تجمع للمقبلات على التلقيح الصناعي 2013

بنات انا اليوم ١١ لي من التلقيح الصناعي حللت تحليل منزلي وما طلع شي ومررره متحطمه

هذي بالنسبه لي ثاني محاوله ...سويت الاولى انابيب وتلقح عشره بس للاسف وقفوا انقسام كلهم وما كملوا

الحمد لله على كل حال

وهالمره كانت المفروض انابيب بعد بس ما طلع عندي الا بويضه وحده كبيره فتحولت العمليه من انابيب الى تلقيح صناعي

احد صار له مثلي ؟! ان الانقسام عنده توقف وما كمل ؟!

وبالنسبه للتحليل المنزلي الي طلع مافيه شي هل معناة انه مافيه حمل خلاص !!!

الواجب يكون عارف كل الهيستوري مو معقول يعطيج علاج من دون ما يكون متابع حالتج

والله يا لايت نقدر نعرف الجمل من غير الحمل

بالنسبة للأعراض تتشابه مرات نفتكر حوامل وتجي الدورة ومرات ما نحس بأي اعراض ونطلع حوامل

هلا وغلا اختي ميادة

بالنسبة للأنابيب ماسويتها وان شاء الله ما احتاجها

بس قد قريت فيه بنات صار لهم كذا

ولو تدخلين الحقن المجهري واطفال الأنابيب في حالات كثيرة مثل حالتج

اما بالنسبة للتحليل يوم 11 مولزوم يطلع موجب ممكن يطلع سالب ويكون فيه حمل

وممكن يطلع موجب ومافيه حمل

الوقت جداً مبكر على انج تتأكدين

انا اليوم عاشر

عملتها الإثنين الي راح

الواجب احلل الأربعاء القادم وانا مو في نيتي احلل على طول

ومرات اقول رح احلل عشان لو مافي حمل لاسمح الله اوقف الدفستون وتحاميل السايكولجست عشان تنزل الدورة

انتي شتحسين خلال الاحدعش يوم ؟؟

هلا بك اختي

انا احس بالام الدوره تجيني بين فتره وفتره خصوصا اليوم وامس

وبنفس الوقت احس بنغزات في اسفل بطني ومن جهة المبايض

واحيانا تنزل علي افرازات بنيه

عشان كذا خايفه ... ولما اغسل من تحت احس رحمي نازل شوي

ما ادري اذا قد مريتي بهالاعراض

المشكلة اختي ميادة ما نقدر نجزم بحدوث الحمل

يعني انا بعد كل هذي الأعراض اجس فيها وما زلت

الثقل ونغزات

واليوم حسيت الله يكرمج نغزات قوية من الاسفل

هالايام جاي لي غازات وبطني منفوخ وفيني لوعة

بس انا مع السهر ينتفخ عندي القولون ويسبب لي لوعة

وهالاحساس زايد هالأيام

للعلم الام اسفل ظهري وبطني والتعب حسيت فيها لما اخذت الدفستون الشهر الي طاف بأمر من الدكتورة

كان للتحضير للأبر التنشيطية والتلقيح الصناعي

فأنا في حيرة ورامية حمولي على رب العالمين

من اتكل على الله الله عانه