ممكن تحلون مشكلتي. تعطوني مشوره

الله يمون في عونكم

الله يفرج همك يارب

ارفضي واصري على رأيك

وهو مو صغير علشان تتحكم فيه وتفرض رايها عليه

يقول لها زواج ماني متزوج

ويجيب لها شغاله ويشوف امورها كل يوم مثل ماقال

زوجك لهذي الدرجة سلبي ويمشي ورا خالته من غير مايعرف يقول كلمة ( لا ) ؟؟؟ 
شخصيته ضعيفة قدامها للحد اللي يخليها تتجرأ كل هذي الجرأة !!! 
وانتي ليش تروحي تدوري رضاها ؟؟؟ 
عمتك على الراس والعين لها منك صلة الرحم
والمعاملة بالمعروف والاحسان في حال كانت ادمية .. 
اما حركات الحيونة اللي تسويها !!! 
مالها الا الزفت في وجهها 
كمان انتي رايحة لها وتترجيها وتقترحي عليها اقتراحات تهد حيلك عشان ترضى !!
عشان ايه تقطعي نفسك وتروحي لها كل يوم وتكرفي لها 
فاضية لوجهها ماعندك اشغال في بيتك ؟؟ 
فين عقلك ؟؟؟؟ 
عساها ماترضى بحريقتها يا امي ...
اقعدي في بيتك ولاتقبلي حتى النقاش مع زوجك في هذا الموضوع .. 
مبسوطين في بيتكم وحياتكم مستقرة .. 
تجي هذي تقلب دنيتكم وتقرر وتشيل وتحط على كيف اهلها !!!
وعاااايشة الدور مسوية فيها الأم الغاضبة 
على اساس غضبها طرد من رحمة الله !!
محد قالها ياشيخة اقلبي وجهك ؟؟؟؟ 
وابو الشباب اللي عندك يستهبل ياماما ..
قال ايه قال ما ادري ايش اسوي !!
سوي حواجبك كاروهات ياحبيبي ..
مالت عليك وانت رجال منظر على الفاضي !!
خلي كلامك مع زوجك .. 
قولي له لو بنتكلم في الشرع ..
صحيح الشرع حلل اربعة
مالي اعتراض على شرع الله ..
بس تتزوج بهذي الطريقة ؟؟؟
انت ترضى على نفسك الاهانة بهذي الصورة ؟؟؟
خالتك تخطب لك وتزوجك 
 وانت ساكت كأنك بنت قرر ابوها يزوجها من غير شورها !!! 
فين رجولتك ؟؟
فين شهامتك لمن تقبل انك تجيب بنت الناس ترميها عند خالتك شغالة !! 
ومحسبها بتسكت لك والا اهلها بيقبلوا قلة الحيا اللي بتصير ؟؟؟
ترى راحت والا جات اسمها خالتك ماهي أمك !!!
وبنت الناس ماهي مجبورة تتحمل أمك وهي أمك
مابالك بخالتك ؟؟؟ 
انا ماتحملتها وهي عمتي اخت ابويا ..!!
بنت الناس بتتحملها ؟؟؟
ان سكتت شهر والا شهرين والا حتى سنة ..
بيجي عليها وقت تقرف من سخافتها وبتقولك طلعني بيت لحالي .. 
بتكون خلفت لك ولد والا اثنين والبيت صار ضيق عليهم كمان ..
ومن حقها تطلب هذا الطلب زي ما انا طلبته 
 ولو مانفذت طلبها بتظلمها وربك بيحاسبك على ظلمك .. 
مستعد توقف بين يدين الله يوم الحساب تتعاقب على ظلمك عشان خالتك ؟؟ 
وان طلعتها لبيت لحالها بينعاد نفس الموال 
خالتك بتسوي لك نفس الفيلم انا اخطب لك وانا ازوجك وجيبها عندي ..
وجنابك ماشغلتك الا تتزوج لاجل عين خالتك 
وتحمل نفسك فوق طاقتك بالمسؤوليات وانت كل يوم فاتح لك بيت جديد 
وان ماقبلت تطلعها لبيت لحالها بتطلب الطلاق وترمي لك عيالك 
وطبعا بتجيبهم لي عشان اربي !! 
حبيبي .. من دحين اقولك ..
مالي دخل وماني مربية عيال غيري ..
وتقصير في حقوقي وحقوق عيالي من اي ناحية ماراح اقبل 
ولا عندي أدنى استعداد اقدّر الظروف الغبية اللي حطيت نفسك فيها ..
ماتعرف تشغل مخك وتتصرف تصرف رجال عاقل وترفض العبط هذا كله من بدايته .. 
قلعتك انت حر ..
رقع البلاوي الجاية بمعرفتك 
لاتتوقع مني اساعدك في شي .. 
اعطيه كل الاحتمالات خليه يفهم ان الشغلة ماهي لعبة 
الزواج يعني خلفة عيال ومسؤوليات 
وبنات الناس صاروا مفتحين وواعين
مافي بنت بتقبل اللغوصة والقرف اللي بتحطها فيهم...
وانت عمرك مابتشوف التوفيق في حياتك لأن نيتك في الزواج ماهي انظف من نية خالتك
انتو الاثنين شركاء في نية اوسخ من الوساخة نفسها ..
لاتضحك على نفسك وتسوي فيها المغلوب على أمره .. 
انت مسؤول وذنبك اكبر من ذنب خالتك
 وربك شايف وعالم وعارف باللي في القلوب .. 
تبغى ترضي خالتك وترد لها المعروف جيب لها شغالة تخدمها 
كذا عدّاك العيب وجمّل الله حالك ماقصرت .. 
اما تتزوج عشان ترضيها ؟؟؟
هذا اسمه هبل وقلة عقل 
بكرة الحرمة تموت وانت متورط لاخر عمرك بتبعات مشاريعها .. 
وروح امشي وراها شوف لفين بتوصلك .. 

اصحك تتكلمي معاها في الموضوع بعد كذا .. 
كلامك مع زوجك وبس..
الله يعينكم عليها ويشغلها بنفسها ..

خلي زوجك يقول لها ماابغى اتزوج
خير ان شاءالله ليه حتى لو هي للي ربته تجلس تتحكم فيه

جزاكم الله خير يارب. وكثر الله خيركم كفيتوا ووفيتوا. رحت لزوجي وتكلمت معه بكل شجاعه وقلت له كل اللي في خاطري مثل ما. تعلمت منكم وهو قال هذا اخر جواب عندك قلت ايه طلعه من بيتي ماني طالعه قال خلاص يكون خير وطلع راح لاستراحه من المغرب احس براحه فظيعه كنت بوافق. وكنت خايفه. الله يبيض وجيهكم ووًحده تسال ابوي وينه ابوي معها يقول ماتتركونها هذي لحمي ودمي