شاركي في النقاش

سجلي الدخول لإضافة تعليق.

التعليقات

78
  1. اها راح بالي بعيد هههههههه
    اثاريه الذبايح
    محسوبتك عادي عندها تعين وتعاون انا اللي اقابل ابوي على الذبيحة يوم كان يذبحها في البيت
    والا حتى تماشينا احب اساعد واقطع اللحم
    بس لحظة الذبح ما احب اشوفها ولايخليني ابوي اشوف

    الظاهر وردة بتورينا شغلنا قلبنا موضوعها لعب وذكريات
  2. @um_joud

    الله يا وردة ذكرتيني بريحة عيد الاضحى
    خليني اذكركم كيف كان اكيد اغلب اهل مكة يعيدو بنفس الطريقة
    اتذكر لما كنا صغار
    كانت امي الله يخليها لنا تشتري لنا بجايم ولبس بيت مخصوص لعيد الاضحى والعاب العيد
    لانه مافي تجمع عائلي لانه ثلاث. ارباع رجال مكة مشغولين بالحج
    وجمعتنا قبل الحج على المعمول والغريبة
    بعدها فقط توزيع صحون معمول ولحمة
    وايام التشريق والدي الله يغفر له ويرحمه ياخدنا لفة على مزدلفة نتفرج على الحجاج ونشتري من بسطاتهم
    ومرات نزور اهالينا الي حجو في خيامهم ونسهر معهم ونعمل جوجو
    الي هو اطفال يتجمعو تحت شرشف كبيرررر.
    ونرمي عليهم شي اسمه نقل الحج مكون من فستق ولوز وعين الجمل وحلاويات وحلاوة قاسية مدري نسيت اسمها
    ونغني لهم اغنيه خاصة
    الان مافي مجال للتجمع او الطلعات اغلب الشعب يهج لدبي وخلافه
    و اللي عندهم سواق لازم يطلعو قبل المشوار ب٣ ساعات عشان الزحمة
    والشوارع المقفلة
    بس الى الان امي على نفس عادتها
    يستعدو للاضحية صباح العيد وتلبس جلابيه خفيفة ناعمة وتلبس حريم عيالها وعيال عيالها ملابس جديدة
    ولازم تشتري العاب مع انها عارفة انه معد تملى العين العرايس والمسدسات بس برضو تحب تشتريها للعيال
    برجع للماضي....
    تتذكرو ايام كان الخروج لجدة والهدا بتصريح؟!
    وكنا نتفشخر ونفرح اذا ابونا جاب التصريح يابساطة ايامنا وفرحتنا
    مدري الى الان هذا النظام ولا فكو الحصار
    معليش انا ذاكرتي من العصر الحجري
    بس كانت ايام حلوة ولها طعم وريحة
    وكنا نشتري العابنا من بسطة الحجاج والحريم الكبار خالتي وامي وحريم خيلاني كمان يلمو اكسسوارات وكراكيب من الحجاج
    خاصة بعد ما جات فترة فتحو الحجاج الروس بسطاتهم ياسلاااام تجنن ديك الايام لها طعم رغم بساطة اشيائهم كاننا سافرنا وبنشتري سوفينرات وللان امي محتفظة بالتحف والصحون والمفارش حقتهم
    الان تروحي تقشي العاب من مهجة ولا يابلاش ولا المستهلك
    وتدخلي وتطلعي وشايلة نص البضاعه ولاتحسي بطعم العيد

    عاد الله يخلف على المغتربات
    لا عيد ولا سعيد ولا حتى ريحة معمول
    بس لازم اشتري لعيالي العاب لو بسيطة و اسميها العاب العيد
    عشان مايفقدو الاحساس بهذا اليوم
    وتسلمي لي ع الموضوع رجعني لايام حلوة
  3. @skon_allyl_54

    عيدنا يمكن 3 اعياد او اكثر ماشاء الله بمكة
    فعلا هم ماعندهم عيد ينامون صباح العيد واحنا جاينهم ومانعرف شي >>امي تعرف بس احنا لا هههههه لانها كانت عايشة بمكة ^_^
    المهم قلنا لهم لا حبايبي مافي احنا جاين ومقضين للعيد يعني لازم نعيد
    والله اتحمسوا ماشاء الله عليهم وقالوا اول مرررة نعيد ومررة انبسطو بالعيد ماشاء الله
    من هذاك العيد سارو يعيدون ماشاء الله >>عجبهم الوضع
    كل سنه يستنونا نجيهم عشان نعيد معاهم

تابعي تجارب أخرى من هذا القسم.