حساسية الطعام يابنات المدينه والكل الله يحب اللي تفيدني

كيفكم حبايبي بدخل في الموضوع على طول..
انا صابني انتفاخ في شفايفي وخدودي لدرجة ان عيني مي باينه وفيه كمان حولين الانف كانه طبقه لوانظفها ترجع في دقيقه المهم بعد مراجعات قالت لي الدكتوره يمكن حساسية من نوع من الاكل وسارت كل فترة تمنعني من اكل وتشوف انا ماحسيت تغير ومالقيت تحليل اللي تحت الجلد اللي يختبر الحساسيه تبع الطعام تقول يمكن في جده .....معقوله المدينه مافيها اللي تعرف تدلني ..وكمان اللي مرت بنفس الاعراض والله لادعيلها ربي يجمعنا في رحمته والله اني في كرب مايعلم به الا الله واسال الله ان يشفيني واياكم

14 تعليق 5,154 مشاهدة

شاركي في النقاش

سجلي الدخول لإضافة تعليق.

التعليقات

14
  1. @am_alhlo_12

    مافي بالمدينة فيه بجدة اعتقد بمستشفى فقيه اتصلي عليهم تأكدي
    احيانا بتصير الحساسية اللي بتقولي عليها من لمس الاكل انا اختي اذا مسكت بعض انواع الفواكه بتتحسس وبينتفخ وجهها وهي ماتاكلها بس تغسلها اخر مرة صارت معاها حساسية من تغسيل الخوخ
    لازم يكون عندك حبوب حساسية اول ماتحسي ببدايتها تاخذي الحبوب مباشرة
    واحيانا اكل تكوني ماتتحسسي منه تصيري تتحسسي طول عمري اكل حلاوة طحينية وماتضرني وبعدين صرت اتحسس منها ونفس الشيء اختي كانت تاكل الخوخ وماتحسس منه الان مجرد اللمس بتتحسس
    اسأل الله العظيم رب العرش العظيم ان يشيفكي
  2. @doomh

    صاحبة الموضوع
    ام الحلو الله يسعدك انا ماعرفت اش اللي يحسسني لي اكثر من سنه الله يفرج علي وعليك ويشفيك واختك ماقصرتي الله يوفقك يارب
  3. @mrdy_asrny

    شوفي عندك مختبر زين يسوها لك اسئليهم

    او خلي دكتورة تكتب لك هالتحليل وانت سويه عندهم

    بعدين ابتعدي عن اي شئ يسبب لك الحساسيه

    انا اتحسس من الحلبه وجهي يتنفخ وعيوني تتورم وامرض

    لكن ابتعد عنها
  4. @doomh

    صاحبة الموضوع
    ربي يسعدك اختي طيب شفايفك ماتنتفخ هذا اكثر شي مقلقني والله كاني مسويه تنفيخ الله يجيرنا 
  5. @doomh

    صاحبة الموضوع
    مختبر زين وين مكانه وانتي سويتيه عندهم ربي يوفقك في الدنيا والاخرة

تابعي تجارب أخرى من هذا القسم.