالو موجوده بس عندها عمليه وقالت لزوجي خلاص انتضرو برى لحد مانفضي غرفه للكشف وانا جالسه بالأنتضار واحس زوجي مره توتر وشوي قمت اصرخ واقوله تكفى قولهم بموت ماعد اقدر وراح لهم وجو اخذوني وقالو بدلي لبسك وتسطحي يبغو يختبرو الطللق ويقيسو الرحم قمت اصرخ واقول لزوجي ولادتي قيصري ليش يعذبوني ماعد اقدر قالها زوجي قالت لازم المهم من شدة الألم والله يابنات مو قادره اصعد السرير وزوجي شالني وجلسني فيه كشفت الرحم قالت مفتوح والطلق بسرعه شالته لانو طلع فيه طلق وبدأو ياخذو التحاليل وانا اقول لزوجي بأعلى صوت قلهم بسرعه يبنجوني بموت ليش يعذبوني الله لايسامحهم وزوجي انا جننته وهو جننهم قالو لسى الدكتوره ماخلصت شوي جتنا وانصدمت لانو موعدي الجمعه المهم الدكتوره واقفه بكل برود بعدها انا فعلا ماعد احس اني بوعيي صرت اصرخ بأقوى ماعندي وتجمعو كلهم من صوتي وبسرعه استنفرو كلهم وزوجي مره توتر اول مره يشوفني كذا وبعدها قال بجي معاها بس وين احط الصغار قالت له الدكتوره خلاص مايحتاج حنا نعرف شغلنا ورح نهتم فيها ع طول سحبو السرير لحد غرفه العمليات انفجعت من كبرها والممرضات كثيير وشالوني كلهم بيدهم ع السرير الثاني انا احس من قوة الدفع اخاف يطلع البيبي وقلت لها قامت طالعت قالت لالا هذا مو البيبي قلت طيب ابغى الحمام قالت لالا صرت اترجاهم يعجلون في البنج وشوي دخل طبيب التخدير طبعا شرحو لي طريقه الجلوس بس من شدة الألم مو قادره اثبت وانتفض حاسه اني بيجيني شلل وصارو الممرضات يضموني بقووه عشان اهدا وجات حتى الدكتوره تساعدهم وتثبتني وانا احاول اني ماتحرك عشان لاسبب ضرر لنفسي بس احس اني مو متزنه ابد وشوي خلصو وسدحوني بعدها توقف الألم وحطو ستاره بيني وبينهم وانا بدأت ادعي لما انقطع الألم وشوي قالولي البيبي الأول خرج واسمع صوت البكاء حسيت شعور فضيع ماحسيته بولاداتي الأولى وتمنيت اني اضمه نفس اللحضه والطفل الثاني جلس عشر دقايق وطلع وصارو الاثنين يبكو نفس اللحضه وانا ينضفوني ويخيطوني احس قلبي صار يوجعني وحاطين لي اوكسجين وتوقعت اني اموت لاني مو قادره اتحرك ولا اكلمهم اقولهم ع الألم وشوي بدأت افقد الوعي ويصحوني يقولو انتي بخير وصرت بس اهز راسي وهم كل شويه يسألوني،، شويه فتحت سألتهم عن صحه الأطفال قالو كويسين وكيوت احس تطمنت بس خلصو طلعوني ولقيت زوجي منتضرني بس انا ماتكلم ولاشي وزوجي يقول اشفيك انتي تعبانه قلت لا ورجعت نفس الوضع ساكته واحس بدوخه مادري نعاس مو فاهمه وزوجي صار يحلف ويقول انا كنت بجي معاك بس عشان الصغار تورطت وكذا وقالي انا والله ماضحكت لما شفت التؤام لاني شايل همك اكثر شي وهو بس يتكلم انا ساكته احس اني في حلم والله جو يسوون لي فحوصات وقلت لزوجي انا ماشفت الصغار وطلبهم وجابوهم ومره انبسطت لما شفتهم حلووين وبصحه وعافيه بعدها بساعه نقلوني ع غرفه ثانيه والحمدلله هذي قصة ولادتي مهما اكتب مارح تتخيلون حجم الألم الي شفته من الطلق وماودي تستعجلون ع الولاده كل شي بيومه
  2. @shash_2

    الله يجزاكم خير على هالدعوات أتمنى تدعون لي بظهر الغيب وباوقات الاستجابة فدعوة المسلم لأخيه المسلم بظهر الغيب مستجابة بإذن الله
    فرج الله همي وهمكم
  3. @mshtaakh_lmkh

    مشتااقه لمكه
    دخلوني غرفه فيها موضفه بدأت تاخذ البيانات وانا لسى ساكته اتألم بيني وبين نفسي وتأخرت وع مهلها تتكلم خلاص انا بدأ الألم يذبحني رميت الغطاء الي ع وجهي وصرت اصرررخ زوجي انفجع والموضفه بسرعه اتصلت ع الدكتوره قالو موجوده بس عندها عمليه وقالت لز…
    طبعا مانسى اهم شي وهو الأذان في اذن المولود انا ذكرت زوجي مسكين احسه صار مو ع بعضه وصرت اقول روح البيت خلاص انا تمام بس رافض وماخرج الا الفجريه وهو نعسان خفت لايصدم او شي
  4. @mshtaakh_lmkh

    مشتااقه لمكه
    طبعا مانسى اهم شي وهو الأذان في اذن المولود انا ذكرت زوجي مسكين احسه صار مو ع بعضه وصرت اقول روح البيت خلاص انا تمام بس رافض وماخرج الا الفجريه وهو نعسان خفت لايصدم او شي
    ام سلاف ان شاء الله انها خيرره لك وتقريبا اغلبنا ماخذنا ابرة الضهر انا جربت ولادتين بدونها،،ان شاء الله ربي يسهلها لك 
  5. @mshtaakh_lmkh

    مشتااقه لمكه
    ام سلاف ان شاء الله انها خيرره لك وتقريبا اغلبنا ماخذنا ابرة الضهر انا جربت ولادتين بدونها،،ان شاء الله ربي يسهلها لك 
    ام محمد كلام زوجك صحيح،، ولاتخافي ان شاء الله تتعدل ترى انا لما ولدوني طلعو الطفلين متجهين للأسفل سبحان الله يعني كان وضعهم يسمح بالطبيعي بس الله كتب لي القيصري واسأله ان تكون خيرره

تابعي تجارب أخرى من هذا القسم.