معلش حبيبيتي
اول اسبوع صعب
و2 وسبع شهور مش بدري
انا بدأت مع ابني بعمر 2 وشهرين
اهم شي حاولي تتفرغي كليا له وما تنشغلي عنو
شيلي الحفاض اول ما يصحى ودخليه الحمام
وكل نص ساعة او اكتر بشوي دخليه الحمام
واذا عمل بالحمام شجعيه وافرحي واعملو حفلة هههه جد بحكي عشان يتشجع
بالنسبة للبراز بعد الاكل عالسريع دخليه
وحاولي تشيلي كل قطع السجاد الي عندك عن الارض وما تخليه يجلس علكنب
ابني كنا نجلس انا واياه على كرسي بلاستك
وكل شوي اسألو اذا بدو الحمام وانو صار كبير ولازم يعمل بالحمام زي الكبار
في فيديوهات عاليوتيوب لما شافها ابني تحمس وصار يعمل متلهم
وقوليلو ازا بدك الحمام احكي يا ماما لان ما في حفوظة
اهم شي لما تبدأي معاه ما تتراجعي وحاولي ما تطلعي كتير من البيت هالفترة عشان ابنك يبقى بدون الحفاظ اطول فترة
وخلال الليل اول فترة لبسيه عادي الحفاظ
بعدين لما يصير يعرف لحالو بيصير يصحى بالليل ويطلب الحمام
ابني بقي عالحفاظ بس شهر بالليل بعدين لما صار يصحى ناشف خلص نظفتو ليل ونهار من الحفاظ
وصدقيني بترتاحي جداااا
بس اول فترة صعبة
هلا ابني ماشاء الله صار يدخل لحالو عالحمام ويغسل وينشف بس بمراقبتي طبعا
عمره صار 3 سنوات الله يحفظو ويحفظ ابنك
تجمع لتعليم اطفالنا على الحمام اكرمكم الله
متابعة النقاش، صفحة 67