مسك الختام التباااشير (10)في تجمعنا ال29لأمهات سبتمبر &اكتوبر

حساب السونار اول الحمل مثلي.انا عملت سونار اول ما عرفت اني حامل وطلع عمر الحمل ثلاث أسابيع.

قلب يعقل
خلاص هو اللي اعتمديه ، ما عليك منهم
ترى المستشفيات فلسفتهم كثيره

انا أتابع و حساب الدروة مثل السونار لكن اختلف بعد كذا و طلع حساب السونار متأخر لان حجم الجنين عندي صغير
لا و يسألوني هو موعد دورتك صحيح و الا ناسيه و الا مو متأكدة ؟

فلا تشيلين هم

انت حسابك هو الأصح

في رمضان تغيب عنّا ليلة القدر فلا نعرف متى هي ؟! 
وَ في ذي الحجة يُخبرنا اللّه بيوم عرفة وَ مع ذلك هل سنقصر ♡' !!
1/يوم عرفه من ملك فيه سمعه وبصره عما حرم الله غفر له
2/ إن استطعت أن تخلو بنفسك عشية يوم عرفه فافعل "العشية من بعد صلاة العصر إلى أذان المغرب. 
 3/يقول أحد الصالحين والله ما دعوت دعوة يوم عرفة وما دار عليها الحول إلا رأيتها مثل فلق الصبح.
4/في عرفة ما رؤي الشيطان أدحر ولا أصغر منه في هذا  الَِيـَِـَِوٍمِْ  لكثرة ما يُعتق من النار
5/دعاء يوم عرفه لا إله إلا الله وحده لاشريك له له الملك وله الحمد وهو على كل شئ قدير
6/يقول الرب في الحديث القدسي :» من شغله ذكر عن مسألتي أعطيته أفضل مما أُعطي السائلين « اجتهدوا في هذا اليوم وأبعدوا عنكم الملهيات بالأخص الجوالات  فقط 12 ساعة
غفرالباري لنا و لكم واستجاب دعواتناو دعوتكم لاتنسوني من دعواتكم -

مرحبا بنات وربي لكم وحشة وبرجع اقرأ لكم وخصوصا النت عند اهلي شوي يعصب...مبروك للي ولدو وربي يهون على البقيه ابشركم ولدت بعملية قيصريه والحمدلله
اكشن ولادتي ....بتاريخ 1 اكتوبر وكان تجمعنا التجمع السابع في التباشير كان لي اسبوع عند اهلي رحت خلالها مستشفى عشان اشوف وضعية الجنين لأنه كان مقعدي وكان لي بالتاسع اسبوع ونص او اسبوعين قالت الرحم فاتح واحد والجنين مقعدي ولازم عملية قيصريه قلت بطلع واشوف واليوم اللي بعده نزل علي دم وشوية الم رحت مستشفى ثاني اللي كنت ناوية اولد فيه وعلى اساس ارجع البيت وقالت لي الدكتورة فيه طلق والرحم مقفل ...على غرفة العمليات على طول انا مصدومه قلت لحظه ياحلوه وش السالفه قالت واضح بالسونار راس البيبي فوق ومستعد للولاده برجولة خطر على الجنين وعليكي قلت طيب بطلع وبكرا اجيكم قالت تطلعي على مسؤوليتك خطر عليكي فيه طلق قلت طيب شوفيلي جنس البيبي الله يخليكي لانهم حيروني ولانه طول فترة الحمل ياساجد ياجالس ...واضح اني خايفه ههههه...قالت لي مو واضح مررره كانه جالس او واقف معطينا قفاه ....وراحت بلغت الدكتور وجتني ممرضة سحبت دم وغيرولي لبسي ثم نقلوني سرير ومن سرير لسرير القى نفسي بغرفة العمليات جاني دكتور التخدير قال اخر مرة اكلتي متى قلت المغرب وانا جيتهم على الساعه 9 او قبل شوي قال لي التخدير حيكون نصفي قلت مو مشكلة وبعدين قال اجلسي بسوي اختبار بسيط وماحسيت الا وبدأ التخدير برجولي كان سريع مو مؤلمه ابرة الظهر زي ماكنت خايفة....وبعدين ركبولي قسطرة وانا اشوفهم يفتحون رجولي قلت هيه عيب احسبهم يناظرون ماكنت ادري انه بيركبون لي قسطرة ماكان مؤلم لانه بعد التخدير...وبعدين حطو ستارة وانا اضحك وابكي مدري ايش صابني وارجف اول مرة ارجف زي كذا وبالعله بعد ماهديت بدأت اشم ريحة حرق وشوي اثاريهم يشتغلون باللليزر ...وانا اسولف مع الدكتور اللي يسويلي عمليه كاني سكرانه واضحك وابكي وادعي لنفسي وللاهل وفجأه سمعت صوت موية او دم مدري كأنه نافورة او بالونه وانفجرت وبعدين سمعت صوت البيبي يصيح وكأنه غرقان واسمعهم يضحكون يقولون طلعوه مع قفاه سبحان الله وبعدين قالو لي بيبي قيرل قلت الحمدلله وقعدت اضحك وابكي بقوة احس نفسي فرحانه ومصدومه وغسلوها لي ووروني اياها وقلت متاكدين ذي بنتي ولا تضحكون علي لان شكلها مو مثل الي توقعت سبحان الله وكمان ماكنت مستوعبه اني ممكن اجيب بيبي ههههه وقلت لهم اذنو باذنها قال الدكتور ودوها على الدكتور عمرو حق الحضانه لانه ملتزم وبعدها نمت لانهم خدروني واظن خيطوني وفقت ماطولت واخذوني على غرفتي وشفت امي واخوي وجابو البنوته وشفتها وارتحت شويتين وبعدها بدأ الألم اللي كنت راح ابوس رجول الممرضة بس تعطيني مسكنات ومخدر عشانه وضليت 3 ايام وانا اعاني من هالألم والحمدلله بعدها شوي شوي بدأت اتحسن والى الان احس شكل العملية مقزز وخصوصا بعد ماشالو اللزقة عنها وتالمني وخصوصا لما اروح الحمام الله يكرمكم بس صار عندي بنت الحمدلله ويمكن نسميها خزامى وسامحوني على اي تقصير ودعواتكم لي ولبنتي وربي يخلي لكم اطفالكم واجنتكم

تصحيح...
ولادة طفلتي كان بتاريخ 1 اكتوبر الساعه 10 والربع مساء بتاريخ 25 ذو القعده وولادتي المقررة 11 ذو الحجه