تجـمع للحوامل الرابطات (ربط عنق الرحم) الثلاثون

السلام عليكم
صباح الخير ربوطات وربي يجعله صباح خير علينا جميعا يااارب ..

اللهم لك الحمد حتى ترضى ولك الحمد اذا رضيت ولك الحمد بعد الرضا انعمت علينا بعظيم فضلك وكريم جودك ..

الحمدلله يا بنات طبعا طولت حبيبتي علي ماتحركت وانا مابقيت شي مااكلته لكن يااارب لك الحمد فرحني على الفجر بحركة خفيفه ونمت من التعب ولا رحت المستشفى الا العصر سويت تخطيط وطلع الحمدلله طيب وفيه طلق وكشفت الدكتوره وطلع مقفل �� احس اني انصفقت كنت اتوقع مفتوح شوي ١-١.٥ يعني ..
قالت لي فيه طلق قلت اعرف معاي الالام بس مو مستمره قالت اذا جاك الالام مستمره تعالي وكمان الافضل تجي بكره نرجع نسوي تخطيط ثاني نتطمن على حركة النونو ..
وباقي لي اسبوع قالت عادي اذا ماجاتك ولاده بعد اسبوع تعالي مراجعه عادي ونشوف وقتها وش يحتاج ووش نسوي ..

ويارب يسعدكم كلكم خواتي على ردودكم وسوالكم ودعاكم وربي يرزقكم من واسع فضله ويعطيكم حتى يرضييكم من جد خوات الله لا يحرمنا منكم اشتكي والقى عندكم السند لاني مااعلم احد اذا تعبت مابي يقلقون الله يجزاكم خيرالجزاء ويطمن قلوبكم جميعا ..

يااارب طمن قلوبنا جميعا على سلامتنا وسلامة اجنتنا وارزقنا ساعة سهله ميسره ..

حبيبتي مجبوس الحمدلله شوفي كيف الواحد خايف من الولاده المبكره باي ساعه لكن ربك كريم يعطينا بلا حساب شوفي الحمدلله ربي يتمم عليك ويقومك بالسلامه الحمدلله قربتي تدخلين التاسع بفضله وباذن الله بيتمم عليك بسلامتك وسلامة النونو ..
انا اتوقعت من لحظة ماافك الربط بينزل النونو عند الدكتوره وهذاني الحمدلله ابكمل اسبوعين فاكه وماكتب لي ربي ولاده لانه عالم هالفتره الخيره لبنتي تكون في بطني تنمو ..

ياااارب لا تخيب تعبنا وتريح بالنا..


امي سر سعادتي طمنينا عليك يالغاليه ..

سلام رابطات :
نور ؛
الحمدلله انك تطمنتي على البيبي .. كنت احاتيك :)

تحت المطر :
مبروك السادس وعقبال التاسع وإبرة الظهر انا جربتها ٣ مرات والرابع بإذن الله للولاده .. الابره على حسب دكتور التخدير .. يعني انا مرتين عطاني اياها دكتور مشهور عندنا والحمدلله كانت جداً مريحه وماتعبت فيها لكن في ولادتي القيصريه عطتني اياها دكتوره اول مره أشوفها وجاني بعدها صداع شديييييد وألم في الرجل لدرجة أنهم شكّوا أنها جلطه .. انتي اختاري افضل دكتور وتوكلي على الله

كاشخه :
حبيبتي بالنسبة للمسحه ترا ماتعور !!! هي عباره عن عود طويل تدخله وتأخذ عينه .. يمكن يسوون لك مسحه عميقه اللي يستعملون فيها بوز البطه ..
بالنسبه لي ياقلبي .. ترا انا مأسورين في هالحمل مسحات إلا مرتين بس ! وعقبها تمللت وصرت أخذ مضاد وقائي وأريح مخي .. نظامي كالتالي :
اول ما ادخل شهر جديد أخذ كورس مضاد اسمه زتروماكس ( حبتين على الريق لمدة ثلاث أيام .. تاخذينها صايمه والطرفين بعدها بساعه )
اذا شفت إفرازات على طول استعمل تحاميل جينو بيفاريل كورس لمدة ٣ أيام مع مرهم كانستين خارجي .. وإذا استمرت الإفرازات أخلي الكورس ٦ أيام بدل ٣ .... وان شاء الله أكون أفدتك باللي اعرفه بس ياقلبي استخيري دكتورتك على كل حال .. مب لازم تروحين لها اسأليها بالتلفون عشان تأخذي الدوا وإنتي متطمنه

كاشخه :
استشيري مب استخيري ... الاي فون كريه يصلح الكلام بروحه