صالتي محتاجة لكم..ارجوكم لا تخيبون ظني

الله يسلمكم انا عندي صالة كبيرة (8*6)تقريبا
حبيت اغير صبغها .. واخترت اللون الماروني بدرجتين(يعني كل جدارين متجاورين درجة)لان طقم الكنب اللي عندي لونه اصفر
بس الصباغ الله يهديه ماقصر فيني .. صبغها بنفسجي درجتين:(
وانا للحين ماني متخيلة اركب هاللونين مع بعض
ارجوووووووووووووووكم لا تبخلون علي بنصايحكم .. كيف اخلي صالتي متناسقة ؟؟؟
للعلم انا للحين مافصلت الستاير
وهذي وردة لكل وحدة تساعدني:26:

13 تعليق 2,526 مشاهدة

شاركي في النقاش

سجلي الدخول لإضافة تعليق.

التعليقات

13
  1. @alghmam

    يا أختي العزيزة..
    أنا أشوف أصبغي الصالة بلون درجة من درجات البني الفاتح أو الأصفر و حتى مخدات على الكراسي موردة فيها الأصفر و غيره علشان تكسرين حدة اللون و ممكن تزينين الحائط بسجاة معلقة (تيبيستري) أو لوحات أو أشكال معدنية..
    نصيحتي لك غيري تماما لون الصبغ
  2. صاحبة الموضوع
    الصراحة ؟؟؟؟؟:confused:
    ماتوقعتها منكم
    كل هالمشاهدات ووحدة بس اللي ردت؟؟؟
    الله يسامحكم:icon33:
    انا وايد متضايقة
  3. @ody_ahbk

    السلام عليكم

    حبيبتي مدام خلاص مافي امكانيه لتغيير الصبغ عيل اصبري..

    واذا قدرتي تنجدين الكراسي بلون مناسب للبنفسجي بتطلع روعه واكسسورات اللون البنفسجي رووووووعه السوق متروس خاصه هاللون..

    لا تيأسين الصاله بتطلع حلوه ان شاء الله

    اذا ما بتقدرين تنجدين الكراسي حاليا مو مشكله اصبري لين تييج فرصه انج تنجدينهن او تغيرين الصبغه

    والحين ممكن تحطين الكراسي عادي و المخدات اللي ع الكراسي حطيهن بنفسجيات.. ودوريلي لج كرسييين بلون بنفسجي اللي اييينج ظهرهن طويل وحطي بينهن طاوله ودخليهن في القعده.. وع الجدار حطي لوح لونهن قريب من الكراسي وعلى فكره كسر الالوان واااايحد حلو ومن الابجاع التفنن واعتبرييه تحدي

تابعي تجارب أخرى من هذا القسم.