أريد اقتراحات بخصوص بنت أخوي

السلام عليكم ورحمة الله وبركاته،،،
انا سبق وحكيت قصة بنت اخوي يتيمة الأم وأحنا مربينها وأبوها متزوج ولديه أطفال.
وحكيت قد ايش يفرق بينهم بالتعامل واليوم أبي منكم حل مساعده اقتراح بخصوص هذي الطفلة اقسم بالله همي أرفعها وأخليها مو بس مثل أطفاله الا أعلى بعد
يا أخواتي البنت تدرس تحفيظ ولها مكافأة من الدولة وهذي السنه الثانية ما أخذت ريال منها مع العلم رفع أبوها يده عنها من المصروف نهائي كل اللي يصرفه عليها لبس لعيد الأضحى ولبس لعيد رمضان وشنطه ومريول وكم دفتر فقط،،،الفلوس تنزل بحساب أبوها ولا نعرف عنها شئ الا من الناس ،،اقسم بالله أننا لا نطمع بريال واحد لكن حق البنت،،،ليه يستهينوا فيه،،،طبعا اللي تصرف عليها امي وأختي الموظفة ومو محتاجينه لكن حقها لو أمها عايشه أخذت منه،،،لو أبوها رجل عادل أخذت منه،،،ليش يأخذه ويصرفه بالدس ،،، أبي يكون حقها محفوظ ،،علموني كيف ارجع حقها،،،كيف يحسبوا لها حساب،،،امي طبعا إنسانه مسااااالمه لأبعد حد بالعكس تهاوشني لما أتكلم عن حقها،،،أنا خايفه على مستقبلها بجد بين ناس تهضم الحق وناس تذبحهم الغيرة،،،
أعطوني حلول لأني بجد ودي أسعى وأخليها مثل أطفالهم كان أمها موجوده،،،،

30 تعليق 3,692 مشاهدة

شاركي في النقاش

سجلي الدخول لإضافة تعليق.

التعليقات

29
  1. @hrof_alkhgl

    الله يسعدك ويوفقك الحمد لله فية ناس يخاف على هذي اليتيمة من بعد أمها هي أمان مع عماتها وجدتها الله يجزاهم خير ويكتب لهم الأجر ومافيه مانع أنكم تنصحون أبوها أنه يحن عليها ولا يحسسها بالنقص أحيانا الرجال هو كذا طبع ماعنده حنيه نبهوه على هذا الشي وجزاك الله خير
  2. @lolyta_99

    اذا زوجة أبوها طيبه وتخاف الله كلميها وذكريها ان هذي يتيمه خليها تكلم الأب .. وبالنسبه للبنت تكفين حطيها في عيونك لاتضيع هذي أمانه والله اذكر موضوعك الاول تقطع قلبي بكي عليها حرام .. الله يهدي الأب ويصلحه ويخلي للبنت عماتها ويوفقهم وين ما راحو الله الله باليتيمه ترى كافل اليتيم بالجنه 
  3. @alshtaaa3

    يالله بجد تحزن أسأل الله يهدي ابوها ويسخره لها ويحنن قلبو عليها
    كلموه بالحسنى وذكروه انه محاسب أمام الله بتقصير وبأخذ حقوقها
    وتفرقته بينها وبين أخوانها وقولوله يحتويها ويهتم فيها مايكفي فقدانها لامها الله المستعان





    سبحان الله العظيم وبحمده

تابعي تجارب أخرى من هذا القسم.