مرحبا حبايبي
اشكر لكم تفاعلكم مع قصتي ..
انا ما كتبت القصه حتى اقارن المستشفى مع نظام مستشفايتنا .. انا مع مجد الدلع كل شي بحسابه وولادتهم مره غاليه .. ولو ما التامين الي كان من الدوله كان ما قدرت اولد عندهم .. انا جربت 3 ولادات في 3 دول
الاولى في السعوديه وكان مستشفى خاص والحمدالله كانت التعامل جدا ممتاز والممرضات جدا حنونات واقلها ياخذوا البيبي في الحضانه حتى ترتاحي بعد الولاده ..
الثانيه في كندا ونظام المقاطعه الي انا فيها ماعندهم غير مستشفيات حكوميه مع ان التامين حقي فيه مميزات كثيره بس مااستفدت منها .. كانت ولاده متعبه كثييييير وتعاملهم جدا سئ .. اقولها تعبانه ابغى ابره الظهر تقولي اول ادفعي ولازم كاش .. احنا في ولاده وماجايبين معنا فلوس معنا بطاقات السحب ولا وافقت .. تقولي خلي زوجك يسحب فلوس ويجي .. وانا رحت لهم مواصله وتعبانه ويوم ولدت ماعندي احد يساعدني وقلت لها ابغى انام ابغاكم تاخذون البيبي .. تقول احنا ماناخذ البيبي.. البيبي عند امه حتى حفاظات وحليب مااعطوني .. انا مو متعوده اجيب معي للمستشفى على اساس متوفر ..
الولاده الثالثه في امريكا .. بصراحه هم شعب اخلاقهم عاليه في كل مكان .. لكن سبب الدلع في الولاده هو التامين الي وفرت لي الملحقيه وليس امريكا .. ولان المستشفى خاص كان تعاملهم روعه .. حتى الدكتوره حقتي قالت تامينك مميز كل شي يغطي .. احنا عندنا ناس كثير ماعندهم فلوس يدفعون وتصير مشاكل لهم بسبب المبالغ الهائله الي تطلبها المستشفيات ..
انا عني انلغى تامين وكنت موديه بنتي للعياده لسبب سخيفه جدا وماكنت اعرف ان التامين انلغى وكان سعر الزياره يعادل 1000 ريال اضطريت ادفعها من فلوسي
والحمدالله من قبل ومن بعد كلها تساهيل من رب من العالمين والدعااء ربي يسخر لك الناس الطيبين ...
مسك الختام التباااشير (10)في تجمعنا ال29لأمهات سبتمبر &اكتوبر
متابعة النقاش، صفحة 33