شاركي في النقاش

سجلي الدخول لإضافة تعليق.

التعليقات

1,999
  1. اصبحنا واصبح الملك لله رب العالمين ..


    بنات امس جاني مغص غريب بعده دخلت الحمام وانتو بكرامه تبرزت ونزلت معي افرازات لزجه وثقييله صفراء وبعدها رحت امشي لكن ماقدرت اطول يجيني طلق ويتحجر بطني وكنت ناويه اطول لعل وعسى ينزل الراس بالحوض ربي كريم ولمن رجعت برضه رجع نزلت افرازات ثقيله مرره اعذروني الله يكرمك سحبتها سحب طبعا وماتنزل الا اذا دخلت الحمام ، واتحممت خف الالم و ريحت شوي وتو لمن قمت اتوضى واصلي برضه فيه هالافرازات :(
    وش السالفه هذي الي تقولون عنها السداده ؟؟!
    طبعا قلت مادام مافيه طلق منتظم وكونه يطول ماني رايحه المستشفى ..
  2. @judy2010

    يوم الاثنين كان عندي موعد طلق صناعي وما نمت طول الليل افكر وخايفه..
    الفجر الساعه ٣ جيت بكلم المستشفى ااكد الموعد وقلت لزوجي ماودي وخايفه ولسه باقي على موعدي ٣ ايام ،، قالي لا روحي وخلينا نخلص لان رحلته كانت بالليل ويبي يرتاح قبل لا يسافر..
    كلمت المستشفى وقالوا لي تعالي الساعه ٤ الفجر .. رحت ولقيتهم مجهزين لي الغرفه وملابسي.. ولوحه كبيره عليها اسمي واسم زوجي وتاريخ الولاده وكاتبين ولكم بيبي عزيز .. يوم شفت اللوحه جلست اصيح وتحمست اشوف اولد ههه ..
    كان معي زوجي وبناتي .. بنتي الكبيره مسكينه يوم شافت الغرفه انصدمت وعرفت اني بولد اليوم مع اني قلت لها انه موعد بس نشيك على البيبي..
    طلعوا زوجي واطفالي للاستراحه وجت الممرضه تكشف علي وقالت لي ٢ ونص سم وركبت لي المغذي والطلق الصناعي وكانت تقريبا الساعه ٤ وربع وبديت احس بالمغص على طول الحمدالله وقلت لها ابغى ابره ظهر وانا ماودي اخذها خصوصا اني ما اخذتها من قبل،، قالت خلاص متى ماابغيتي قولي لي .. قلت خليني اجرب نفسي اذا اقدر اتحمل شوي.. وجت الدكتوره الساعه ٥ وفتحت مويه البيبي وطول ماهي تحاول تفتح وهي تتاسف مني ...خلال هذا الوقت زوجي وصل اطفالي للمدارس ورجع جلس عندي.. بعد نص ساعه ونزلت المويه وبدا الالم يجي كل دقيقتين ومرررره متعب قلت لها ابغى الابره وجا الدكتور وشرح لي اياها وقلت له ايش اضرارها قالي مافيه الا قليل جدا ممكن يجيهم صداع بعد البنج والسبب انه مكان الابره يكون غير عن المكان المفروض وهذا نقوله لك قبل لا نضرب الابره .. والحمدالله اخذت الابره وارتحت مررره بس تبنجوا رجليني مااقدر احركهم .. وكشف علي بعد٣ ساعات قالت ٤ ونص سم وتضايقت توقعت اكثر بس الحمدالله ورجع المغص يزيد مره وقلت لها نادت دكتور التخدير واستغرب وزاد لي الجرعه والحمدالله راح الالم .. سالتها متى تتوقعين اولد قالت على ٢ الظهر او ٤ .. قلت لها مره كثير تقريبا ١٠ الى ١٢ ساعه .. النيرسات يجننون كل شي يشيكون علي والنفسيات تجنن ماشاالله .. جت الساعه ١١ ورجع المغص يتعبني مره واصارخ مع نفسي وقلت للنيرس قالت اذا تبين نزيد الجرعه بس اخاف ماتقدرين تدفعين .. قلت لا خلاص اتحمل ماودي اتعب بالدفع والخياطه .. الالم يزيييد مره على الساعه ١١ ونص خلاص لا يحتمل .. سالتها قلت كيف اعرف اذا البيبي بيطلع قالت كانك بتروحين الحمام .. وانا مااحس بهذا الشعور .. جت الساعه ١٢ وخلاص ماصرت اقدر اتحمل قلت لها افحصيني اذا لسه باقي كثير خليهم يجون يزيدون الجرعه ..فحصتني واشوفها ارتبكت وتنادي وحده ثانيه وجت فحصتني قالت خلاص ولااااده البيبي تحت لا تدفعين.. وتكلم دكتورتي ونستناها ٥ دقايق ماجت وكل شوي يكلمونها وهي تقول جالسه اركض شوي بس... وجت مسكينه تلهث وتغير لبسها وتلبس لبس العمليات،، وهم يقولون لي نشوف الراس نشوف الشعر الموووست ذييير يالله بووووش وانا مااحس برجليني وهم رافغينها لي وعلموني كيف ادفع وجلست نص ساعه والحمدللله سمعت صياحه ويصارخوون بيبي بووووي بيبي عزييز از هيير وانا اجلس اصيح .. اللهم لك الحمدوالشكر حبيته من اول ماشفته ولفوه وحطوه على حضني حبيب قلبي وزوجي على طول سجد سجود الشكر واخذه واذن باذنه .. وكلم امي وجلست تصيح وتفاجات لان كنت مخليه زوجي يكلمها بالواتس اب على اساس انه انا حتى مااتحس اني اولد .. وهو كلم ابوه واحسه شوي ويصيح والكل فرحان فيه الحمدالله .. اللهم أنبته نباتاً حسناً، واجعله قرة عين لوالديه واحفظه، وبارك لنا فيه واجعله من أهل الصلاح والتقوى..

تابعي تجارب أخرى من هذا القسم.