شاركي في النقاش

سجلي الدخول لإضافة تعليق.

التعليقات

2,036
  1. @shrayyn_zogha

    هلا بنات
    عاد عشان أجاوبكم يبغى لي أألف كتب ;)
    راح أتكلم لك عن تجربت حملين كل الحملين كان بثلاثي ماشاء الله ,الأول أنتهى بولادة مبكرة في الشهر السادس والله يشفع لي بأبنائي,والحمل الثاني الحمدلله رب العالمين جايبين لي الصداع وودي أهج:a_smil08:

    من بداية الحمل كنت أأخذ تحاميل سايكولوجست وإبر مثبتة أضربها مره بالإسبوع قوتها 500,وبيبي أسبرين,وفوليك أسيد

    الحمل الأول كنت خايفة على نفسي وأجلت دراستي وقعدت بالبيت,وأهلي بمنطقة ثانية يعني لا طلعة ولا رجعه ,, كنت وين ووين أطلع لأنه وحامي كان مره صعب وماسويت ربط على أساس ماعندي إجهاض سابق أو شئ
    المهم أنتهى إنه جاتني ولادة مبكرة وأنا في بيتي قاعدة لا رحت ولا جيت
    المقصد من هالكلام مهما سويتي أو حطيتي إلي مكتوب لك راح تشوفينه,حتى لو صرتي صنم ماتتحركين

    الحمل الثاني طبعا كان عندي رعب ,لأنه توي طالعه من تجربة أليمة بس تدرون توكلت على الله الذي لا إله إلا هو,وكنت أداوم بالجامعه يومين بالأسبوع دوام كامل يعني من 8 إلى 1 تقريبا ومن محاضرة لمحاضرة وترى جامعتي بعيده مره عن البيت مسافة 45 دقيقه بالسيارة رايحه و45 د راجعه
    وسويت ربط,وخلصت الترم وأنا في نص السادس,ويالله أساسا كنت أمشي,بس بصراحه حمل ودراسه مره ماينفع لأنه أساسا مالك خلق شئ,الفائدة الوحيده إنه خلى الشهور تعدي بسرعه,بدال ماأقعد أعد الأيام والليالي

    التحاميل وقفتها بداية السادس,بس الإبر أخذتها للأسبوع الـ33,مع إنه قال الدكتور وقفيها بس عشان أرتاح نفسيا

    ومن دخلت السادس كان فيلم ثاني وضغظ نفسي لأنه الشهر إلي سقطت فيه أول,وترى دايم حوامل الثلاثي الإسقاطات تصيير بهاالشهر لأنه الرحم يكون كأنك بالتاسع ويصير يتهيئ للولادة,أخذت إبرة الرئة بالأسبوع الـ26 ,بدئت رجولي تورم,وكنت أخذ حبوب الفونتلين حقت الربو عشان تهدئ الرحم إذا صار فيه طلق أو شئ,بس أثاره الجانبية مره مزعجة يسوي خفقان شديد بالقلب لازم لما تأخذينها تنسدحين خلاص
    وبدئت رجولي تورم وتورم وتورم لين دخلت الثامن ماكنت أقدر أمشي خلاص ,يادوب أوصل لدورة المياه الله يكرمكم,أي والسوق وماأدراك ماالسوق ... عاد إحنا الحريم مين يقدر يردنا عن السوق
    بديت أجهز بالشهر السابع على خفيف خفيف,وإذا رحنا المول كنت أركب كرسي المعاقين ويدفني زوجي;)بس نخلص سريع سريع

    ووالله العظيم من دخلت السادس لا نوم ولا أقدر أنسدح,كنت كل ليلة يوم أجي أنام احمدالله إنه اليوم عدى,وإلى أن ولدت كنت كل ليلة أقول لنفسي الحمدلله عدى اليوم بسلام وأنا ماولدت

    طبعا الدكتور في الأسبوع الـ33 حدد لي موعد العملية إنه تكون أول يوم بالأسبوع الـ35

    وكان عندي موعد قبلها ورحت موعدي ويقيسون وزني ويلقى إني زايده 11 كيلوا من أسبوع ,ويقول مستحيل,وأنا اساسا مره نحفت بالحمل لانه بس أرجع حتى الموية الله يكرمكم,ويقول أشوف رجولك ,وقال علطول عملية الحين
    وأنا :icon33::angry: ليش عملية أنا مافيني طلق
    قال هذا الوزن أحتباس السؤاأل برجولك وراح يجيك جلطة لو ماولدتي الحين,وأقول له :طيب بكرة بجيك... كنت بنحاش ... بس صادني نادى ممرضتين قال بكرة الساعه 8 الصباح عمليتها طلعوها فوق تنويم,وأنا :icon33: والحمدلله إنه أمي وصلت قبلها بليللة


    يوم العملية:
    أول شئ طلبت بنج نصفي عشان أقدر أشوف عيالي,وكمان زوجي يحضر العملية
    وعلى قولة مشتاقهه كنت فرحانه وخلصت العملية على خير ونقلوني غرفتي وجلست هذاك اليوم أهلوس شوي على قولة أهلي
    ويجي ثاني يوم الصباح ويجوني ممرضتين فكو القسطرة وقالوا يله قومي,وأنا أقول صلوا ع النبي وين أقوم,مو قادرة أقلب نفسي كيف أقوم,وساعدوني وقمت ,وقالوا تدخلين الحمام وتتروشين.. وأنا :huh: طيب والجرح ,,يقولون عادي,
    عاد لما قمت أظن مافي ألم أشد من كذا مر علي في حياتي,لدرجة حتى لما طلعت بس كنت أبكي ,وأمي تقول أنتي وش فيك الحين,, قسم بالله تحسين قد إيش البني آدم ضعيف ومالك حيله,الله يديم علينا الصحة والعافية يارب

    العملية شئ مره مؤلم لأنه يفتحون 8 طبقات من الجسم,بس السالفة كلها حدها 12 يوم أو أسبوعين بالكثير راح ترجع شوية شوية,طبعا لازم يكون عندك أحد يساعدك عشان ماراح تقدرون مع العملية أول فترة تهتمون بالبيبيز
    واكبر مصيبه للبنج النصفي هو الصداع,يعني عادي تكملين الأربعين وأنتي راسك بينفجر من الصداع

    الحمدلله أولادي ماأحتاجوا التنفس الصناعي بفضل الله أولا ثم لأني كنت أخذت إبرة الرئة خلاص,أوزانهم كانت مابين 1400 إلى 2 كيلو,قعدوا بالمستشفى مابين أسبوع إلى 10 أيام عشان يعلموهم كيف يرضعون
    لأنهم صغار وراح يطولون في الرضاعه أكثر من الأطفال الثانين,فيبغى لك طولة بال أنتي ترضعينهم
    الرضاعة الطبيعية رضعتهم تثقريبا لـ 7 شهور,على الشهر الخامس رفضوا صدري بتاتا لأنهم تعودوا على الرضاعات فكنت أشفط لهم وأحط بالرضاعه وبعدها تعبت وزهقت وأخذت حبوب توقف الحليب
    طبعا الرضاعه واحد أنا أرضعه وأثنين يشربون صناعي يعني بالدور...

    النوم تنسونه من حياتكم وتمسحوه من قاموسكم مرت علي أيام كنت أواصل 3 أيام وأنا صاحية وعندي دراسة أخر ترم بالجامعة,كنت أروح أهلوس عند البنات,مايدرون وش أقول ههههههه

    إنتظام النوم وهالكلام يعتمد على الطفل نفسه,يعني في أطفال يرضعوا ويناموا أو يلعب شوي وينام,وفي غيره طول اليوم يبكي ماتدرين وش فيه أساسا,وأنا كان عندي النوع الثاني,ماأنتظم نومهم إلا على السنه والنص الله يصلحهم ويبرون فينا يارب

    والتربية ماأدراك ماالتربية ماأقدر أقول إلا الله ينبتهم نباتا حسنا ويصلحهم ويهديهم
    يكفي لا عصبتي مضررة تصرخي ثلاث مرات ,وتصكي كف ثلاث مرات وتهاوشي ثلاث مرات


    وعلى فكرة بما إني طبعا من أنصار الربط,بس الربط هو سبب يعني إذا جاتك ولادة مبكرة وفتح الرحم ممكن الربط يضرك أكثر مما يفيد,لكن دائما أحب إلي جاء حملها بصعوبه وعلاج وتأخر إنه تعمل ربط ,على الأقل تأخذين الحيطه,وترى مو لازم كل الناس تربط لأنه الأرحام والأجسام تختلف,على أيامي بتجمعنا قليل جدا إلى كانوا عاملين ربط,وكلنا الحمدلله مشت أمورنا والله يحفظ لنا أولادنا جميعا


    الحمدلله على النعمه من قبل ومن بعد
    وإن شاء الله ربي يرزق كل البنات المتأخرات ومايجعل بيننا شقيا ولا محروما

    وأتمنى جاوبتكم قد ماأقدر,وتحملوا إذا زدت وطولت عليكم,وأي سؤال أنا حاضرة
  2. @tyma_5

    شرايين زوجها
    الله يسعدك
    لا ابشرك خفضوا سعر العملية صار 18 الف
    صحيح انها لازالت اغلى من باقي المستشفيات
    بس اهم شي الراحة النفسية مع الطبيب مع انها اهرتني بالابر للان ماخذة 22 ابرة ولسا باقي لي 6 

    انتي بحملك تابعتي عندهم والا تابعتي بمستشفى ثاني؟
  3. @roh_amhm

    الله يجزاك خير شرايين ازوجها على كل كلمة افدتينا فيها..
    دعواتك لي يتم حملي على خير..
    انا مثلك ثلاثي والحين بالخامس واحب استفيد من اي وحدة مرت بهالتجربة..
    طبعا الربط ما سويته لان مشيمتي نازلة .. الله اللي وهبنياهم قادر على حفظهم..  توكلت عليه واستودعته أموري..

    قرأت قصتك بحملك الأول كانت مؤلمة بس الحمد لله اللي عوضك بغيرهم ويا رب يكونو شفعاء لك يوم القيامة..
  4. صاحبة الموضوع
    جزاك الله خير على ماكتبتيه ماقصرتي بس ان شاء الله عندك النوعين ولد وبنت بسالك هل حملك انابيب وهل اطفالك متشابهين 
  5. @roh_amhm

    روح أمهم
    الله يجزاك خير شرايين ازوجها على كل كلمة افدتينا فيها.. دعواتك لي يتم حملي على خير.. انا مثلك ثلاثي والحين بالخامس واحب استفيد من اي وحدة مرت بهالتجربة.. طبعا الربط ما سويته لان مشيمتي نازلة .. الله اللي وهبنياهم قادر على حفظهم..  توكلت عل…
    زهورة كيفك؟؟
    دخلتي السابع؟؟
    الله يتمم لك يا رب..
    وش كانت اعراضك بالشهر الخامس؟؟