₪ ₪ التجمع السادس لعسولات الاردن المقبلات على اطفال الانابيب ₪ ₪// استوفى الردود

اخر مشاركات البنات بالتجمع الخامس

بحرينية 76

السلام عليكم اخواتي
اليوم كان السحب وماكان د بركات موجود مساعده اهوا الي سحب لي بس بكل صراحة هالمرة وايد تكلفت فوق ماتتخيلون اول شي كانت العملية جدا طويلة وعقبها يوم طلعوني زوجي دخل علي علي باله اني نفس كل مرة باوتعي بسرعة فالله يهديه تم ايقعد فيني فكنت دايخة وعندي ثقل في اطافي فتخرع عليهم وانا عصبت وقلت لهم طلعوه ابي انام خخخخخخ كسر خاطري بعدين
والوالدة مسكينة عقب ماخلصت اتصلت فيها وماكانت اترد ولا اتصلت تسال فخلتيني اخاف وايد ويوم ردت كانت نايمة لاني خلصت الظهر وانصدمت لاني سويت العملية كانت حاسبتها المغرب بيسونها خخخخخخ فيلم اكشن اليوم
بس بصراحة من رجعت مو قادرة انام لاني من انبطح بطني ايالمني ولا قادرة اقعد وتري مازلت مواصلة واحس بثقل شديد في بطني الله يستر


راقية الفكر

انا اردنيه

هلا لونلي اعطاني فولك اسد وفيتامين ب 6 ومنضم للدوره حكالي هدا بريح المبايض واعطى زوجي ادويه فيتامنات ودوا تاني نسيت اسمه وحكالي يمكن نعمل العمليه الشهر الجاي لانه مش منيح نطول بالادويه لانها ممكن تعطينا نتيجه عكسيه بس والله ضروفي متلخبطه زوجي دوامه صعب والاجازات ما فيه عنده واولادي بالمدرسه وما حدا بعرف بالعمليه مش عارف وين احط اولادي الله يفرجها عالجميع


reematalia

انا اردنيه انت عندك لخبطه في الدوره ؟
كيف بال الدكتور لسه باله طويل وبيعطي كل مريض وقتو ؟
انا كنت ادايق كل ما اروح افحص التراساوند البنوته على قد ماهي طيوبه وبتجنن كان تحطلي الجهاز غلط واضل احكيلها بتفوتي غلط :(
ترجع تحكي سوري كنت احس عيب هالعباده انهم مش ممرضات لازم لهيك موضوع ممرضه مو سكرتيره
والله اعلم يمكن البنت ممرضه بس انا ما حسيتها ممرضه


انا اردنيه

هلا ريما الكتور كتير باله طويل والبنت اللي عنده اعتقد ممرضه وكانت مريحه بس ما بعرف حنيت لعياده نجيب ليوس برتاح هناك اكتر مابعرف الله يستر بدي احكيلك ازا صرتي باليوم العاشر افحصي بالبول ببان انا بان معي باليوم العاشر وكنت حامل بتؤام وموفقه وبدي اسالك كمان شو العدد عند جوزك وفيه عند تشوهات سوري على كتر الاسئله غلبتك

نوووووون

السلام عليكم اخواتي
الله يرزقكم ويتمم عليكم ويفرحكم بذريه صالحة يارب ياكريم
حابة اسالكم عن المكملات الغذائية من فيتامينات هل هي مهمة الفيتامينات للزوج والزوجة وﻻﻻ ﻻنة في كل المرات اللي فشلت فيها العملية ماكانو يصرفون مكملات ابغى رايكم الله يرزق ويفرج هم من ساعدتني يارب

انا اردنيه

انا بعمليتي الاولى ما اخذت اي فيتامين بعمليتي الاولى ونجحت وجبت تؤام وهلا بحضر للعمليه التانيه والدكتور وصفلي فولك اسدوفيتامين ب6 ولزوجي فيتامينات

reematalia
بخاف من تحليل البول ماعمري رضيت اجربو خلص بصبر يومين احسن ماعندي قوه قلب بلكي كنت حامل وطلعني الجهاز مش حامل مابدي ابكي :)
انا العدد عند جوزي قليل وعندو تشوهات يعني دايما الدكاتره بحكو عينه جوزك غلبتنا :(
انا اردنيه انت الافضل لجوزك مستشفى الامل مو الاستقلال لانه الامل عندهم تقنيه تكبير الحيوان المنوي وهاي بتزيد شوي من نجاح العمليه لانهم بتهليهم يختارو احسن شي من الحيوانات المنويه
انتي بلشي في الاستخاره وشو ما بتحسي حالك مرتاحه اعملي
على الراحه روحي لعياده الدكتور عارف الخالدي والله ما بكون الك نفس تطلعي منها نظافه رائعه ممرضه عسل الدكتور مو طبيعي شو منيح كتير بطول مع الواحد
غير هيك الدكتور الوحيد الي كان وقت رصد البويضات يقعد يسجل مقاس بويضه بويضه
صراحه هالشي ما شفتو لا عند الخالدي ولا عند عصمت
والجهاز الي عند عارف كتيييير واضح وبيقعد يفرجيكي كل شي ويسجل كم مقاس البطانه
انا هاد الدكتور جدا ارتحتلو

reematalia

عن الادويه انا بحب الواحد يدير بالو عا حالو ويشرب فيتامينات
الفوليك اسيد جدا ضروري ومستحيل يضرنا وهاد لو صار حمل بمنع التشوهات للاجنه
الرجال الي عندهم مشاكل وضعف وتشوهات لازم يشربو لتتحسن العينه شوي
زنك كان جوزي ياخد وفيتامين اي
ونولفدكس وال كرنتين وفي دوا تاني ناسيه اسمو
وكنان يشربو خلطات عسل مع مكسرات

=======

نووون كمان بسمع البنات بحكو عن رويال جيل حبوب كبسولات مويسه لطرفين
وطعمي جوزك جرجير وخس كتير الاكل البحري كتير منيح
وبتعرفي شوربه الفريكه ؟؟؟ كتيير منيحه للرجال

انا اردنيه

ريما انا بعمليتي التانيه بمستشفى الامل حكولي انه عينه جوزك ست الالف ما بنستخدم تكبير الحيوان لانها قليله والدكتور اعطاني منشطات كتيره عكس عمليتي الاولى الناجحه طلعتت 11 بويضه ممتازه والعمليه التانيه طلعت 19 بويضه والمختبر حكالي انه سيئه وتعبت كتير وما بعرف ليش غير اسلوبه بالعلاج مع انه ما كبرت كتير كلها اربع سنوات وطبعا فشلت

reematalia

انا اردنيه مستهينه انت ب ٤ سنين ؟؟؟
كل سنه منكبر فيها احنا انتاجنا بتغير ونفس الشي جوازنا
الحاله النفسيه عند الرجال جدا مهمه
جوزي علق تعليق انه بمستشفى الامل فوتوه غرفه ليعطي العينه
الاستقلال فوتوه حمام
والله مساكين الرجال اعطاء العينه مو سهل الهم
انا اردنيه كل يوم شربي جوزك شوربه فريكه وفلفلي فريكه
واسلقي قمح كلي انت وياه
وخليه يشرب الفيتامينات الي حكا عنها الدكتور عصمت
وانتي اهم شي اشربي فوليك اسيد ٥ مل جرام
كم عمرك انت ؟؟؟

انا اردنيه

ريماتاليا حيرتيني بعد مارسيت على الدكتور عصمت بس انا بحكي شو ورانا نلف على كل دكاتره الاردن يابنات عن جد انصحوني وين اعملها عند نجيب ولا عصمت علما اني برتاح لنجيب بس خايفه من كتر المنشطات

بنات انا حللت ومافي حمل 
اصلا كنت عارفه من قبل ما احلل من الحلم الي حلمتو 
الحمد لله رب العالمين