بنااات تعالو واسوني في بنت اخويه وشوفو سبب الاجهاض وانفجار الجنين واحذروه

سلام عليكم ورحمة الله وبركاته

مالقيت احسن من هذا القسم اكتب فيه موضوعي رغم اني كنت بكتبه في المجلس العام بس انتو الحوامل مهم تشوفوا الموضوع

انا مصدومه من الي حصل لبنت اخويه هذا تاني حمل لها وفي الشهر السابع فجاة ومن غير مقدمات حست بالم حاد جدا

لدرجة فقدت وعيها من قوة الالم وجلست تنزف شالها زوجها على مستشفى فقيه وسوو فحوصات وهي لسا مافاقت وبالاشعه اتبين ان الجنين

انفجر اتقطع نسال الله العفو والعافيه وهذا الي سببلها الالم الحاد ودخلوها غرفة العمليات بس زوجها واخويه بالبدايه مارضيو لانهم كانو خايفين مرة وطلبو

من الطبيب التاكد من كل شي قبل العمليه

طبعا قبل العمليه اتضح كل شي جاالطبيب وقال عن السبب



وهوارتفاع مفاجيء للضغط

هو سبب انفجار الجنين انا انصدمت لان البنت موكبيره مره عشان يجيها الضغط عمرها 25 والي يشوفها يقول اقل بكثير لكن الطبيب قال موشرط في الحمل مايجي ضغط عشان العمر

ولما سالناه عن سبب الارتفاع قال لسا الموضوع موواضح وسالنا زوجها قال ابدا ماكانت زعلانه وجلس اخويه يضاربه وبالاخير اقتنع انها ماكانت زعلانه

لكن الطبيب قال ياجماعة ممكن يكون هذي الايام اكلها مالح جدا

والله يابنات شيء مفجع لما الجنين ينفجر ويتقطع

المهم الله يرضى عليكم دعواتكم لها لانها سوت العمليه ولسا حالتها مو مستقرة بالرغم ان ابوها مارضي بسهوله على العمليه لان خايف من المستشفيات الخاص وكان نفسه يوديه حكومي لكن الطبيب قال مااقدر ااخرها ووقع زوجها ونجحت العمليه بس ماكانت من تحت كانت من فوق فتح بطن مره انقهرنا لونظفولها من تحت لان الجنين اصلن اتقطع

وطلع ولد الله يجعله شفيع لهم

الام حالتها سيئة جدا ماتوقعت يحصلها كدا طبعا فاقت قبل العمليه بساعه وجلست بس تبكي ومنهارة وتتالم وحالتها صعبة

انا مارحت رغم اني قريبه بس ماتحملت اروح وامي الله يحفظها حكتني عن الجنين شافته شي مرعب وطبعا ماخلوها تشوفه ولا حتى زوجها

انا رحت تاني يوم وكانت برضو تعبانه وقلبي اتقطع عليها حسيتها مفجوعه وماتتكلم جلسنا نقرا عليها شويه حسيتها تحسنت وبدت تفضفض

وسالناها اذا كانت تاكل موالح كتيره مااكدت قالت اكلي عادي بس قبل المغص كان عندي صداع شديد من اربع ساعات تقريبا واخذت بندول وما راح الالم والطبيب ماقال شي ماعرفو السبب

معليش دوشتكم باللي حصل اوصيكم تستودعوا الله اجنتكم واي اعراض صداع تستمر لاكثر من ساعتين حاولو تروحو تقيسوا الضغط

وحابة من قلبي اشكر عضوة هنا بالتجمع قابلتني وزارت بنت اخويه وشرفتني وكنت اول مره اشوفها بس من قبل كنا متواصلين عن طريق المنتدى

واقلها الله يجزاك خير ياحلوة انك جيتي وان شاء الله المرة اجاية ازورك انا في ظروف احسن ويارب يتمم لنا على خير

لاتنسوا دعواتكم ولكم بالمثل

88 تعليق 10,924 مشاهدة

شاركي في النقاش

سجلي الدخول لإضافة تعليق.

التعليقات

88
  1. @shmoaa_tbky

    الله يعوضها بأحسن واخير منه
    اهم شي سلامتها هي لو صار لها شي ماتنتعوض 
    والحمدلله على سلامتها وماتشوووف شرر
  2. @shms_mol_1

    لا حول ولا قوة الا بالله
    قدر الله وماشاء فعل 
    ربنا يصبرها ويعوضها خير 
    وربنا يحفظ احبابنا 
    ومشكورة للتنبيه

تابعي تجارب أخرى من هذا القسم.