شاركي في النقاش

سجلي الدخول لإضافة تعليق.

التعليقات

46
  1. @alsaaydh_n

    من ناحيه يضايق 
    لانه انشغل بحرمه غيرك
    وخاصة ليل نهار

    بس حاولي تشوفيهم في ايش يتناقشو يمكن هالمواضيع هي الا يحبها زوجك وتجذبه وتلفت انتباهه وبعد فتره حاولي تسحبيه شوي شوي في فتح مواضيع شبيهه لها
    اعملي له حركات استقبليه من دوامه بكم طريقه مختلفه خليه يشتاق لك وهو بعيد وفي نفس الوقت ينشغل عنها

    واذا ماودك الا تصارحيه قولي له احسد فلانه عليك وانت متواصل معاها ليل ونهار
    بس هي طيبه وتستاهل تتواصل مو واحد مثل نور عيني أنت إذا أنا وهو أنا ما تتواصل معاي لهدرجه ومجنونه فيك . عاد كيف هي مع قوة اتصالكم ببعض اكيد بتشوفك أعز وأقرب أخ لها 
  2. @akht_oakhtha

    احيانا الزوج او الزوجة مهما كانوا يحبون بعض تجيهم فترات يحتاجون صديق او قريب يفضفضون لة لانة مايصلح يفضفضون للزوج او الزوجة فهمتي
    هو يمكن يلقى متعة في سوالفة معها انصحك تتطنشين ولا تراقبين محد بيتعب غيرك
    وحدة من صديقاتي تقول خالة زوجها متزوجة وعيالها صغار وليل ونهار وهي عندهم علشان مشاكل مع زوجها وتجي دايم عند اختها ذي وولدها وتتشكى وتفضفض
    تقول وانا منقهرة لان زوجي الولد الوحيد لاختها وحلال المشاكل ويقضي مشاوريها ودايم تشكي لة واكيد تعلمة باسرارها واسرار زوجها وانا اغار
    قلت طنشي ماتقدرين تسوين شي!
  3. يمكن في مواضيع بينهم ماتخصك ويثق برايها او يفضفض لها

    مادام من محارمه ليه خايفه عادي انا اعرف ناس كثير علاقتهم بخالتهم اكثر من امهم
  4. @haggen_dazz


    يا حياتي أنتي,
    شوفي دامها وحده من محارمه لا تقلقين لكن لو أنها وحده ميب من محارمه كان عطيتها كف بوجهها, لكن دامها محرم لا تخافين (اذا كانت زوجة ثانية معك فهي قصة ثانية بتكون الغيرة بينكم طبيعية جداً).
    بس أسمعي نصيحتي, تعوذي من الشيطان والجئي لله وادعي.
    ثاني شي لا يصير قلبك غل عليه او عليها لان الانسان بطبيعته ما يحب الاشخاص السلبيين وبيبعدهم من حياته. ابتسمي ولا تسوي نفس اللي يسويه فيك. خليك شخصية بنفسك. ولاتنسين تكلميها أن وش الشي اللي يجذبه للسواليف والخربطة معها بطريقة غير مباشرة, يمكن تفيدك لكن احذري تعلميها المشاكل اللي بينك وبين زوجك لان ممكن يسبب مشاكل اكثر من اللي انتم عليه.
    واخيرا الله يخليكم لبعض 3>

  5. اخاف بكره يتركها ويطيح بوحده مهيب من المحارم ولاهيب سهله وتجيبه على راسه

    خليك على ذي مدامها حبيبه ولا تخلين للشيطان عليك مدخل

    زوجك زي أي رجال يدور احد غير زوجته يسولف معه

    حاولي تغيرين اسلوبك معاه حتى لو حسيتي انه صح اتبعي اساليب ثانيه الين تعرفين كيف تتعاملين معه ويصير يسولف لك

    ترا بعض الرجال يحبون المزوح اللي ما تشيل على خاطرها من كل كلمه

    وبعضهم يحبون الكتوم

    وبعضهم يحبون اللي تتكلم شوي وتسكت وتنشغل عنهم يدورونها

    وبعضهم اللي تكون مثقفه وسواليفها حلوه ومميزه

    انت شوفي زوجك وتعاملي معه

    لانك اذا ما غيريتي اسلوبك بيدور غيرها لو تركها

    والمره الجايه يمكن تصير ضره لا قدر الله

    وانتبهي تكذبين عليه وفيها لا ربي يعاقبك ويقلب حياتك بدعوة مظلوم اذا كذبتي فيها

تابعي تجارب أخرى من هذا القسم.