زوجي متزوج مسيار حسبي الله عليه ...

السلام عليكم حبيباتي م أبي أطول عليكم بس شورو علي
انا متزوجة لي سنة ونص ولي ولد واحد الله يحفظو عمرو سبع شهور وعمري 25 وجامعية
طبعا اي حياة زوجية م تخلى من المشاكل وهالشي معروف بس مشكلتي ان زوجي اي شي بيننا ع طول يعلم اهله فيه ونصحته يبطل هالعادة بس يقولي طيب ويرجع على نفس الحال لين م سمح لاهله انهم يدخلون في حياتنا بقوووووووة وهالشي مضايقني جدا لدرجة صارو يتدخلون بالصغيرة قبل الكبيرة وفوق م تتصورون المهم
قبل 4 شهور زادت مشاكلنا وكبرت بسبب تدخل اهله وتحريشهم له وجيت مرتين زعلانة عند اهلي وهذي المرة الثانية اللي جيتها وسبب جيتي انه اعترف لي انه متزوج مسيار وحلف بعد:icon33:
انا اصلن كنت حاسة وربي بس كنت اقول هذي وساوس وفعلا هو اكد لي انا دعيت الله انه يفضحه قدامي لو انه متزوج وسبحان الله ربي استجاب لي واتاكدت وهو اللي اكد لي
طبعا انا زعلت وجيت بيت اهلي وبعد جيتي باسبوع دق علي يسالني يقولي انتي م تبين تعيشين معي قلت لا بعد كل اللي شفتو منك ومن اهلك لا وفي الاخير طلعت متزوج مسيار والله ماعاد اعيش معك ببيت واحد كفاية اني متحملتك انت واهلك لي سنه ونص قام قال طيب خلاص كل واحد فينا يشوف نصيبو بهالدنيا وع العموم انا عندي ملكة بعد الحج انا حسيت بالتناقض في كلامه كيف يقولي مسيار يرجع يتصل علي ويقول عندي ملكة مدري وش معاه الله اعلم
المهم بعدها صار يدق علي بس م ارد عليه وابوي حالف علي ماعاد ارجع له ولا اكلمه :huh:
وانا بنفسي قرفانة منه ومن عيشته هو واهله وماني متقبلة اني اشوفه بعد اللي صار
ومبيته النية ع الطلاق بس مستنية الفرج من الله وحدو
بالعلم ان حتى ولدي مو قاعد يرسل مصروفه وبالعلم اني مو ناقصني شي ولا اني مقصرة عليه بشي والحمدلله م امدح نفسي بس واثقة من نفسي وعارفة قدراتي
اللحين ي صبايا وش رايكم باللي صار امانة تردو علي وكل وحدة قبل لا ترد علي تحط نفسها مكاني وبعدها ترد انصحوووووووووووووووووووني والله محتاجتكم بعد الله

36 تعليق 13,425 مشاهدة

شاركي في النقاش

سجلي الدخول لإضافة تعليق.

التعليقات

35
  1. @maasobh_balaasl

    اظن والله اعلم انه مو متزوج مسيار يمكن فكرة الزواج براسه وقال لك تزوج على اساس يمهد لك لملكته الي بعد العيد

    الله يرده لك ردا طيبا

    والطلاق مو حل بينكم طفل ايش ذنبه يتشتت
  2. @moka_mthllg

    مدري والله احترت
    انتي شكلك ماتبين الطلاق
    لكن استخيري وادعي
    سهام الليل لا تخطيء ولكن،،،،لها امد وللأمد انقضاء
    والله يعوضك خير بحياتك وينبت ابنك نباتا حسنا ويجعله
    سند لك وقرة عين،،،
  3. @never_broken

    الله يفرجها عليكي و يهديك للقرار الصحيح

    لا تستعجلين بطلب الطلاق ابدا ...انتظري شوي و شوفي و خاصة ان كلامه متناقض مثل ما قلتي بس عجبني انك ما سكتي له و عزيتي نفسك ...الله يسهل عليك امين
  4. السلام عليكم ورحمة الله وبركاته اختي

    مهما حطينا نفسنا بموقفك وفكرنا وقلنا ردوودنا

    الا ان وقت الجد غير ومحد يحس بالي فيكي الا انتي

    انتي عارفه إسلوبة وعشتي سنة معاه ف الراي رايك

    وأرائنا بتشتتك

    استخيري وادعي ربك واكثري من الأستغفار

تابعي تجارب أخرى من هذا القسم.