بنات جده: من فين تشترون مفارش السرير الأمريكيه الله يسعد كل من ترد علي

حبيباتي
أنا أحب أغير و أبدل في المفارش لأنها تغير الغرفه من جد و تخليك تحسين إنك اشتريتي غرفه جديده
و لكن من حظي كل ما اشتريت مفارش يتغير لونها أو تبهت أو تنمش و أضطر إني أرجع لمفارش زواجي الأمريكيه و اللي أغلبها من شركه كانون ، كرفتها و حللت فلوسها مزبوط ، لا يتغير لونها و لا تنمش . سألت عنها في كل مكان و ما لقيتها ::confused-:confused-
و أنا أقصد بالمفارش اللي تجيك مفرشين واحد بمطاط على السرير و الثاني عادي و يجي معاها بيتين للمخدات بدون لحاف ، ما أبغى اللي بلحاف لأنها تاخذ مكان و بيتي صغير
كانت زمان في كل سوق و ذحين كل ما سألت عنها قالوا مافيه
و إذا ما تعرفون علموني على أماكن محلات تبيع نوعيات ممتازه و قولوا اسم الشركات و صناعتها ( تركي - صيني .....)
اشتريت من هوم بلازا و اتغير لونها و اشتريت من ايكيا و جات صغيره على المرتبه لأنه مرتبتي عريضه و مرتفعه مع أني أخذت أكبر مقاس و اشتريت من محل في محمود سعيد مدحته لي وحده و برضه ما عجبني
سامحوني حكيتكم بقصه حياتي لكن عشان تدلوني على محلات غيرها

الله يوفق و يسعد كل من ترد عليه

22 تعليق 95,712 مشاهدة

شاركي في النقاش

سجلي الدخول لإضافة تعليق.

التعليقات

22
  1. @am_troky_6

    نفس المعاناه 
    انا كمان ادور على مفارش من شركه كانون 
    كنت اول اشتريها من البوادي والحين من سنتين ماعاد يجيبوها 
    وقبل كم شهر لقيتها في اسواق الامير متعب بالصدفه وعند محل واحد بس ما اذكر اسمه لاني ذاك اليوم لفيت على كل المحلات وفي الاخير حصلته عنده 
    بس مادري يالغلا اذا باقي يوفرها والا لا بصراحه
    وياليت اللي تعرف تفيدنا لانو وعن تجربه شركه كانون مررره روعه ولايتغير معاك اللون ماشاء الله
  2. صاحبة الموضوع
    @ام تروكي@
    نفس المعاناه  انا كمان ادور على مفارش من شركه كانون  كنت اول اشتريها من البوادي والحين من سنتين ماعاد يجيبوها  وقبل كم شهر لقيتها في اسواق الامير متعب بالصدفه وعند محل واحد بس ما اذكر اسمه لاني ذاك اليوم لفيت على كل المحلات وفي الاخير حصلت…
    الله يرضى عليك يا آم تروكي
    أنا ودي أعرف فين تنباع مفارش كانون في جده لأني جربتها و أعرف جودتها
    و إن شاء الله نلاقي من يدلنا
    و كمان أبغى البنات يساعدونا و يعلمونا عن تجاربهم مع المحلات و من فين يشترون مفارشهم
    أي أخت جربت مفارش عمليه و ما تتغير مع الإستخدام تعلمنا و الله يعطيها ما تتمنى
    و اللي اشترت مفارش سيئه تقولنا عشان لا نكرر المأساة
    أنا جربت هوم بلازا و ما عجبتني
    و ايكيا روعه و جربوها أخواتي لكن ما تجي على مرتبة سريري

    ساعدونا يا بنات و خلونا نستفيد من بعض
  3. صاحبة الموضوع
    تسلمي يا وصايف جده
    أورنج أعرفه في عزيزمول و في مجمع العرب لكن ما شفت عندهم إلا اللي يجي معاها لحاف
    تعرفين عندهم مفارش بدون لحف أو لا ؟
    قصدي اللي تجيك مفرشين واحد منها بمطاط و ينحط على السرير و الثاني عادي و مخدتين
    قوليلي الله يسعدك
  4. اشتريت من اورانج هوم

    عندي مفرش له سنتين مااتغير نهاائي

    اساليهم يمكن تحصلين طلبك عندهم

تابعي تجارب أخرى من هذا القسم.