كيف اقدر انسى...........

السلام عليكم ورحمه الله وبركاته
انا عضوه جديده عندكم وحابه اسمع نصائحكم
انا متزوجه من سبع سنوات تقريبآ واحب زوجي وامووت فيه بس من اول ماتزوجنا وانا اشوف جهازه كان له دردشات من قبل مانتزوج واستمر على هذا الحال فتره تقريبآ محادثات ورسايل مع بنات وانا انصحه وماحبيت اعلم احد او اخرب بيتي لاني ماابغى اخسره
مرت علينا فتره كان معيشني ملكه يهتم فيني ومايرفض لي طلب ومرت السنوات وجبت ثلاثه اطفال
والحمدلله مرتاحه معاه مره
بس اللي قلب حياتي انه قبل سنه تقريبآ وانا حامل بطفلي الاخير دقت على وحده وقالت انها على علاقه مع زوجي وانها تحبه انا بصراحه انصدمت ونفسيتي تعبت مررره وواجهته في البدايه انكر بس حلفته على القران انه يعلمني الصراحه فاعترف انه كان يكلمها وطلع معاها مرتين بس حلف انه مالمسها وانه قطع علاقته معاها من فتره وهي حابه تنتقم فعلمتني
انا بصراحه انجنيت وماعرفت اش اسوي رحت على طول عند اهله ابغى اعلم ابوه طلع مسافر رحت عند اخوه وكان اخوه ماشاء الله ملتزم وعلمته السالفه وقلت شوف لي حل مع اخوك طبعآ جلس معاه وعطاه من ذاك الكلام والتهزيئات وقال له والله لوتعيدها مره ثانيه انا بااوصلك للهيئه فازوجي جا واعتذر لي وامه كانت تبكي ياحياتي مومصدقه ان ولدها يسوي كذا
هو جا واعتذر لي وقال سامحيني والله نزوه وماراح تتكرر وكتب لي تعهد انه مايكررها انا طبعآ سامحته لاني والله احبه وافعاله معايه حلوه من بعد هذي المشكله تغير 180 درجه مايرفض لي طلب ابدآ ويحبني والكل يشهد حتى سلفاتي وحمواتي ملاحضين تغيره اتجاهي والحمدلله والله مرتاحه معاه وماشفت عليه شي من يومها وصار محافظ على صلاته والحمدلله
بس انا مع هذا الشي موقادره انسى ابغى انسى الماضي واعيش حياتي وش اسوي عشان انسى


معلش هذي اول مشاركه لي وكلامي ملخبط بس ان شاء الله تفهمووه

19 تعليق 3,388 مشاهدة

شاركي في النقاش

سجلي الدخول لإضافة تعليق.

التعليقات

19
  1. انسي فديتك وسامحيه من قلبك عشان مايكررها لان لو قعدتي تفكرين كذا هو بيلاحظ عليك عدم الثقه ويمكن تدفعينه يرجع لها بيقول هي خاربه بس لو عديتيها له مع تحسيسه بالثقه صدقيني زوجك من النوع الي يتحسف ويتعدل لو انه كارهك فبيقول اي اخونك وحاخونك رضيتي ولا انرضيتي اسعدكم الله ياااارب
  2. @nais_girl

    خلاص حبييتي حاولي تنسين وتعيشين حياتك
    ولاتفكرين بالماضي هذا الشيطان يوسوس لك
    كل ماجاتك الافكار هذي تعوذي من الشيطان واستغفري وتذكري يالبيبي تبعك
    وكيف انو زوجك تغير للافضل
    وانبسطي بحياتك عيشيها بهدوء
    حاولي ماتستسلمين للافكار هذي لو فكرتي فيها
    وش بتستفيدين بتخربين حياتك بدون سبب
    قولي بقلبك انا حياتي حلوه وهذا ماضي وانتهى لاتخلين مجال للتفكير
    والله يخلي لك زوجك وطفلك ويحفظه لك ولايغير عليكم الا للاحسن يارب
    ---
  3. @zhrh_almsaaa

    انسيٌ وعيشي حياتك وانبسطي ولاتخلي مجال للشيطان يلعب بافكارك والله يسعدك مع زوجك وطفلك والزمي الاستغفار ٌ

تابعي تجارب أخرى من هذا القسم.