تجـمع للحوامل الرابطات (ربط عنق الرحم) الثلاثون

ايوه عملية الربط عندي طاريء وخاااايفه يحرض الولاده وانا ماشيه في الاسبوع 24 في السادس

قاللي الدكتور المفروض يكون عنق الرحم من 2.5 _3.5 سم وانا طلع 2.4 سم وفيه فتح شوي في عنق الرحم وخايف مع ضغط الجنين يكون في ولاده
طمنوني في احد ربط في الشهر السادس ؟؟؟
:icon33::icon33::icon33::icon33:

مساء الخير عزيزاتي

حيّالله الرابطات الجدد ( بدون تحديد أسماء ) بينا :) بيتكم ومطرحكم :)

الدلوعه ( أظن اسمك كذا ) :
انا في عيالي التوأم ربطت متأخر على 22 اسبوع او 23 مب ذاكره بالضبط وكان نفس حالتك ربط طارئ لكن الحمدلله استمر حملي وولدت في الاسبوع 34

زوجة الوافي :
قلتلك التحاميل افضل ماصدقتيني :) .. خذيها مرتين ياعمري كل 12 ساعه مره ما تسوي شي .. وبالنسبة للكريم توكلي على الله وقولي بسم الله الذي لا يضر مع اسمه شي في الأرض ولا في السماء واستعمليه :)

هنوده :
انا اذكر بعد عيالي تخربطت الدوره عندي بعد ماكمّلوا السنه وتبهدلت وكانت تجيني مرتين في الشهر :( ورحت للدكتور وقال هذي خربطة هرمونات وعطاني كورس حبوب والحمدلله انتظمت عقبها ..

اخباري :
كان عندي موعد سكر ( خلاها كل أسبوعين :( ) وكالعادة زاد الجرعات لان تحليل مخزون الكبد طلع مرتفع شوي عشان كذا تخربط السكر هالشهر :(
لكن صار شي بغيت أموت من الخرعه .. الممرضه قالت تعالي باسمع النبض وتدور وتدور ومافيه صوت !!! ويسألوني مته حسيتي بحركة البيبي قتلهم قبل لا ادخل وأنا في الانتظار .. وهم يدورون وأنا ميته خوف .. نادوا دكتوره تشوف وابد ...قالوا خلاص خذي تحويل طارئ للتلفزيون يشوفون شالسالفه :( انا هنيه بغى يغمى علي من شدة الخوف وفجأة حسيت لحركه قتلها اكوه تحرك وحطت الجهاز وبالزور سمعنا النبض:)
قالت هو نازل كثير عشان كذا صعب نسمعه .. ورجعت بيتي مزاجي زفت ومعصبه حدّي وحطيت الحرّه في ولدي الكبير .. هو ماشاء الله عليه عفريت ومشاغب ومايسمع الكلام كلش .. عجزت معاه عشان يطيع لكن أبدا تكلمين الطوفان !!! وأنا مابغي اضربه حبيبي عمره 11 سنه :( وما عندي غير الصراخ .. أبوه سمعني آصارخ نزل ويقول انتي بتولدين من شدة الصراخ :( وخذه عني فوق .. والحين أحس نفسي متضايقه لاني صرخت عليه لكنه الله يهداه بيذبحني من الشطانه والإهمال .. صارله اسبوع ماجاب دفتر الواجبات من المدرسه ومدرسته بريطانيه وصارمه جداً وهو الله بالخير باااارد .. أقوله بيخلونك تعيد السنه وهو ولا همّه :(
يارب أولد عشان ارتاح من الخوف والقلق والمحاتاه والعصبية الزايده

لاتخافي اختي

سبق ومر علي من بنات التجمع حالتين

ربطو متاخر وحده منهم بالسادس تم حملهم

على خير .. اهم شي ارتاحي راحه تامة

ومع المثبتات ان شاءالله تعدين مرحلة الخطر

وتدخلين السابع مو باقي شي كثير عليه

بعدين التاسع الله يسهل عليك ويتمم لك

على خير ..

كيفكم فيونكات

سلامتك مجبوس الله يحفظك وايى النونو

وعليكم السلام والرحمه..

هلا فيك اختي كنت اتمنى افيدك

ام لجين ماقصرت بما انه من المدينة

العملية سهله ومافيها صعوبه

اي دكتور يسويها ياحلو مستشفى

الولاده الحكومي مافيه احرص منهم

على المريضه استخيري والله يكتبلك

الي فيه الخير.. اهم شي بعد العملية ارتاحي

راحه تامة عدو الربط الالتهابات والجماع

لانه تقلصات .