تجـمع للحوامل الرابطات (ربط عنق الرحم) الثلاثون

انصحك تغيرين دكتورتك اذا الإفرازات

معها الم قوي بالظهر وأسفل البطن أكيد ماتعتبر عادي

ممكن يكون السبب الالتهابات مهبليه او بوليه ممكن عندك الاثنين

او لاسمح الله تقلصات ،، انتي لما تحسي في الم قوي بالظهر على

أسفل البطن الأفضل تروحي طوارئ لمستشفى الولاده عشان يعملو

لك فحوصات خصوصا انه مع الإفرازات دم اهم شي لاتسمحي لأي دكتوره

تكشف من تحت ..


والله يعطيك العافيه ..

الله يسلمك اختي ..


الالتهابات والإفرازات مستمره مع الربط اهم شي نعالجها اول في


في اول ونادرا ما تنقطع الالتهابات ملازمة لحتى فك الربط


ناس عن ناس تختلف اهم شي مانهمل في الكشف والتحليل


والمسحه بشكل دوري والله يكون بعونك على كثرة شرب المويه مفيده

بنفس الوقت متعبه :44:

والله يتمم عليك ولايضيع لك تعب ..

مساء الخير ..
شخباركم رابطات ؟ إن شاء الله الكل بخير ..

ام الوافي :
خذي مثبت اذا ينزل عليك إفرازات دم .. وأحسن شي تأخذي دوفاستون 3 مرات باليوم وتحاميل السايكلوجست مرتين باليوم .. والالتهابات انا اذكر في واحد من الدكاتره قالي أنها ماتخوّف في بداية الحمل لكن إحنا لابد نحذر وتعالج اي شي يصيبنا لان المؤمن لا يلدغ من جحر مرتين واللي يده في الماي مش مثل اللي أيده في النار

اخباري ؛
اليوم كان عندي موعد في الخاص والحمدلله كل شي اوكيه وقال أن الجنين نازل كثير في الحوض :(
وحسيت من كلامه أن ولادتي قريبه كلللش .. الله ييسرها من عنده .. وسألته عن الصداع وخصوصا أن لساني ظهرت فيه تقرحات ذابحتني وطلع اللي مسببلي هالشي الجيوب الانفيه :(
وقتله عن الآم الحوض الفظيعة قال من نزول الجنين وطلبته مسكن وغثّني لما قال ترا مافي مسكن راح يخففه لك مهما كانت قوته غير المورفين وهو ممنوع طبعاً وقال علاجه الوحيد انك تولدي :( كذا يخف ضغط الجنين على العظام والأعصاب والاورده وتروح الالآم :(
بصراحه بصراحه ودي أولد خلاص .. ذبحتني الاوجاع ماعاد اقدر استحمل .. صرت ادوس على قلبي واطلع امشي مع أني في كل خطوه أحس قلبي بيوقف بس عشان أولد .. فكرت والله أني احلّ الواجب مع أبونا بس عشان أن هالشي ممكن يجيب طلق .. لكن بصراحه ماقدر أتحرك نهائي كيف اجل حلّ واجب ؟؟ وزوجي خايف من الفكره أكثر مني يقول أخاف اتسبب عليج ويصير لك شي ونتحسف :(
دكتوري يقول اذا حسيتي انك ماعاد تقدري تتنفسي من الشد في البطن وألم الحوض خذي شور حار يرخي لك الجسم وممكن يخفف شوي من الألم :(

وباقولكم عن موقف صارلي امس لكنه فعلاً حرق دمي وبغيت انجلط منه ... امس الصبح رحت مع اختي وعيالي مجمع عندنا اسمه رويال بلازا .. كنت ابغي أخذ أكواب من محل هلا وبأخذ هديه لعروسة ولد خالتي ( ماحضرت العرس بسبب التعب ) وهناك في محلات مجوهرات لبنانيه حلوه يعني الماس لكن الصائغ لبناني مش أجنبي وهذي تجي أسعارها حلوه وتصاميمها رووووعه .. خذت لها حلق الماس يهبل وسعره جداً حلو ( 2500) .. مرّيت صوب محل مجوهرات مشهور عندنا وعنده توكيل ماركات حلوه مثل كارتير .. دخلت اشوف الساعات لان زوجي واعدني انه يأخذ لي كارتير هدية الولاده .. البياعه كانت لبنانيه :( وأنا اسأل تكلمني من طرف خشمها !!! وأنا كاظمه غيظي وساكته .. كل ما سألت عن شي تتأفف وتجاوب بأسلوب قسماً بالله لوما تعوذت من ابليس كنت صكّيتها بالشنطه على وجهها ... انا حالتي كانت بصراحه حاله مب كاشخه لا .. عباية حمل ووجهي مغسول مالبست نقابي ( لو لابسته كانت العنز زادت في اللي تسوويه ) .. المهم كل ما سألتها عن شي قالت هذا غالي !! ارد اسأل عن شي ثاني بعد تقول هذا غالي !! وأختي تقولي أهدي ومشي الموضوع لانها تعرفني في اي دقيقه بانفجر .. وأنا طنشت وسكت .. لحد ما رحت جهة الساعات ورويت اختي الساعه اللي آبغيها .. قتلها ممكن تطلعيها ابغي أشوفها على يدي .. ولا تقول بس هذي يامدام سعرها 65 الف فيها الماس .. اللي بدون الماس ب 25 الف الحجم الصغير خلصوا وراح يجو بعد العيد !!!!!!!!!!!
هنا حسيت أن الدم صعد راسي وبديت اغيّب وأحس بيد اختي ماسكتني وأسمعها تقول خلاص خل نطلع وهي تسحبني لانها تدري أني باجيب العيد ( انا هالحمل بالذات صايره عصبيه بزياده ووايد صايره اتهاوش )
مادري كيف سيطرت على أعصابي وقلت لها وين مدير المحل ؟ صارت تطالعني وهي فاتحه عينها على كبرها .. وتستهبل !! شو مدام وأنا ارد اسأل وين مدير المحل ؟ إلا تقول جوّا لكنه مشغول واللي اهدّ على مكتبه فجأه ..ما أعطيتهم فرصه حتى اختي تقول شلون مشيتي بها لسرعه ؟؟؟ وشكلك كان ناوي على شر .. فتحت الباب عليه فجأه وأنا عينوني يطير منها الشرار ... واكلمه بهدوء لكن كلامي كان مثل السم .. وبصراحه ماذكر شقلت لكن اختي تقول ما تم شي ماقلتيه عن الأدب والذوق في التعامل .. وأنك لما دخلتي محلهم انتي اللي نزلتي نفسك ودخلتي تشتري منهم وهم ناس ما يعرفون مع من يتعاملون ... انا بصراحه متعوده اشتري من برا لكن قالولي أن أسعار كارتير بالذات تعتبر أرخص شي في قطر .. وضج هالكلام انا طلبت من اختي تسأل في لندن عنها وقالولها أنها أغلى بحوالي 10000 ريال .. قلت أخذها من قطر أوفر .. لكن صج أنفهرت من أسلوبها العنز .. قتلها لو كنت داخله وأنا ثلاث أرباع شعري مكشوف ووجهي كأنه مهرج من المكياج والعبايه مخصّره والجوتي الله يعزكم لوبوتان كان أسلوبك تغير وصرتي مثل الكلبه لكن المحترم نفسه ويخاف ربه تستصغرونه وتستهينون فيه ... طلعت وأنا أغلي من الحرّة ومديرها وراي للباب يعتذر وهي مثل الصنم واقفه وشكلها توهقت .. لان مديرها عطاها كلمتين واحنا واقفين وأنا كمّلت عليها وأختي ماقصّرت بعد .. انا انقهر من اللي يحكمون على الشكل الخارجي .. اللي يبط الجبد أن هالظاهره انتشرت عندنا في قطر :( أنهم يحكمون على الشخص من شكله الخارجي !! ما يعرفون يثمنون الناس .. عندهم أن اللي تلبس عبايات مفضفضه ونقاب هذي كحيانه و طبقة واطيه مايعرفون أنها ست ستهم مثل ما يقولون بدينها وخوفها من الله أولاً واحترامها لنفسها واصلها ثانياً وياما ناس كاشخه وهي في الأساس كحيانه تعيش على قفى الآخرين ... والله أن في مرّه من المرّات انا وزوجي كنا في محل ودخلت وحده من إياهم معاها علبه فيها ساعه وتقول للبياع انا ابغي ابيعها لان عندي مثلها هديه وهذي هديه ثانيه وأنا ابغي فلوسها !!!! واللي جابها لي جابها من عندكم لان ورق التغليف منكم !!!!!!!!! بمنتهى الوقاحه وهي تضحك !
هالموقف بصراحه جداً ذبحني لاني ماحب أتعامل بها لأسلوب الوصخ ولا احب أن اي مخلوق يهينّي او يدوس لي على طرف

السلام عليكـــــــــــــــــــــــــم ..
رحت للدكتوره مثل ماقلت لكم وقالت الافرازات عادي مع الحمل وقلت لها نزل شبيه الدم
وطلبت تحليل هرمووون حمل .. وسويته والحمدلله طلع كويس وقالت حملك ماشي تمام
وقالت اجيها بالموعد الجاي عشان السونار
وقالت بحولك للحكومي عشان يشوفون حالتك ويقررون الربط .

مجبوس لحــــم ..
كيف استخدم تحاميل من حالي اخاف .. وقالت بس استخدم غسول طبي
واخذ دوفاستون مرتين باليوووم ... عادي اخليهم ثلاث من عندي ..

زوجة الوافي:

ياقلبي لاتخافين �� التحاميل هذي تعتبر من اقوى المثبتات بعد الابر وانا اخذها في جميع حملاتي وهي ممتااااازة وتهدي الرحم وتبعد التقلصات ,, والدوفاستون اللي انتي خايفه لا تاخذي 3 منه انا اخذ 6 مع التحاميل خخخخخ
الله يسعدك شكلك لسه مبتدئه في سوالف الحمل والربط :)
احنا مخضرمين فيه خخخ اسالي دكتورتك اذ خايفه وهي تعرف حالتك وتنصحك بالافضل لك