مساء الخير
رجاءا اولا حسوا فيني وتخيلوا معي كل التصرفات
انا جدا متضايقه ومرات اقول ياما يتامي وماماتوا عاشوا احلي عيشه ...بصراحه تعبت من اهلي ....
باختصار امي اذا حبت بنتها حبت زوج بنتها وعيالها لو انها بخيله او ما تنفع او زوجها خبيث عادي علي قلبها .... لكن اذا بنتها طيبه وتدفع لها وتبرها وتخاف تزعلها وما حبتها كرهتها وكرهت زوجها وعيالها ولا تشوف شي سوته لها لكن اللي تحبها لو عطتها ريال قامت تذكرها سنه وتمدحها امي عندك مصلحه لها حبتك وقدرتك وحطتك فوق سما
(مؤقت طبعا
)خلصت منك تقول وشوله جالسه يالله روحي بيتك ...
امي بخيله وتموت بالفلوس لكن اذا حبت احد دفعت دمها له ....اللي يحز بخاطري التفرقه بينا احنا يالخوات .....وتضايق من اللي ما تحبها ودها اهي واقفه تسلم وتمشي ...
مع ان امي كانت من عايله فقيره وابوي اغني وتزوجها بعدها كرهت حتي اهلها وتضايق اذا جو سلموا عليها بس ما تبين ترحب وكله تافف عندنا متي يمشون واذا راحوا قالت لازم اغير بيتي لمنطقه ابعد صرت فندق لاهلي وامها كل سنه سنتين تزورها مجامله ومن الكبر ما تجلس يوم ترجع يعني اجدادنا ما نعرفهم ولا خوالنا حتي عمامي تكبرت وحرمت ابوي منهم ما تحب تروح لهم بس ابوي يعني عاشت حياتها مع جيرانها مافي احد من قرايبنا ولا تحب تعرف عليهم ...
انا عكسها احب الجمعه والواناسه واللي قاهرني اهل زوجي اطيب ويحبون الناس عكس اهلي بس اللي يضايقني ان مالي احد بمدينتي الا جاراتي ونادر يفضون للعزايم واتضايق اذا هذي راحت لامها او اختها ...
باختصار اهلي ناس ما فيهم رحم زياراتهم مصالح حتي خواتي نفس امي كل وحده اللههم نفسي ..
الحل كيف امتع نفسي واطفالي كيف اسلي عمري انا بسنه نسافر لاهل زوجي اوسع صدري ومرات بسنه مرتين لان بعيد عنا ...
اما امي اتفشل من زوجي لمن اجيهم بس تافف وتلاحظ اكلها لا يخلص من عيالي وتسال مطولين اسالتها تحرج مع اني ما انام عندها اخذ شقه عنها لان اعرفها ...
واللي يقهر ما تتصل الا لمصلحه جيبي لي كذا وكذا او تبي فلوس تعبت وربي مرات اقول اهي ماماتت لمن تركت اهلها وجماعتها ....
وخواتي اللي تحبهم بنفس مدينها اهي تتصل تعالوا ومنحاشات ما يجون اعذار تافهه يسكتونها تمر 3 شهور ما يجون لها وانا ابعد عنهم 500 كيلو
شاركي في النقاش
سجلي الدخول لإضافة تعليق.
التعليقات
20- طيب كثير امهات كذا
دايم اتذكر المثل اللي يقول ( لا حبتك عيني ما ضامك الدهر)
لو الوحده امها ماتحبها خلاص مهما سوت لها ماتشكر وتشوفها مقصره وتنبذها والعكس لو كانت تحبها مهما قصرت او خالفت عادي ولو تسوي معروف تافهه ماينذكر وصلته السماء
عادي حبيبتي الحمدلله الله عوضكبزوج طيب واهله تقولين طيبين فهذي نعمه - هلا وغلا حبيبتي ..... صلة أمك واجبة عليك .... بس لاتضغطين ع نفسك دوري راحتك ودوري الناس اللي اذا جلستي معهم انبسطتي وو ملو عليك يومك وانبسطوا بعيالك ..... وخلي أمك زيارات بسيطة وسريعة اريح لك واريح لها .....
- صحيح كلام ايمان
مافي حياة تجيك ببكج كامله
لازم ينقص شي
انتي عادي بريها واتصلي واسالي عليها ولا عليك
اذا تبين توسعين صدرك اطلعي اسواق مطاعم مع زوجك و اولادك
او تعرفي على امهات اصحاب اولادك بالمدرسه وصيروا تجمعوا مثلا كل فتره
وبعدين بقولك شغله
هذا الوقت ابدا ابدا مافيه وصل وكلن لاهي بحاله
جيراننا الحين يالله يالله نشوفهم وبعضهم اذا سلمتي ما يردون السلام
ا
اللي اقصده عيشي حياتك واستانسي بدون ما تحتاجي احد يسعدك
رتبي مصروفكم بحيث انكم بالاجازات تسافروا برا السعودية
الله يسعدكم ان شاء الله ويصلح ما بين امك وبينك ويعيننا جميعا على برهم ياربي - سبحان الله كأني أقرأ قصة حياتي
بس زوجي نصحني لا أقطعها لأنه حرام
اروح ازورهم واسأل عليهم
وخلاااااص
الله يهديها
استغفر الله
استغفر الله
استغفر الله
مواضيع مشابهة
تابعي تجارب أخرى من هذا القسم.