السلام عليكم ورحمة الله
اتمنى الي عندها خلفيه في الحج ومعلومات تقدمها لأخواتنا ليستفيدوا ويفيدوا
انا حجيتي عام 32ولله الحمد وكم تمنيت اني اغتنمت الحج كله لله يعني تندمت اني مابذلت كل جهدي في الطاعة. سويت شيء بسيط واتمنى اني اعيد حجتي لاني تعرفت على بنات وسواليف بس الحمد لله كنا نحضر محاضرات ونشاطات دعويه متنوعة <<<<<بس نصيحه استغلي الحج بكثرة الذكر ابعدي عن كثره الكلام واللغط لان الكلام يجر بعضه حاولي تختمين القرأن في حجتك. اقري عن مناسك الحج قبلها بفتره كي تعرفيها وترى مافي أسهل من التطبيق
المهم إحتياجاتك في الحج 1لبس فضفاض يعني جلبيات وسيعه ساتره هاديه جدا ومريحه خذي على عدد الايام
2_ملابس داخليه مريحه لانه مع الزحمه والحر تحتاجين تغييرها بكل وقت المهم فيه ملابس تنلبس مره وتنرمي إستخدميها احسن `فوط صحيه للحمايه اليوميه واحتياطا للدوره حتى لو قد جاتك الإحتياط زين
3_صابون جسم وشامبوا بدون.رائحة<<<وصابون وشامبوا لبعد لتحلل إذا مابتطلعين من المجخيم يكون برائحه معقوله
4-امواس مقص اظفار مقص شعر <<<<<هذه تحتاجينها بعد التحلل بإذن الله
5-مزيل عرق ذو رائحه هاديه ليست فواحه جدا عشان تأخذين راحتك إذا بتطلعين من المخيم صعب تنشم رائحه عطره منك والافضل بدون رايحة فيه طبي وحلو بدون رائحه استخدميها
6-منشفه لجسمك ولشعرك وياليت تكون خفيفه عشان ماتقعد مرطبه عشان تنشف بسرعه مناديل 'اكياس صغيره يمكن تحتاجين تلمين شيء من لباسك فيها
7-والشيء المهم الي ناخذه قبل كل شيء القران والسجاده والشرشف حق الصلاه.
8-مشطك فرشاة اسنانك معجونك >>>هذه بشنطة اليد دايم
ونصيحة شنطة اغراضك خذيها بكفرات أسهل لكم لاتأخذون العاديه تتعب وتهلك
9-خذي معك عبايتين احتياط وحده تلبسينها والثانيه تبدلينها وخذي جوارب لان الله يهديي بعض الحجاج بالسطح والمسعى يكبون ماء ويتوضون فلازم تلبسين إحتياط >>>>انا تندمت اني مأخذت جوارب
المهم المهم العباده قد ماتقدرين سخري نفسك للعباده وادعيء بكل ماتريدين
الصلاه لازم تجهزين نفسك قبل الاذان بنصف ساعه تتوضين لانه يجيء زحمه على الحمامات كوني مستعده قبل كل فرض واكسبي اجر الي معك وادعيهم خصوصا صلاة الفجر <<<<<يازين الحج طمائنينه وسكينه واجواء روحانيه سبحان الله
إنتبهوا عند رمي الجمرات لاتسون مثلنا طبعا اول ماتطلعون للجمرات لا ترحون عند الطرف الاول للجمره وتقربون عشان الرميء غلط لان كذه راح تنزحمون ولاعد تتطلعون ~~~~~روحوا للطرف الاخير للجمره وكبروا وارموا بيكون اسهل لكم في الرمي والطلوع ~~~~وياليت تأخرون الرمي لان فيه وقت مو لازم بعز الزحمه وخلوكم بالادوار الاخيره لان الدور الاول مره مووت
وسلامتكم ياربمعليش طولت عليكم هذا الي عندي وتفضلوا حبيباتي
اطرحوا نصايحكم لأخواتنا الي بيحجون عسى الله ينفع بنا وبكم
والله يتقبل من كل وحده حجتها يارب ويسعدها وينور دربها
دعواتكم
.✿واذن فى الناس بالـــ⊰♥⊱ــحج (تجمع لمن نـ⊰♥⊱ـوت على الحج ولتبادل الخبــ⊰♥⊱ــرات ) .✿
متابعة النقاش، صفحة 179