تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

رفع

لا اله الا الله

للرفع

هذه قصة ..واقعيه..

من احد معارفنا,, الله يرحمه ..

هالشخص كان ابوه .. امام مسجد ولكن مع الاسف.. ابن عاق .. كان دايما يضرب امه ويطردها برع البيت..

وسبحان الله ودار الزمن ... حتى الله ارزقه باابن.. وصار نفس الشي يضرب امه ويطقها ويطردها بالشارع..

وكانت زوجته ماترضى وتوقف في وجهه .. ويقوم يضربهم اثنينهم.. "

ومع الايام والسنين.. اللحين صاروا اعيال هالشخص يضربونه بكل شي.. يعني تخيلوا بالمواعين وبالرفس

والسب.. سبحانك يارب..مثل ماذوق امه العذاب والضرب والقهر كانت تدعي عليه.. والله ابتلاه

بعياله..كان هالاب ايام شبابه لعاب ... يسافر دول برع للوناسه والزنا والخرابيط...وماكان يصلي الا نادرا..

ولمن كبر ووصل في الاربعينات.. وهو متزوج كان يجيب بنات حرام في بيته وع فراش الزوجيه

ويطرد زوجته وقدامها.. يجيب هالقذاره.. كانت حياته قذره .. ومسكينه زوجته متحمله وصابره ..

واللحين هالشخص الله يرحمه توفى.. وعنده واحد من اعياله نسخه منه ...

والله يااخواتي.. بعيني شفته وجهه اسود مافيه ذرة نور او بركه.. اقسم بربي.. عمره ماصلى..

حتى الصيام.. مايصوم.. يقول انا ماتحمل الصيام..اتعب .. في رمضان يشيل صحن الاكل حزة الظهر وياكل في

داره.. كل ليله يروح للمراقص والمحرمات..الام انسانه مصليه وخايفه الله.. لكن ها الابن طلع نسخه

من ابوه باايام شبابه.. وكل هذا من حوبة الجده اللي دعت ع ولدها.. وابتلى في ابنه.."

اتصدقون الله سبحانه عطاه اكثر من فرصه .. رب العالمين يمهل والايهمل ..

من فتره .. سوه حادث..بسياره بخط طويل .. وانقلب لمن راحت عليه نومه.. ولمن سو له تحليل بالدم

اتضح انه كان سكرااان .. ولكن السياره انعدمت.. وتكنسلت.. بدال مايروح يتوب ويحمد رب العالمين

ع انه احفظه وعطاه عمر جديد.. للاسف يكمل طريق الحرام.. ؟؟؟ ""


وعنده واحد من اخوانه.. توفى طبعا اول ماتوفى اخوه.. كان اخوه بالمستشفى ماصدق خبر ع طول جاي دعس

للبيت لدار اخوه راح ياخذ اغراض اخوه الثمينه من ساعات وملابس .. طيب اخوك توه ماصار له ساعه

متوفي وانت تفكر ... ؟؟

وللاسف حرامي .. راتبه مايصفى منه ريال.. كله للسهر والخرايط وغير الديون اللي عليه وغير منع السفر..

قام يمد يده ع فلوس امه المسكينه..

كمن مره تصير بوقات وسرقات بالبيت من غرفة الام.. وكنا انشك بالخدم.. وجابوا الشرطه وخذوا

البصمات..للاسف كانت البصمات متشابكه ومابينت .. الام تعبت نفسيتها اكثر من 20 مره يفتحون

التجوري وتنسرق..ولمن ماعرفوا من السارق تسكرت السالفه.. ومع الايام .. الله حب يفضحه..

سارق بطاقة الام بنكيه وسحب منها مبلغ.. الام ماتعرف نظام مسجات بالجوال,, يعني اي سحب مصرفي

يصير يجيها مسج ع الجوال.. واحد من اعيالها كان ماسك تيلفون الام وبالصدفه يشوف لمسج..


واكتشفوا انه احد سارق بطاقه وساحب مبلغ.. ولمن واجهتت الام ولدها.. اعترف..؟

ياربي ايش هذا الانسان,,, لاصلاة والاعباده والامسؤليه والاحتى ذرة احساس ..

اهو اكبر اخوانه المفروض يشيل اهله ويشيل البيت كله.. للاسف لليوم مايصلي وعايش

في الحرام .. الله يهديه ويصلحه يارب ...طبعا كان متزوج ومطلق.. واصلا مستحيل يوم

من الايام يتزوج.. كم مره امه تطلب من صديقاتها يروحون يخطبون له ,,, والحمدلله صديقاتها

يعترضون ويرفضون.. مايبون يغشون البنت اللي بيخطبها انسان يعتبر كافر مايصلي .."

وعمره اللحين 46 سنه


الله يهديه يارب ...