التجمع الأول لمواليد مايو&يونيو 2014

المستبدة مشكورة ياقلبي طمنتيني الله يسعدكك

حبيبتي الحربية انا ماني عارفه ليه كل مارحتي يسوولك سونار داخلي انا في البدايه لما عرفت أني حامل عندهم ورحت على أساس انخفاض الضغط وألم جهة اليسار وحاولوا فيا الا أسوي سونار داخلي قالولي يمكن حمل خارج الرحم قلت فيه سونار خارجي وهما يقولوا الداخلي يوضح افضل قلت مرا لا تحاولوا اذا ما تبغوا تسور خارجي بلاشي راح اروح وعلى طول نزلوني وسوولي خارجي وقالوا كل شي كويس الحمدلله ولكي 5 أسابيع
وبعدها رحت سويت لي موعد عند دكتوره أتابع عندها وكان امس اول موعد ليا وأعطتني الحبوب اللي لازم اخذها وقالت ايش الاعراض اللي احتمال احسها وطبيعي اول 3 شهور وأعطتني موعد السونارالخارجي بعد أسبوعين ولا جابت سيره للداخلي ولاشي
وانا زيك في امريكا فأنصحك غيري دكتورتك افضل


واللي تقول زبده الكاكاو حقة بالمرز مو موكويسه شوفي حبيبتي فيه زبده بالمرز خاصه للحامل وفي العلبه رسمه حامل ومعروفة افضل نوع وانا الحمدلله قبل حملت 3 مرات واستخدمتها مرا كويسه
واليوم كمان رحت اشتريت وحده لو ماهي كويسه كان ما باعوها هنا في امريكا
وتستخدميها 3 مرات في اليوم
يعني الحمدلله انا مجربه اكثر من مرا وبعدين فيها رسمه للحامل أبغى افهم كيف مو كويسه
لكن هي ممكن تسبب حساسيه لبعض الناس في هاذي الحالة ما تستخدميها فقط
واذا تبغي تعرفي تسبب حساسيه لكي او لا تحطي عينه على جسمك لمدة 48 ساعه

انا اخر دوره كانت 10/25 يعني متى حتكون ولادتي لاني لسى مارحت لدكتوره  

بالحساب الأشهر الهجرية تكون يوم 8 شعبان اللي هو 6 يونيو

ويا بنات ترى مو لازم تكملواالتاسع لانه التاريخ المتوقع يكون ياقبله بأسبوعين او بعده بأسبوعين يعني أتوقعوا كمان ولادتك تكون قبل التاريخ لانه انا في كل حملي يكون قبل التاريخ المتوقع ههههههههه