بنات اللي سافرت ماليزيا...تدخل فيه سؤال؟؟؟

الافضل عن طريق مكتب لانو مثل اقالوا لك كل شئ مرررررتب والحجز عن طريق المكتب بالباكيج بيكون اوفر خصوصا السكن لانو جربنا ليلتين زيادة بالماريوت بكوالالمبور طلع سعرهم اغلى من الحجز الل يبالمكتب فرق 200ريال بالليله
وخصوصا الطيران لانو كل جزيرة بتروحيها بطيارة فلازم كل شوي مطار وحوسة خليكم على المكاتب افضل واذا انتي بالشرقية احجزي من الملحم للسفريات ممتاااااااز واسعارهم حلوة ويضبطونك بالغرف كلفنا تقريبا 12 الف الى 15 الف
ماليزيا تكت وحجز مو مشكله المشكلة بالتسوووق تصرفين قد سفرتك لاوربا يكفيك الماريوت والتوين تاور كله محلات حلوة وكل الماركات اللي تخطر ببالك موجودة وسفرة موووووووفقة

اختي من الافضل انج تحجزين جربي مكتب جلوبال او عالم العطلات صراحه امين وومتاز
اذا انتوا اثنين راح تكلفكم الرحله بحدود ال15الف درهم بالكامل اما اذا اكثر يعني مثلا معاج
طفلين او ثلاث فالرحله بتكلف بحدود ال25 الف وطبعا كل ميزانيه تختلف من شخص لاخر
وهاذي بعض المعلومات عن ماليزيا مع اسعار التذاكر
ماليزيا بلاد رخيصه وحلوه وبعطيج التفاصيل
بالنسبه لرحلتي كانت مع زوجي وعيالي 2 بنت وولد بس كانت رحلتي الاساسيه لستراليا وبالرده مرينا على ماليزيا على الطيران الماليزي وبنفس مستوى الطيران الاماراتي ومع ان افضل الاماراتي بس الاماراتي ما يوقف ترانزيت على طول لاستراليا والرحله من دبي لماليزيا 7 س وسكنا في فندق الهيلتون واظن اليله كانت ب450 د
وعملتهم مثل عملتنا يعني الرنجت =الدرهم
وعنوان الفندق HILTON
2jalan barat
46200petaling jaya
malaysia
والفندق صراحه رررررروعه نظافه وترتيب ومكانه يبعد 48كيلوا من
مطار كوالالمبور وقريب من الحديقه المائيه صنواي لجونا وهي حديقه مائيه مثل الوندر لاند وفيها مركز تسوق وفندق اسمه فندق الخيول
وبماليزيا سوق الشاينا تاون وفيها كل الماركات التقليد من شنط ونعول ووايد رخيص وفيها مركز klccوفيه ماركات عالميه وارخص من عندنا وفيها منطقه اسمها جنتنغ وهي عباره عن مرتفعات فوق الجبال وتعتبر بارده نوعا ما احنا قعدنا فيه يوم وفيه فنادق ومركز صغير بس المتميز فيها مدينة العاب وايد اسانسنا فيها وتبعد عن الكوالا لمبور بساعه تقريبا
وبماليزيا 3 حدائق بجانب بعض انا ما رحتلهم بس في ناس من اهلنا راحوا لها ويقولون حلوه وهي حديقة الزهور والفراشات والفواكه وهي بجنب بعض لا تفوتنها ولا تنسين تزورين البرجين التوامين ويعتبرون اكبر برجين بالعالم
1- اهم الاماكن السياحيه بماليزيا مع الاسعار

صن وايلجونا حديقه تضم العاب كهربائيه وحديقه مائيه
السعر39درهم للشخص الواحد
ماينزوندر لاند حديقه كهربائيه السعر 28 درهم للشخص
جنتينغ حديقه تضم العاب كهربائيه في مرتفعات جنتنغ السعر 33
للشخص الواحد
رحلات سفاري 59 درهم للشخص
ثلاث حدائق تجاور بعضها وهي عباره عن حديقه للطيور وتضم جميع اصناف الطيور الغريبه ب22درهم وحديقه اخرى بجانبها للفراشات ب11درهم وحديقة الزهور ب1 درهم
حديقةالحيوانات ب8 دراهم حديقة الفراشات المضيئه ب40 درهم

القارب ويسع 14 شخصا مع 4 زجاجات ماء

البرجين التوام (لا تطوفينه صراحه متعه ) والصناعات اليدويه مجانا تركبيهن بدون تذاكر

2 - مراكزالتسوق بكوالالمبور
مركز ال klcc او مثل مل يسمونه مركز سوريا جدا رائع ولا يطوفج
الميغا مول او ميد واي فالي ويعد من اكبر مراكزالتسوق بماليزيا
الشاينا تاون وهي مدينه تبيع البضائع التقليد
لوت تن مركز ذو بضائع رخيصه
مركز مينز
جالان بوكيت وهو شارع فيه جميع المطاعم العربيه
مبنى التايم سكوير ويوجد به اكبر مركز للتسوق وصالة سينما وسعر تذكرة السينما ب10 دراهم يابلاش انا رحتها لا تطوفينها لانها روعه ويوجد بالمركز مدينة ملاهي كبيره جدا
مركزهوت ويوجد به محلات رخيصه

ياله وين الدعوه الحلوه هههههههه

انا روحتي لشهر العسل كانت من غير مكاتب ومن غير حوسة ورحلتنا كانت ماشية مية بالمية

وبالنسبة للاسعار طبعا كانت اقل تقريبا بالفين وشوي

سكنا بافضل الفنادق لان زوجي كان رايح ماليزيا من قبل شهر العسل مرتين :)

سكنا ب برجايا تايم سكوير - صن وي لاقون - شنغريلا هذا بكوالالمبور
لنكاوي افضل شي كان : بيلانجي بيتش

وش بغيتي تسالين عنه ؟

كل الشكر لكم....يابنات حواء يااغلى بنات....والله انكم اخوات غالياتIRIS-khil-نجود الرياض- جناين ورد-مجرد احساس-imay-نور السحاب-ا ل ا ء-NORA

اللهم اني أسألك بإسمك الأحد الأعز وادعوك اللهم بإسمك الكبير المتعال الذي ملأ الاركان كلها أن توفق كل من ردت علي واعتبرتني اختها او صديقتها ....اللهم ارزقهن بما يتمنين وسخر للمتزوجه زوجها وارزق من لم تتزوج بزوجا صالحا ...وارزق من لم تنجب بالذرية الصالحه....واصلح لمن انجبت ذريتها.....واللهم احسن خواتمنا جميعااااااا

تستاهلون يااغلى بنات والله من كل قلبي طالع الدعاء:26: :26:

بالنسبة لكي يااخت .....اا ل ا ء.........يالت ترسلين اللي تقدرين ولو تسوين برنامج لي ياليت
انا رايحه بأذن الله اول اغسطس...وانا وزوجي وولدي عمره سنتين و8 شهور ...وقاعدين من 12 الى 14 يوم
ومهما كان اللي ترسلينه ...والله انك تستاهلين الدعاء

وبالنسبة لكي يااخت نورااا...
يقولون الاسعار السنه هاذي ناااار وخاصة الفنادق
ياليت تعطيني فكره عامة عن اسعار تذاكركم والفنادق واجمالي تلكلفة الرحله... من مجميعه
والف شكر