هل توجد مشكلة من زواج العازبة من مطلق لديه بنتين

حبيبتي برد عليك بحكم اني متزوجه واحد مطلق ... لو مطلق بدون اطفال تهون لكن الاطفال عقبه كبيره بحياتك لازم تكونين حاسبه حسابها عشان ماتنصدمين يعني ممكن يشوف عياله اولى بالحب والحنان منك اذا تقدرين على هالشي حلو 
بيجيك بعدها نقطه مهمه ليه طلق قبل العيب في مين بالضبط ترا ياقلبي غالبا الرجال الحنون ماتفرط فيه زوجته بسهوله حطي تحت سبب طلاقه الف خط وممكن يكون مظلوم بس حياتك تستاهل منك الحذر والتثبت 
من وجهة نظري الزواج من مطلق مليان مصاعب 
صديقتي تزوجت واحد مطلق بدون اطفال وعايشه معاه براحه مستقره انا خذيت واحد عنده اطفال عانيت جدا وياما ندمت على قراري بس استعين بالله ثم الصبر والحمد لله ماشيه الامور للافضل 
قبل كل شي استخيري بقلب صادق ووكلي امرك لله 

مافي اي مشكله بس حطي ببالك انه نمكن بعدكم سنه يقولك ام بناتي وبرجعها وراح يزين ويحلى اذا تزوجك عموما نصيحتي اصبري وخذي واحج بقراطيسه انتي اول تجربه بحياته

اذا انتي صغيره اكيد لا ....

خوذي واحد نظيف من الوكاله ماهو مجرب قبلك احد ...

نصيحه من اخت ...وش تبين بمطلق ...والله تندمين

اقول لك ﻻ وعن تجربة
اذا انت صغيرة وبكر ﻻ
بالذات لو عنده عيال

شوفي حبيبتي ,, الحياة كلها مطبات ,,

بس في مطبات اعلى واقوى من غيرها ,, هذا نفسه الفرق بين الزواج من عازب والزواج من مطلق ,,


والمطبه العاليه والصعبه هذا اللي عنده اطفال كمان ,,


ماتقدري تقيسي حياة الرجل المتقدم لك بالرجل اللي متقدم لغيرك ,, حتى لو كانو اخوان من ام وابو ,,


كل شخص تفرقه شخصيته ,, فأول شيء شوفي دينه ,, اخلاقه ,, اسباب طلاقه ,, اعمار اطفاله

بقائهم عند او عند زوجته ,, بعدها لو قدرتي تاخدين تشكيله من واقع حياته الزوجيه السابقه ,, لحتى تكوني ب الصورة

خير على خير ,, م قدرتي وهذا المتوقع ,, عندك الباب المفتوح للراغبين ,, باب رب العالمين ,, ادعي ادعي وادعي ,,

واستخيري ,, وفكري وبعدها ابني قرارك ,, راح تشوفين قرار واضح امامك ,, مانتي بهالحيرة ,,


بحاول احطك بالصورة ,, ف حال كانو بناته عنده وعنده احد من اهله يمسكهم ممكن يخليهم 3 ايام زواجك الاولى


وبعدها بتبدأي ترعيهم ,,فأنتي قيسي صبرك هل انتِ قادرة ع تربيه طفلتين من بيت اهلك امييره وملكة إلى ام لم تنجبي ,,

وطبعا لاتنسي ان الغيره بتدخل قلبك من أي مدخل يكون لهم مع ابوهم ,, انا مو متأكدة بس تخيلت كذا يعني

خصوصاً لو كانو البنات كبار شويه وقريبات لعمر المراهقه بتلاقي ابوهم يداريهم بالوقت اللي انتي تحسي انك اولى بالحب


وانا ما ألومك ولا ألوم زوجك ,,لانهم بناته وله حق فيهم ,,

وبعد شو هل قادرة ع تربيتهم عاطفيا ونفسياً وتنظيفهم وترتيبهم وتاخديهم ف اغلب طلعاتك مع زوجك إذا ماكانت كلها

هل راح تتحملين دلعهم ع ابوهم ؟ هل لما تجيبي اطفال راح تعامليهم نفس المعامله ولاتفرقي ؟


وش بتسوين لو تدخل زوجه زوجك الاولى ف حياتك وتصير لك ابسط مشكله ؟ خصوصاً لو شافت شيء اساءها ع بناتها ؟

مثلا راحو لها يوم وثيابهم اتسخت ؟ او جا يوم وابوهم ما يقدر يلبي لهم شيء كمالي طلبوه ,, وتوجهت الاتهامات لك ؟




المشوار طويل انا اقول اخدي وقتك ف التفكير لاتستعجلي ..:) ولاترفضي لمجرد الرفض