وربي عايشه في هم

أسأل الله أن يفرج همك

اسأل الله أن يفرج همك ..

أختي زوجك عنده ضغوط وبدون وظيفه وبدل مايواجه هالمشكله ويكون قوي يبحث عن عمل يروح يكد عالسياره يحمل مشاوير يوصل طلبيات يدور له أي عمله تدخل لكم لقمة لليوم استسلم لعطالته ويحاول يضيع فضاوته بمشاهدة الأفلام الاباحيه والصور
الله يهديه ويهدي شباب المسلمين ..

اجلسي معه وتكلمي بهدوء ولا تشدين بالكلام فهميه قولي احنا ماعندنا مصروف وانت ماتشتغل وربي ماراح يوفقك وانت جالس تزني مشاهدة الأفلام الاباحيه زنا تووووب لله واستقيم وبيفرجها الله علينا

ذكريه بولده قولي تراه أمانه في عنقك لازم تأمن له لقمة العيش


وانتي بما انك تدرسين بالجامعه الله يوفقك ويسهل عليك اشتغلي
اشتركي مندوبه لأي شركه تجميل وروجي لبضاعتهم عندك بالجامعه
الشغل مو عيب وانا اختك عادي وانتي جالسه بين صاحباتك قولي شوفوا
هالعطر هالروج ومن صاحبه لصاحبه وباذن الله تمشي البضاعه
كمان فيه تاجرات عندهم اكسسوارات وشغلات ثانيه حاولي تكلمينهم تعرضين عليها انك تعرضين بضاعتها
واذا ماودك احد يدري انها لك قولي جارتي أو قولي صديقة اختي
مع إني افضل انك تقولين انك المندوبه واجههي المجتمع وماعليك من أحد
هالشي بالحلال وكل الناس تشتغل

وبالنسبه لزوجك كل شوي وذكريه قولي الله مايغير مابقوم حتى يغيروا ما بأنفسهم
كيف بيتغير حالنا للأفضل وانت هذا حالك عالافلام !!!

الله يصلح حالكم ويفرج همكم ويرزقكم من أوسع أبوابه ويحفظ ولدك من كل مكروه
ادعي ادعية الرزق وتصدقي لو بتمره سبحان الله الصدقه تفتح باب الرزق
لا املك لك اختي الا الدعاء الله ينور حياتكم بالهدايه وصلاح الحال

شيئ جميل ورائع إنك اختصرتي المشكلة كلها وقلتي انو ماعنده وظيفة

يا حبيبتي ياقلبي الحل إذن الوظيفه ،،، والفراغ هو اللي قتل زوجك وخلاه يقع في إدمان الأفلام الإباحية ..

عمومآ تتسهل من عند ربنا وادعي له وحاولي هو اللي يتوظف بالأول وصدقيني مع الشغل والكرف والتعب ماراح يلاقي أصلن وقت للأمور التافهه هذي ..


مشكلته في الفراغ فحاولي يتوظف حتى لو بأجر قليل لين ماتسلك أموركم والله يحقق أمانيك ويرزقكم الرزق الحلال ،، وبالنسبة لوضعك واحتياجك المادي ماقصرت ( ريح الياسمين ) في طرح أفكار لتعديل وضعك وشوي شوي لين ربك يفرجها .

وإذا احتجتي اي استشارة راسليني لعلنا نلاقي حل باذن الله ،،


أختك / أخصائية اجتماعية متدربه ..

ي حلوة اذا كان يتفرج من لآب توب , حطي روابط المحاضرات اللي تنهى عن هالشئ
ونوعيها مرة طبي ومرة ديني ونفسي وهكذا .. حطيها بالمفضلة وتاكدي بيشوفها ..

اذا بجوال فيه الواتس آب وارسليها له .. بدون نقاش ..

ابد مو عذره ان ماعنده وظيفه بالعكس المفروض يحاول بس حالتنا غريبه وربي اني اتمنى يصير مشكله عشان اتطلق وارتاح 
واذا علي انا اشتغلت مندوبه بس ما توفقت والله العظيم والله العظيم ما اذكر في يوم حسيت اني مرتاحه وفرحه وماني شايله هم شي الا يجي سبب لو تاااافه  وينكد علي فرحتي وربي احياناا يكون ما في سببب بس مجرد مااشوفه ماابي اكلمه ولا هو يكلمني 
وفوق هذا كله يحسسني اني مسويه شي غلط في حياتي اذا شاف رقم في جوالي يجلس يسأل ويستفسر ويراقب جوالي كنت اتوقع انه شي عادي الزوج يراقب جوال زوجته ويصير حريص عليها وكنت اسكت له وابرر له لمين وليه اتصلت بس كنت غبيه غبيه تعود ع هالشي وحسسني اني خاينه بس اكتشفت اني صاير هالشي في عايلتهم من زمان ماكنت ادري عنه فمتوقع ان كل الحريم كذا عشان كذا انا نفسي طابت منه اهم شي اني واثقه من نفسي واهتم بصلاتي واصوم الخميس والاثنين قد ما اقدر واقراء قران  
اول كنت اتهاوش معاه اذا غلط وكان دايم يهددني انه بياخذ ولدي وانه بيقول لواحد من اخواني انه مايقدر يستامني ع الولد ولا يبيني اربه بس كنت اقول له ماهمني ايش بتقول ولا تسوي وكانت دايم اتشاد معاه في الكلام بس الحين خليت حياتي لعبادتي وولدي واحاول ماياثر فيني ولا شي من سنه تقريبا مافي مشادات لاني حطيت في بالي انو اذا ما ضبط الوضع بروح لهلي بكل هدوء انا ماصبرت الا عشان ولدي انا مقدره ان الي قاعد يسويه وحرصه من المشكله الي صايره له وهو صغير  ومطنشه هالموضوع لاني واثقه من نفسي
بس هم الوظيفه يمكن بعدها يضبط وضعنا ولا كل واحد يروح بطريقه
والحين يطلب مني انه يفتح بأسمي مؤوسسه بس انا رافضه لاني اعرفه مايعرف يتصرف ولا راح تضبط معه بس الله يفرجها