التجمع الأول لمواليد مايو&يونيو 2014

امين وياك يا النظره الحزينه .. جزاك الله خير

انا وزوجي متفقين مانعلم احد الا اختي الكبيره لان زوجي يدري احتاجها واختي بالشرقيه عند اهلي وانا لوحدي بالرياض
وامس انا علمت امي طبعا ما قلت لزوجي اني علمتها لان لو درى راح يعلم امه وامه والله يابنات عقدتني عقدتني اني حملت واجهضت بقيصريه فان شاءالله امي ماتعلم احد

انا كنت حاطه توقيع حمل بس كل ماشوفه اشيل هم اني لساااا قدامي وقت
فقررت اشيله واحطه بعد اكتوبر ان شاءالله يعني بعد شهر

حلوات الرياض ماتعرفون شغالات بالساعه يجو غرب الرياض؟؟اهم شي يكون الشغل ممتاز ابيهم تنظف عدل شقتي عشان العيد انا معي دم وماقدر اشتغل غير المغص اللي قطعني

بنات ابيكم تحلون لي مشكلتي والله شايله هم انا اهل زوجي بينا 240 كيلو يمكن اقل او اكثر المهم
بالعيد ماقدر اروح لان معاي نزف ولان والله يابنات شمتو فيني شماته بحملي اللي فات المهم الله ياجرني
وكله يذكروني اني سافرت وانا حامل وذا السبب بولادتي المبكره لاني رحت لاهلي بالجبيل وبس على هالحال
المهم انا وزوجي مانبيهم يدرون ولاراح نعلم الى ان ربي يتمم لي اربع شهور علي خير وبعدها نعلمهم واقول دوبني محلله
بس يابنات وش حجتي بالعيد؟؟ ابوه وجدته يبون يحجون وامه واخوانه بالبيت يعني مالي عذررر
لاتنسو انه عيد
وغير كذا لما يرجعو الحجاج سادس عيد اعتقد لازم يروح يسلم على جدته وابوه لان جدته عندها عمليه بعد الحج بشهر الله يشفيها

لاتقولي علمي لان ذا الشي مستحيل والله يابنات علمتهم بحملي الاول وعلمتهم انه ولد ردت علي اخته قدام امه ليه تعلمي وش جنسه؟قالت امه ايه والله !!!!!!! يعني مو كفووو ابدااا انا كنت غبيه وتعلمت يالله عاد حلوها لي