تجـمع للحوامل الرابطات (ربط عنق الرحم) الثلاثون

السلام عليكم 
زوجة الوافي انا يوم نزلت معايه افرازات بنيه خلتني الدكتوره اخذ الدوفاستون 3مرات بالليوم والتحاميل 2بالليوم ويوم سألتها عن الابر المثبته قالت لي التحاميل افضل 
ادعوا لي اليوم رحت مستشفى الولاده وحددوا ليه عمليه الربط بعد أسبوعين الله ييسر لي ولكم الحال ويقر أعيننا بأطفالنا 

السلام عليكم 
من فتره احس باعراض التهاب ورحت لدكتوره بسوي مسحه قالت ماله داعي انا حكتب لك تحاميل وغسول 
استخدمت التحميله الي هي جينو دكتارين تجي حبه وحده والغسول ومن بعدها حسيت الافرازات زادت ومو مرتاحه لوضعي ابداا
انا اول برضو حسيت باعراض التهاب وكتبت لي دكتوره ثانيه تحاميل 5 حبات واحس انها كويسه ونفعت ع الاقل قطعت الافرازات اسبوعين 
اما هذي الحبه مانفعتني بالعكس صرت اسوأ
الحين بشتري الدلاسين بس انا مافهمت هو كريم ولاتحاميل 
وعادي اتشطف بالمر لانه يعتبر مضاد حيوي ؟

مجبوس لحم
الله ييسر لك مابقي شي ع الولاده انا اتابعك من اول واحب سواليفك 

دودي العز :
للحين ماولدت .. ودي أولد اليوم قبل باچر خلاص تعبت :(
وأنا من نص السابع وهما يقولون لي انتي بتولدي مبكر .. مستحيل توصلي التاسع .. زين منك اذا خذتي أسبوعين من الثامن ومن هالكلام اللي يغث ... لكنه سبحانه اخلف ظنونهم لانه بيده كل شي .. تدرين أني بادخل التاسع يوم العيد :)
سبحان الله من مته وهما يخوفوني بالولاده المبكره وهذاني للآن ماولدت .. كل مارحت موعد يقولون للحين ما ولدتي !!!!! مايعرفون أن مافي شي صعب على الله
وبالنسبة للسادس تراه يجيب الويعه وملل وطويل الله يعينج عليه في السابع ليرتفع البيبي وبتخف الأعراض اللي تحسي فيها

منصوريه :
صحيح الخوف من البكتيريا لكن مش معناه أن الفطريات ما تضر بالعكس اذا مأتم علاجها تسبب انفجار الكيس مال الجنين ...
تحاميل الدلاسين انا دكتوري يقول أنها افضل علاج للرابطه وأنا بصراحه ما جربتها تحاميل خذتها حبوب وتعبت المعده  عندي ... أما تحاميل الكانستين قصتي قصه معاها اكرهها مووووت

متكشخه :
ياقلبي عليج فديتج :) الله يهون عليج ويرزقج اللي تتمنين

عيون الليله :
الله ييسر لك العمليه ياقلبي ويهون عليج

اخباري :
لا جديد... محلك سر .. ابي أولد بأي طريقه أحس ماعاد فيني صبر ... الصبح خذت كردش ومردش ورحنا مجمع فيلاجيو امشي شوي :) 
وخذت لزوجي هديه للعيد ( بوك غوتشي ) لان لقيت المحل في وجهي .. دخلت بولغاري باخذ له قلم وزرار ( كبك ) فشلوني كردش ومردش :(
يركضون وينقزون على الكراسي وهذا محل راقي وحاشميني لأنهم يبوني اشتري لكني طلعت بسرعه يوم فشلوني أحس مالي وجه .. وبعدها جلسنا في كوفي شوب ( لادوريه ) بصراحه عاااادي بس فشخره على الفاضي وحراميه درجه أولى اجل خبرتوا حبّة المكرون بعشر ريال !!! يعني لو باخذ 10 حبات ادفع 100 !!! وفي لندن وفرنسا طاح حظّه أسعاره مب كذا !! انا دخلته هناك كذا مره هو سمعه بس .. يا ناس شوفو أننا دخلناه !!
طلبت كرواسون ساده واليهال خذت لهم كرواسون شوكلت وآلخدامه طلبت كابتشينو .. خاطري فيه بس ماقدر اشربه عشان معدتي :( بس اشمّه :)
وبعدها خذنا لفّه على كذا محل وحسيت بتعب ورجعنا بيتنا .. اول ما قربنا وعند الجمعيه إلا الخدامه تقول نبي صابون ملابس لكم والعيال وكمفورت وتوست :(
يعني يالعلّه كنا في المجمع وداخله كارفور كان نطقتي هناك :( لازم أمر كذا مكان !!

دودي :
اعتقد انك سألتيني مته إفك الربط ؟؟
انا افكه ياقلبي مع القيصريه :) لأنهم قرروها لي من بعد الولاده المبكره لان عندي السكر والضغط عندي يهبط بسررررعه وادخل في غيبوبه قالوا يبه ليش المشاكل نسدحك وقيصرية أريح لك ولنا :(
وأنا ميته خووووووووووف كل ما تذكرها وأني باجربها مره ثانيه هئ هئ هئ :(