كيف أحصل عروسه لاأخوي !!!!!!!!!/ استوفى

طيب فين ساكنين بأي مدينة لأن عندي صاحبات ماشاءالله عليهم

ما أنصحك من بنات الجامعه ،،،احضري زواج لكم وشوفيله من جماعتكم عمر الظفر ما يطلع من اللحم وش لكم بوحده ما تدرون عن أخلاقها والله يووووفقه يارب ببنت الحلال اللي تسعده

والله شوفي يااختي انا مريت نفس موقفك جاني اخوي الصغير وطلب مني اخطب له؟ علما اني. اخاف من سالفة الخطبات ؟ احب احطها باي اخت ثانيه لي ؟ لكن هو قالي انا ولاحبيت ارده ؟ وكان شرطه؟ ماتكون من الاقارب؟
والله اني بحثت له وتعبت وانا ادور على بنت خلوقه؟ وماغير اسال فلانه وعلانه؟
ولكن؟ دلتني صاحبتي( الله يسامحها)) معاي بالعمل على ناس ؟ تقول: انهم طيبين وحبوبين. وبناتهم اخلاق؟ واشكالهم مقبوله ومتعلمات؟ واختارت لي وحده بينهم؟ وهم يقربون لها من بعييد..
وفعلا رحت طيران اتصل على امهم ورحبت فيني؟ وطيرتني بالسما؟ ويوم جيتهم ؟ يمينا بالله البنت من خجلها. وهي داخله ترجف رجف ولما سالتها( ماشاء الله انتي اي قسم بالجامعه ؟. يالل يالله تحكي من الخجل)
واستخرت الله. وتقدمنا رسمي؟
المصيبه اول ماخطبها اخوي؟ وشافها واقتنع؟ وتملك عليها؟ صارت البنت وامها وخواتها شي ثاني؟
وقاحه وقلة ادب وطلبات وحركات. ناس ماشافو خير؟ مشاااافيييح
علما ان اخوي مقدم مهر. اقسم بالله يواجه وشبكه الماس. انا شاريتها بنفسي من محل معروووف. وغاليه؟
وام البنت هلكتني تتصل طلبات. كانها ماشافت خيير؟ وحذرت اخوي وقلت له ترا شكلهم ماشافو خيير؟ وللاسف رده. كان جارح يقول انتي الي خطبتيها؟ طيب انا وش يدريني صاحبتي. مدحتهم وانا استخرت ورحت شفتها الام والبنت خجل بخجل ؟ وخدعوني ؟ وانت رافض ازوجك من بنات الجماعه؟؟
ولما تزوجها ؟ يمينا بالله اول حركه سواها. الخروف؟ قاطعنا وصار يلف فيها لاوربا. وشرق وغرب؟ ماعلي من هذا؟ الي علي انها تطلع حكي علينا ماله داعي ؟
والمصيبه الاعظم اني اخته الكبيره. وبمقام امه ؟ لي الان اكثر من ثلاث سنوات ماشفنا بعض والسبب هالزوجه الخقود الي مادري وش حنا مسوين لها ؟ من دخلت مشاكل مشاكل علما انها ساكنه في بيت لحالها وانا في بيت. مع عيالي مالي دخل فيها؟؟ بس. انسانه نفسيه؟ ( انا نظامي مع اي زوجة اخ رسميه واتركها بحالها لان عندي ناسي وربعي مو بفاضيه لاي احد؟ ونظامي. اتركيني بحالي واتركك بحالك)
عموما اختي انتبهي انتبهي انتبهي بالزوجه الي تختارينها لاخوك اسمعي كلامي واختاريوحطه اما من صحباتك الي تعرفينها زين؟ ولا اقنعي اخوك ياخذ من جماعتكم وحده تعرفون اخلاقها واخلاق امها؟
والله يوفقه يااارب. ولاتطيحون طيحتنا ..

في القصيم ..

يالله قصتك تهووول .. معقوله ! شكلك تلومين نفسك لليوم على انك السبب بتزويجه هالبنت

المشكله ان اخوي طيب وتجيه بنت شر قسم ينقهرررر ... وأنا مااراح اسامح نفسي لو دبسته بزوجة كريهة وشرانية ..


الله يسعدك نبهتيني أتأنى زين مازين .. ونسأل باانفسنا عن البنت لااكثر من شخص قبل مانتقدم رسمي